Continuamos, e rematamos por agora, o post que deixamos o domingo pasado relativo aos singulares personaxes protagónicos desta triste e insolidaria historia. Tamén pretendemos aclararvos qué é o que está pasando nestes momentos, onde o cruce de insultos, descalificacións e enfrontamentos entre as persoas involucradas nesta campaña "veciñal" incívica demostra cómo os ventos que axitan determinadas bandeiras poden volverse tempestade para aqueles que as enarbolan.
BOLG DO CASTRILLÓN: Outro medio de difusión na rede para as prácticas demagóxicas e electoralistas do Partido Popular da Coruña. O engano radica en que baixo o nome xenérico do barrio, isto é "Castrillón", ocúltase unha web sectaria controlada en exclusiva pola asociación O Cruceiro, si, a que presidiu o concelleiro "popular" Mourelo. Normalmente adícanse a convocar algaradas contra o goberno municipal da Coruña. O actual, claro, que con Vázquez nin sopraban....Pero últimamente están metidos nun lío de proporcións xigantescas. Explícome: tanto axitaron o medo aos adxudicatarios de vivenda pública que tiñan dereito a un dos pisos que se debían ter entregado en Eirís antes do verán, que agora a súa estratexia é defender unha permuta que distribúa estas persoas, persoas que, lembremos, gañaron o seu dereito a unha vivenda pública honrada e legalmente, polos diferentes barrios da cidade, en apoio da "solución" atopada por Dieguito Calvo para saír do seu propio embrollo. Efectivamente, a estratexia de Calvo era sementar dúbidas legais ao respecto dos adxudicatarios desas listas. Agora que é Superdelegado, vai e recoñece que as listas estaban ben, polo que entregando XA as vivendas de Eirís, moitas familias, das máis humildes -entre elas algunha procedente de diversos realoxos- acabarían nese barrio axitado polas augas de Mourelo. O señorito concelleiro periga, polo que apoian a dolor a Dieguito. Pero, OH SORPRESA!!!!!, se se practica a permuta, algo ao que se opón o Concello por vulnerar os dereitos máis elementais destas persoas beneficiarias das vivendas, PODERÍAN ACABAR ALGÚNS CHABOLISTAS MESMO NO BARRIO DOS ROSALES!!!!!! TATE, NENO!!!!!!!. Se entrades no blog dos Rosales veredes o enorme cambio de actitude de Xotengo a respeito do Partido Popular e o Concello. Xotengo esta, agora, a morte con Silvia Longueira e o señor Alcalde....Cousas veredes!!!!!
Mourelo e os seus coleguillas deberían pasarse máis amiúdo polo Centro Cívico do Castrillón...a ver se se lles pega algo.BLOG DO ENSANCHE: Sen palabras. Creado única e exclusivamente para a promoción persoal e indecente do seu "líder" ou "caudillo", o señor Gerardo Crespo. Non vale máis que para mentir, difamar ao Concello, á Policía, á xente moza, aos demócratas que non queremos ver máis ao General Mola no rueiro da Coruña, e, como xa vos indiquei, para dicirnos a todos que Don Gerardo é o führer que necesitamos nesta nosa Coruña.
Aquí botándose unhas risas.....
ERRADICACIÓN DO CHABOLISMO: Programa creado, efectivamente, para acabar dunha vez por todas cunha situación incomprensible e inasumible en pleno século XXI no corazón de Europa. O do Concello da Coruña está avalado por todo tipo de institucións e asociacións involucradas na definitiva eliminación destes poboados. Só o Partido Popular da Coruña, e elementos afíns, está en contra. Eles saberán.
TORRE-MONTE ALTO: Barrios populares da Coruña onde se levou a cabo unha masiva erradicación do chabolismo sen ningún tipo de conflito.
FEDERACIÓN DE ASOCIACIÓNS DE VECIÑOS DA CORUÑA: Con todo o que está caendo, con catro fachorras mandando nas rúas coruñesas, e a súa presidencia decide que o que "realmente importa" e é un "clamor ciudadano" é recuperarmos o L de La Coruña, que denominan da Liberdade.....qué curioso. Cando se IMPUXO o nome oficial da cidade como La Coruña, ninguén tivo LIBERDADE de elección. Os vintetantos anos de goberno vazquista foi a ÚNICA fórmula válida para o AYUNTAMIENTO.....Onde estaban estes valedores sociais???? Son conscientes de que o que é un "clamor ciudadano" é a súa falta total de empatía social e a súa incapacidade para xenerar opinión e influír no devir cotiá da cidade????
Cómo está o patio hoxe mesmo??? Preparádevos:
1. Os Rosales está en contra da permuta e do PP porque lles pode tocar algo do "gordo".....e "al lorito" do que solta Xotengo sobre o actual presi de O Cruceiro: "Se dice por ahí que el presidente de la Asociación de Vecinos de O Cruceiro iría a vivir a un edificio que está justo al lado del que la Xunta entregará próximamente a los adjudicatarios del concurso público de viviendas de protección autonómica y de ahí vendría el trato de favor que el PP le estaría intentando dar a esta Asociación, de la que salió el último Concejal del Partido Popular en A Coruña, el señor Mourelo".
2. A asemblea de veciños de Novomesoiro decidiu apoiar as permutas, para ver se libran dalgún....pero o presidente xa dimisionario defende o dos 112 para Eirís. A asociación está hoxe rota, por non dicir liquidada. O barrio dividido. As algaradas protagonizadas polo sector máis radicalizado e, con todo o respecto, analfabeto e indocumentado. Esta noite, na súa asemblea de rigor, seica dimite "oficialmente" Óscar Mena de Presidente da Asociación de Veciños de Novomesoiro.
3. O Ventorrillo, a través do seu blog, está que trina contra Novomesoiro e pode ter problemas con Rosales, pese a que eran tan amiguiños da alma ( por exemplo, ambos os dous amiguetes do blog do...Castrillón!!!!! ). Claro, e retroaliméntanse uns aos outros cos seus post. Por certo, o último últimísimo último deste administrador ventorrillense: manipula e corta os vídeos das algaradas veciñais para eliminar as "aportacións" linguísticas dalgún dos manifestantes.....todo pola causa!!!!
Última hora: estes de abaixo e os de O Cruceiro volverán coincidir nunha manifa nos próximos días. Todos contra o Concello e a favor do PP. Mentras tanto, o PP que goberna a Xunta a eliminar servizos sociais cada día. Agora tócalle ás oficinas de Igualdade e Benestar. A ver se algún destes non precisa mañá dese tipo de servizos e se atopa con letreiro de "pechado por reformistas"!!!!! É o que se merecen.....
Boísima imaxe que recrea, en toda a súa crueza, o perfil dos alborotadores comeza a ser inquietante.....
4. O Cruceiro adícase a atacar a todo aquel que discrepe coas estratexias do Partido Popular. A súa baza é o blog. A baza das persoas civilizadas do barrio é que son maioría. A pregunta é: cómo permitimos que estes personaxes "ocupen" os nomes dos barrios conseguindo transmitir a súa visión a todo aquel que introduza os nomes destes barrios en Google, por exemplo. E, se non, facede a proba.Ao final desta historieta, resulta que a día de hoxe chegamos a un punto onde está totelmente demostrada e confirmada a práctica da censura para os comentarios que non "interesan" aos diferentes administradores nos blogs de Rosales, Novomesoiro e Ventorrillo. O caso curioso de Novomesoiro, onde o creador e administrador do blog tivo que abandonalo ao perder o control sobre o que se publicaba e censuraba, amosa ata que punto puido chegar a ambición política que guía a determinados personaxes vencellados, hoxe, en grande ou total medida ao Partido Popular da Coruña.
Vivir para ver.....
Déixovos aquí o último comentario que enviei ao blog de Novomesoiro hai tres días, en canto souben do "golpe de estado" que lle montaron ao administrador, e que non pensan publicar. Perigosísimo e malsonante, como veredes:
"1. Administrador: Non imaxinas cómo lamento toda esta situación. Verémonos no Foro, por suposto, pero non podo evitar entristecerme pola túa decisión.
2. Ao barrio todo: Desde Katanga, amañade os vosos problemas e unídevos para CONSTRUÍR un barrio mellor, que seguro que é o que vos une a todas e todos.
3. Sobre as protestas polos realoxos: Lembrade que hai protestas pola POLÍTICA DE REALOXOS porque HAI política de realoxos, cousa que non ocorreu nos vintetantos anos anteriores, co Alcalde vaticano, auténtico xenerador do problema. Moitas das persoas que vos apoian nas vosas críticas a esta política son admiradores deste home, e algunhas, como a presidenta do Ventorrillo, COMPARTIRON lista ao Concello. Daquelas, non se organizaban no barrio algaradas contra o “Alcalde”, se non que sempre se lle recibía con flores e alabanzas, e con esa retórica engominada propia do trato que dispensas os “servos” aos “señoritos”.
4. Sobre a política de vivenda pública: Non é boa cousa, isto dígoo con cariño absoluto, poñer en dúbida estas políticas nun barrio amparado precisamente por estas políticas. ¿A conta de qué habería xente moza comprándose un piso por MENOS de 500 euros ao mes sen as polñíticas públicas de vivenda?? Se mandasen algúns dos vosos “falsos” amigos….non vos chegaban 900.
5. Sobre o futuro: Teño que recoñecer unha profunda envexa polo futuro que vos agarda co Centro Social, a Polideportiva e o Centro de Saúde. Todo isto axudará, seguro, a consolidar e mellorar o barrio. Aproveitádeo. Nós temos Katanga desde 1966, e mirade o que nos costou conseguir todas e cada unha das escasas dotacións das que dispoñemos: Non hai polideportiva, o Centro Cívico, social ou o que sexa, por fin en 2012….e gracias a que temos pertiño o Centro de especialidades do VENTIRRILLO, que como o seu propio nome indica, ignaugurouse a conta dese novo barrio, e de segundas, para atendernos.
6. Sobre o futuro (II): Estade enriba da Xunta para que cumpra co barrio e a cidade e amplíe, como é a súa obriga, o número de prazas escolares en escolas infantís".
NOTA URXENTE: Podemos confirmar que este comentario xa está visible no blog de Novomesoiro. Semella que vai imperando a cordura. Alédome moitísimo.
O dito.....vivir para ver.....
Mourelo e os seus coleguillas deberían pasarse máis amiúdo polo Centro Cívico do Castrillón...a ver se se lles pega algo.
Aquí botándose unhas risas..... 
Boísima imaxe que recrea, en toda a súa crueza, o perfil dos alborotadores comeza a ser inquietante.....
Non teño nin idea de como chegamos a isto. Se imos ós inicios deste triste conto pode que cheguemos a lembrar a pasividade dunha administración que, hai xa 25 anos, optou por ignorar a formación dun ghetto e deixarse deslumbrar polos oropeles burgueses.Se un problema non está á vista e que non existe. Ou polo menos parecía non existir ata que se plantearon os realoxos.
ResponderEliminarE como hai solto moito listiño oportunista,algún "curuñés-de-ben-de-toda-la-vida" veu o ceo aberto.Todo polo ben común,por suposto.Pensar eles en dar o salto á area política??? "Quita, quita, hombre, por Dios!!! Yo me debo a mi barrio.Yo estoy aquí por mis vecinos".Logo chega a fase de "desde dentro podo facer máis e demito porque é incompatible".Por último: "callarse,ingratos,que sois unos ingratos".Entre tanto, enredaron e enmerdaron todo o que puideron,falando no nome dunha maioría á que non representan. E se non estás con eles, estás contra eles.
Fauna pintoresca: de desinteresad@s paladíns veciñais a esforzadores servidor@s polític@s que parecen entrar en estado vexetativo cando se satisfacen as súas ansias de poder.E hai que ver como se aferran a estes postos. Con máis forza da que se aferran ás súas palabras previas e ás súas conviccións ideolóxicas.
En canto ós veciños supermegatop "en mi barrio no": a ver como acaba a súa cruzada.Gustaríame contemplalos nun debate público a tod@s (señor Mourelo,señor Crespo,señora Barreiro,señor Sáenz-Chas,señores blogueiros) co señor Calvo. Gustaríame moito escoitar os seus argumentos,ver á súa documentación,por dicir algo.Qué nivelazo,qué espectáculo.
A min non me estraña que exerzan a censura previa. Para nada. A quén lle interesa a opinión dos que pensan diferente? A eles,non.
O que si me irrita profundamente é que a xente se ampare no anonimato para proferir insultos, e barbaridades: emitir comentarios ou críticas non é o mesmo.A miña autocensura previa pasa por reflexionar o que vou escribir.Porque de ningún xeito querería quedar ó mesmo nivel das persoas que padecen a síndrome do pensamento único: "el barrio soy yo".
Non sei porqué,curiosamente,agora veñenme á mente a escea final da película "La Comunidad" de Álex de la Iglesia.
Vivir na Corunha que bonito é. Si que o é malia a que unha parte dos habitantes non llo pareza desde que foi Paco Vazquez ao Vaticano.Como se chegara o anticristo.Eu vivin ai(a miña nai naceu en Vionho e tamen tenho boas amistades) case 7 anos e percibín unha evolución positiva.As veces que oín falar de Penamoa era en referencia ao trafico de drogas.Sempre é de esperar que os realoxos causen movementos en contra mais non pensaba eu que houbera tanta cara dura e hipocresia.Faltalles mundo aos que protestan tanto.Aposto a que nunca saíron da cidade e menos que elen foran emigrantes.Que proben a vivir como minoria que son e seguro que cambia a súa visión.Entre tanto sera divertido ver como se destrozan entre eles.
ResponderEliminar¡Cómo mola este blog! ¿Qué parte de vídeo, ou perdón, que foi exactamente o que se cortou no vídeo de NM? Je, seguro que proferían insultos contra o Calvo.
ResponderEliminarAbur.
Pois eliminouse un cachiño onde saía unha muller moi coñecida do barrio, pois é a dona dun local de hostelería, e foi a RESPONSABLE do numerito das "barricadas", cando ía piso por piso dicindo que XA viñan os xitanos todos....Ben, pois esta muller, autora de letras tan reivindicativas como "Losada, Losada, que te hago una mamada" e que sae na primeira fila da foto da asemblea de veciños de Novomesoiro que incluín hoxe.
ResponderEliminarIgual teníamos que manifestarnos contra este abuso de la permisibidad democrática que provoca que haya gentuza incitando a prácticas xenofóbicas y presuponiéndoles actividades delictivas a personos, familias, adjudicatarias de un proceso legal de promoción de vivienda pública. ¿Donde está la fiscalía cuando se le necesita?
ResponderEliminarPois claro que si, Charito. Sabías que o señor Chas empregou o teléfono da Xunta de Persoal da Deputación para realizar chamadas en nome da "Federación" veciñal que el preside???? E qué fai a suposta Federación auténtica??? Xogar ao xogo de Carlos Marcos co L. Co L de lambóns!!!!!
ResponderEliminarEstimado Katangueiro.
ResponderEliminarO tema do vídeo claro que o modifiquei, pero pensando, en que non quería buscarlle problemas a esa rapaza. Efectivamente, habia frases coma esa e outras quizáis peores. ¿Non crees que se as borramos mellor para ela? Total, o que querían reivindicar, cos insultos ó mellor vai a peor.
Iso penso que non é manipular.
Pero bueno, alá tí.
Pero recoñece que é unha "anécdota" que merece ser contada....Esa persoa, en concreto, está moi identificada no barrio como activista das protestas. Alá ela, en todo caso.
ResponderEliminarOla, preséntome. Son AVA do blog do Castrillón, e en contra da opinión do Administrador, eu si quero puntualizarche unhas cousiñas. En primeiro lugar, este blog no que colaboro non é “Outro medio de difusión na rede para as prácticas demagóxicas e electoralistas do Partido Popular da Coruña”. Ni do PP nin do Psoe nin de ningún outro partido político. Pero, con todo o respeto ós simpatizantes, partidarios e militantes do pp, non temos nada en común con este partido, a nosa ideoloxía persoal dista moito de calquera mínimo parecido con estes señores.
ResponderEliminarEn canto ó “engano radica en que baixo o nome xenérico do barrio, isto é "Castrillón", ocúltase unha web sectaria controlada en exclusiva pola asociación O Cruceiro, si, a que presidiu o concelleiro "popular" Mourelo” decirche que , ningún dos membros deste blog coñece de nada a este sr. Mourelo, salvo de vista claro, pero nunca houbo nin un mínimo contacto . Non o coñecemos de nada, vaia. Igualmente en canto a Asociación O Cruceiro. O único contacto é cando nos envía algunha comunicación ó blog, que procuramos publicar, igual que publicariamos calquera outra informacíón que nos envíen de calquera lado e que afecte ó noso barrio, que para eso, entre outras cousas, creamos o blog. O blog foi creado para o que se indica nel, para ser un punto de encontro, información e comunicación dos veciños. Nel ten cabida todo o mundo, todas as opinións e todos os puntos de vista.
Así que te pido que rectifiques esta entrada porque me ofende persoalmente que me vinculen cunhas siglas cas que non me sinto nin identificado nin representado en absoluto, insisto que con todo o respeto a quen opina o contrario.
En canto o caso que nos ocupa, paréceme que o que adolece de sectarismo, subxectividade e malababa eres ti.
Aquí no Castrillón nunca estivemos en contra de que veñan adxudicatarios xitanos, aquí levamos convivindo moitos anos con xitanos (Camiño da Igrexa, Monte das Moas, Casablanca) e moitas mais razas, a ver si vos enterades. O que nos parece dunha total irresponsabilidade, que vai en contra de calquera política de integración, polo tanto é unha política con claros tintes racistas e discriminatorios, é que se ubiquen a vintetantas familias nun mesmo bloque, familias con diferentes graos de integración previa.E como di un amigo, sempre sempre esas integracións solidarias fanse en barrios de xente obreira e traballadora. Por favor, explícame, se podes, que hai de positivo que se realoxen 25 familias de etnia xitana nun edificio, e por qué é malo a diseminación das familias en todos os barrios da coruña, por outra banda ó principio básico para conseguir a integración real como no-lo demostran os éxitos conseguidos cando se aplica.
E para rematar, particularmente paso todos os días polo centro cívico , de feito participo activamente nel. E como se nos pega todo o sentir do barrio, quixemos crear este blog, porque ningunha das asociacións que temos nos representa adecuadamente nin loita polos intereses do barrio nin dos veciños. Porque estamos fartos de ter que estar con uns ou con outros. Ou de se estas dacordo con uns que signifique estar en contra de outros. De ter que comulgar co que queren os que ostentan o poder, teñan as siglas que teñan. De que so exista o branco ou o negro. Cremos na pluralidade e na liberdade para pensar e decidir o que nos pete, sen ataduras, nin directrices marcadas por ninguen só polos que nos parece xusto e adecuado. Aínda que che pareza incríble.
Perdoa, Ava, pero este comentario que nos deixas, e deixo para que todo o mundo lea e comprenda de qué estou falando, non se sostén en absoluto.
ResponderEliminar1. Cómo podes dicir que non tes relación ningunha co señor Mourelo se logo recoñeces que lle publicas "notas" no TEU BLOG sen contrastar se o que di é certo ou non, e sen emitir opinión????? Non somos tontainas: "Non o coñecemos de nada, vaia. Igualmente en canto a Asociación O Cruceiro. O único contacto é cando nos envía algunha comunicación ó blog, que procuramos publicar". Pois vaia co contacto...
2. Perdoa, Ava, pero se fose certo que servides á información veciñal DIRÍADES AOS VECIÑOS QUE MOITOS DOS REALOXOS DE EIRÍS SON DE PERSOAS PRECISAMENTE EXPROPIADAS EN EIRÍS PARA FACER UN PARQUE. Por qué non dicides nada e presupoñedes que TODOS os realoxados son delincuentes en potencia????? Quen cho dixo???? Qué probas tes????
...
3. SOBRE A PARTE FINAL DO TEU TEXTO: "...ningunha das asociacións que temos nos representa adecuadamente nin loita polos intereses do barrio nin dos veciños" dígoche, con cariño, que non deberías desprezar a entidades que, nalgúns casos, levan máis de trinta anos traballando polo seu barrio. Ti montas un blog e xa pensas que es a SAVACIÓN VECIÑAL, unha especie de superhéroe ou superheroína. Onde están os valores cívcos no teu blog????? Onde está o discurso de construír un barrio mellor?????? A parte de falar de inseguridade cidadá e do pouco que traballan s políticos (qué novidade, os mesmos comentarios dos outros...) qué aportades de bo e novidoso ao barrio????
4. Responde se queres. Eu, como ves, deixo colgadiño o que ti escribiches. Alá ti. VCalquera pode visitar o teu "espazo de opinión". A xente, en xeral, sabe entender moi ben. Por iso nas algaradas vos baixa tipo de persoal que vos baixa. NON É O BARRIO, vamos. É unha parte INSIGNIFICANTE do barrio e que xa vota polo PP.
1 De verdade cres que non se sosten? Onde poño que lle publicamos notas ó señor Mourelo? Publicamos as notas que nos envían calquera, e por suposto non temos por qué contrastalas, no blog non exercemos de periodistas, publicamos o que nos envían desde esta a asociación,desde a outra ou calquera outro colectivo que nos envíe unha información relativa ó barrio. Se ti queres publicar algo no blog estamos a túa disposición, e si é sobre o noso barrio, mellor. E si les o blog verás que sempre o facemos así, veña de onde veña. Invitamos en moitas ocasións as dúas asociacións para que deixen no blog a información que queiran. E por suposto, a todos os veciños que teñan a ben facelo.
ResponderEliminar2 En canto a “ Perdoa, Ava, pero se fose certo que servides á información veciñal DIRÍADES AOS VECIÑOS QUE MOITOS DOS REALOXOS DE EIRÍS SON DE PERSOAS PRECISAMENTE EXPROPIADAS EN EIRÍS PARA FACER UN PARQUE. Confírmasme que non les o blog e que acusas sen probas, seguindo o guión manido e reseso que che indican. Se o leras saberías que sempre apoiamos os realoxos e que nunca estivemos en contra de que veñan adxudicatarios de etnia xitana. E en qué parte do Blog presupoñemos que “ TODOS os realoxados son delincuentes en potencia????? “ Onde aparece unha soa frase que denote esto???? ¿Cómo podes ter tanto morro?, como poder ser tan manipulador???
3. E no de “dígoche, con cariño (que arrepío, detesto este paternalismo) , que non deberías desprezar a entidades que, nalgúns casos, levan máis de trinta anos traballando polo seu barrio.” Non é desprecio pola labor das asociacións, senón máis ben desencanto, porque nos últimos anos a defensa non é do barrio nin dos veciños, senón dunhas siglas e levo pelexado en moitas batallas para que agora teña que tragar co que lle convén a algúns para gañar puntos nos seus partidos. Autocritica, meu, autocrítica é a que fai falla para medrar, para evolucionar e non para seguir mirandose ó embigho e chupárnola os uns ós outros.
En canto a eso de que imos de SAVACIÓN VECIÑAL, por montar un blog.... que queres que che diga, pensa o ladrón que son todos da súa condición. E ti para que montas o teu Blog?? Pensas que ti si que eres unha especie de superhéroe ou superheroína? Nós non. Só queremos ser un punto de encontro de veciños. Nin máis nin menos. Seica fastidia? Non sabiamos que eramos tan imprtantes nin que a nosa opinión fose tan vinculante....Nos non queremos salvar a ningúen, como si parece que é o teu caso.
4. E por último concordo contigo en que “ A xente, en xeral, sabe entender moi ben”. Por iso agora estou entendendo a túa actitude belixerante contra todo aquelo que non responde a un perfil determinado ou que non se corresponde coa túa opinión.
Por certo, non me respondeches a cuestiòn máis importante relativa o tema do post
ResponderEliminarVolvocho a pegar: Aquí no Castrillón nunca estivemos en contra de que veñan adxudicatarios xitanos, aquí levamos convivindo moitos anos con xitanos (Camiño da Igrexa, Monte das Moas, Casablanca) e moitas mais razas, a ver si vos enterades. O que nos parece dunha total irresponsabilidade, que vai en contra de calquera política de integración, polo tanto é unha política con claros tintes racistas e discriminatorios, é que se ubiquen a vintetantas familias nun mesmo bloque, familias con diferentes graos de integración previa.E como di un amigo, sempre sempre esas integracións solidarias fanse en barrios de xente obreira e traballadora. Por favor, explícame, se podes, que hai de positivo que se realoxen 25 familias de etnia xitana nun edificio, e por qué é malo a diseminación das familias en todos os barrios da coruña, por outra banda ó principio básico para conseguir a integración real como no-lo demostran os éxitos conseguidos cando se aplica
Espero resposta, se a tes, claro.
Outra cousiña. Sobre o de "Por iso nas algaradas vos baixa tipo de persoal que vos baixa" ¿?¿?¿?¿?¿?¿ Uff, que pouco respeto pola xente non? Que é esto de "tipo de persoal"??? Pero no século XXI aínda estamos con estas cousas de tipos? ou refíreste á Clase? Refírestes a xente obreira e traballadora?. E no tocante é de "NON É O BARRIO, vamos".... Mimá, Quen é o barrio, a xente que te pareza a tí e os teus a representativa do Barrios? Quen sodes vos para definir ou decidir quen son os máis ou menos representativos dun barrio?. Esa xente a que desprezas está en todo o seu dereito de manifestarse contra o que lle parece mellor, porque o fan dun xeito respetuoso. ou é que agora neste país só se pode manifestar polo que lles pareza ós que ostentan o poder? E para finalizar eso de que´" É unha parte INSIGNIFICANTE do barrio e que xa vota polo PP" Y esto quien lo dice, lo dices tú....que como es dos que está na posesión da VERDADE, pois todo lo sabes y todo lo entiendes, claro. Esto é o que che amola non? Non aprendestes das últimas eleccións? Con estas actitudes non ides recuperar ningún dos votos perdidos, senón que o que vai suceder é que a dereita campe en todos os lados, porque estades facéndoos bos con estas actitudes fascistas que estades demostrando. Unha peniña.
ResponderEliminarPor certo, unha pregunta:
ResponderEliminarHai realoxo en Juan Florez, na Plaza de Pontevedra ou en Maria Pita?
Quen contesta?
Non ho, non, Non ves que eses non son barrios consolidados? Por favor,que ocurrencias.Como tampouco son barrios consolidados Os puentes, A zapateira, O Parrote, Elviña, Orzán....
ResponderEliminarUi, e O Agra do Orzán tampouco é un barrio consolidado.....
ResponderEliminarMoi ben. Pero procurade non monopolizar os comentarios.
ResponderEliminarNa Agra do Orzán SI QUE HAI XENTE de diversas etnias...convivindo. Deberíades aprender.
Ava. Non vou entrar ao trapo fulero que me ofreces. Volves presupoñer problemas en familias polo feito de ser dunha raza. Por qué me dis que está mal que un número determinado de familias xitanas vaian a un barrio, o TEU, onde hai vivendas de promoción pública a punto de ser entregadas????? Aquí na Agra, e en Katanga, viven unhas cantas familias de xitanos...a parte do tema Penamoa. E a parte de que todos os drogodependentes da cidade. comarca e provincia...algúns do teu barrio...levan décadas pasando e paseando polo noso barrio. Ah, pero aquí non fixemos algaradas contra eles por decencia. Porque moitas familias SABÍAN E SABEN ben de perto o que é o problema da droga. Tampouco falamos en ningunha asemblea veciñal, copmo agora si que ocorre, de coller un bidón de gasoil e irlles prender lume aos de Penamoa. Isto con aplauso xeral incluído. Nese "ambientillo" andades metidos. Está moi claro. Polo menos para os que vos lemos de cando en vez.
E 1. responde ti primeiro á miña pregunta: Cales son os valores cívicos que defendedes, propugnades e impulsades desde o voso blog veciñal????
2. Perdoa outra vez. AVA+Castrillón, pero o señor Mourelo só deixou de presidir a Asociación O Cruceiro cando lle tocou ir de concelleiro. Para min, as notas que envíe quen sexa son as súas notas, tal cal, porque non se diferencian en nada ás que el redactaba. Non vexo no voso blog que deades paso a outras voces que non sexan as de sempre.
3. O de mencionar o barrio da Agra é unha boa metedura de pata. Recoméndovos non sacar tanto a lingua a pacer. NÓS SABEMOS O QUE É TER UN MEGAPOBOADO CHABOLISTA, o maior punto de venda de droga (heroína) do noroeste peninsular. Só queremos que desapareza e, sobre todo polos nenos, que esa xente aprenda a convivir. Para vós, o problema de Penamoa só comezou a existir en canto se rumoreou que poderían ir a parar ao voso barrio unhas poucas familias. ISO É A SOLIDARIEDADE QUE PRACTICADES. Eses son os vosos valores cívicos: "a mi no".
4. Por certo, Castrillón bromistilla, xa hai unhas cantas familias realoxadas por toda a cidade. O que pasa é que. por fortuna, ti non sabes onde. Ten razón Ventorrillo nunha cousa: só unha deu problemas veciñais, e os servizos do Concello trasladárona. Porque sempre esquecedes que este é un Plan de Erradicación do Chabolismo, e iso inclúe outras actuacións máis prolongadas e silenciosas que a mera reubicación física de persoas.
5. AVA di "O que nos parece dunha total irresponsabilidade, que vai en contra de calquera política de integración, polo tanto é unha política con claros tintes racistas e discriminatorios, é que se ubiquen a vintetantas familias nun mesmo bloque, familias con diferentes graos de integración previa", e eu pregunto: quen é AVA para valorar o grao de integración ou desestruturación desas ou doutras familias???? Tes coñecementos teóricos ou prácticos sobre cómo se está conducindo o proceso con esas familias en concreto????
Buf....qué agotamento. Non penso censurar os vosos comentarios, mentras sexan educados, pero tampouco vou entrar en debates estériles. A vós non vos vou convencer. A miña intención é chegar a outras persoas. PERSOAS.
"..o que vai suceder é que a dereita campe en todos os lados, porque estades facéndoos bos con estas actitudes fascistas que estades demostrando. Unha peniña".(AVA DIXIT)
ResponderEliminarHome, AVA, que a dereita á que facemos bos, como ti dis, xa campa. Xa son eles os que quitaron as axudas aos libros de texto ou cambiaron o sistema de comedor escolar para que pagues por adiantado sen dereito a devolución. Ah, claro, pero isto non interesa no TEU barrio. Non hai persoas afectadas, nin tampouco porque pechen servizos de Igualdade e Benestar. Tampouco importa.
Perdón, en todo caso, aos veciños que se sentisen "referenciados" polos meus comentarios. O que quero dicir é que 50 veciños NON SON OS VECIÑOS DO CASTRILLÓN, pero non porque o digo eu. É porque o dicta a lóxica. Non son máis que unha minimísima parte do barrio.
Por último. Este meu blog ten seguidores e seguidoras de verdade, non coma no voso caso, onde estades os administradores e máis o administrador do Ventorrillo e o dos Rosales. Efectivamente...ule un pouco a sectarismo. Por algo me siguen a min persoas que non coñezo de nada....e que me apoian.
ResponderEliminarCánticos vecinales de los "vecinos" de Castrillón:
ResponderEliminar"Que lo vengan a ver, esto no es un alcaide es una p... de cabaré"
"Que nos gobiernen las pu... que sus hijos no saben"¯
Señor Crespo de valiente ciudadano:
"limpiar la calle de delincuencia"
Se les escapa el talante.....
Ai vai a miña réplica:
ResponderEliminar“Na Agra do Orzán SI QUE HAI XENTE de diversas etnias...convivindo. Deberíades aprender”. Confirmado: NUNCA PASACHES POLO NOSO BARRIO, si non non dirías esas sandeces. O noso é un barrio multicultural, multiracial e prural. E estamos encantados de que así sexa.
“Ava. Non vou entrar ao trapo fulero que me ofreces”. Sabíao, SABÍA QUE TE IBAS IR POLA TANXENTE. Cando non hai argumentos, sempre saides co dos trapos.
“Volves presupoñer problemas en familias polo feito de ser dunha raza. Por qué me dis que está mal que un número determinado de familias xitanas vaian a un barrio, o TEU, onde hai vivendas de promoción pública a punto de ser entregadas????? Aquí na Agra, e en Katanga, viven unhas cantas familias de xitanos...a parte do tema Penamo”. Confirmadísimo que non tes nin pajolera idea do barrio, AQUÍ EN EIRÍS- CASTRILLÓN VIVIMOS MOITÍSIMAS FAMILIAS XITANAS procedendetes de realoxos anteriores (Camiño da Igrexa. Monte das Moas, Eirís....) e xitanos, de segunda e terceira xeración que non coñeron o chabolismo E DE TODO TIPO DE RAZAS, A VER SI VOS ENTEREADES, QUE O AUTISMO SELECTIVO ESTE QUE USADES PARA MANIPULAR da noxo. Aquí neste barrio ninguén nos ten que vir a dar leccións de tolerancia LEVAMOS CONVIVINDO MOITOS ANOS XUNTOS: Imos xuntos ó Colexio, ó médico, ó súper, vémonos en festas do colexio, nos cumpreanos, e incluso nas bodas..... ¡¡¡¡¡ o que non debes sacar a lingua a pacer tan rápido e sen coñecemento de causa eres ti. Non tes nin idea cal é a raza nin a situación dos membros do blog pero nos acusas de racismo porque si... “Ah, pero aquí non fixemos algaradas contra eles por decencia” ¡¡¡¡ ¿?¿?¿?¿?¿?¿?¿ Bueno, bueno... que pouca memoria para ser katangueiro, que coñezo perfectamente ese barrio, pero moito, moito, xa que convivín nel durante anos. E ademáis, porque mesturas ti raza xitana con drogas????? Esa actitude si que é racista e xenófoba
En canto a “ Tampouco falamos en ningunha asemblea veciñal, como agora si que ocorre, de coller un bidón de gasoil e irlles prender lume aos de Penamoa. Isto con aplauso xeral incluído”. SI ESTO SUCEDEU ESPERO QUE O DENUNCIES XA, ti ou quen asistiu a esta barbaridade, porque este tipo de cousas non se poden tolerar baixo ningún concepto. Espero que así o fagades. Esto é demasiado serio para que si o coñeces non o denuncies.E nós non andamos metidos en ambientillos deste tipo. Esta acusación tan grave no cha consinto.Espero que o retires e pidas disculpas. Eu ándoche noutros ambientes, nos que a nosa loita éche ven diferente. E para que te quede clariño, e con todo o respeto ós que opinan doutro xeito, para min o Psoe e o PP a mesma merda é. Non me gustan ningún dos dous. Creo que temos o peor goberno e a peor oposición posibles. E no creo que merezamos semellantes representantes. E teño todo o dereito do mundo a criticar e a cuestionar as medidas adoptadas nos asuntos que afecten a nosa vida cotiá.
En canto o de “responde ti primeiro á miña pregunta: Cales son os valores cívicos que defendedes, propugnades e impulsades desde o voso blog veciñal????” Aínda que a primeria pregunta a fixen eu, e non obtiven resposta, por educación volvocho a explicar ....outra vez. O noso blog SÓ quere ser unha porta aberta ó barrio, un punto de encontro veciñal, que non pretende propugnar nada nin aleccionar a ninguén, nin adoutrinar.... que cada un defenda como lle pareza os seus valores e os os seus principios, meu.........Esto xa é unha crara diferencia co teu que si que parece que se creou para isto.
ResponderEliminar5. No tocante a "quen é AVA para valorar o grao de integración ou desestruturación desas ou doutras familias???? Tes coñecementos teóricos ou prácticos sobre cómo se está conducindo o proceso con esas familias en concreto????" Po zí máis dos que presupós, por eso estou en contra do realoxo masivo e defendín, defendo e defenderei a integración responsable, sin tintes racistas, claisistas nin discriminatorios (hay que ser solidarios,pero siempre e otros barrios,cuanto más lejor del centro mejor, en barrios de gente humilde, obrera, de clase trabajadora , porque en la coru centro no hay barrios suficientemente consolidados como para acoger a estas familias gitanas, que si no no nos importaría tener de vecinos a una familia de gitanitos......) Debería darvos vergonza esa solidariedade de pacotilla, ese cinismo supino do que facedes gala contínua e que supoño que vos serve para limpar dalgún xeito esa mentalidade clasista e burquesa que se desprende dos teus comentarios.
“Buf....qué agotamento”. De novo unha excusa cando non existen argumentos.
“Non penso censurar os vosos comentarios”Home, espero, hai que predicar co exemplo.... , “... pero tampouco vou entrar en debates estériles”. Prexuzgando, esto sí que é talante.
“A vós non vos vou convencer”. Ah, pero entón eso é o que pretendes, convencer ..... de que????? De que Losada é unha pobre víctima dunha situación heredada, que Longueira está facendo un plan de realoxo que nunca houbo antes...... Xa vemos a túa obxectividade, xa. Pois neso non nos vas convencer non . Nin a nós nin a milleiros de persoas que estamos fartos e fartas de tanta mentira e manipulación da clase política que sufrimos nestes últimos 15 anos (dun e doutro signo)
“A miña intención é chegar a outras persoas. PERSOAS”. Xa, claro, como estás na posesión da verdade absoluta todo o que opines ti é o adecuado, pero os que non concordar contigo ou co que che marcan son ou do pp, ou estúpidos, mesquiños, ou ignorantes non si?
O punto 3, todo el merece un análise a parte. Se teño gañas e tempo procurarei replicar, aínda que a min xa está resultando cansino tamén.
http://www.laopinioncoruna.es/coruna/2009/11/13/crespo-apuesta-limpiar-calle-santiago-gomez-delincuencia/334709.html
ResponderEliminarIsto é A Coruña, non o Far West.
"...en barrios de gente humilde, obrera, de clase trabajadora".
ResponderEliminarAntes, a clase obreira era a excusa dos movementos civís para acadar reivindicacións sociais das que agora desfrutamos todos, como o dereito á educación ou sanidade universal. Agora, tanto no Castrillón, Rosales, Ventorrillo e Novomesoiro é o ARGUMENTO esgrimido para a exclusión social. A cousa sería: "e por riba nun barrio como o noso, de xente currante" (Novomesoiro). "Un barrio joven y trabajador" (Rosales). "Un barrio de familias trabajadoras" (Ventorrillo)...etc. Semella incompatible ser solidario con ser traballador?????
Periodista Reservista déixao moi clariño sen tanta verborrea como estamos a gastar ti e eu, AVA: polos seus feitos recoñecerédeos!!!!!
Por último xa: pedinche valores solidarios, non que se vés sendo un espazo aberto e tal e cal....Aberto non che é moito. Deberías lerte a ti mesm@. Sempre se repite o mesmiño: Concello malo, realoxados perigosos, permutas boas, O Cruceiro envía esta nota (que por certo, recomendo ler. Un exemplo a seguir por todos nós).....en fin. Por algo tedes escasos comentarios no voso blog, comentarios que me atrevo a asegurar que son de apenas catro persoas, se chega. Dúas xa sodes vós con seguridade, e outro é o do Ventorrillo, sempre ao pé do cañón da integración. Ala, todo voso. Eu só pretendo xenerar información sobre o que pasa nos barrios da Coruña que non sexa a vosa porquería xenófoba. O MEU BLOG NON É VECIÑAL, queridísimos amiguiños, xa que non leva o nome de ningún barrio existente odicialmente na Coruña. Quen teclea Katanga Koruña en Google é que me busca. Quen teclea Castrillón e se atopa coas vosas diatribas, é moi posible que estivese buscando outras informacións....O meu público é, por tanto, totalmente fiel. Non cae aquí por acaso. As vosas visitas, excasas, xogan co nome que levades e coa desinformación.
Esta é a miña última intervención neste blog que non respostou a ningunha das preguntas que fixen de xeito cristalino, e onde se cree que a “verborrea” (para min argumentos) é inútil, no que se acusa gratuitamente pero que non se atreve a responder con claridade a dous puntos moi concretos e que son, polo menos para nós, a clave neste asunto. Esto xa vos califica por si mesmo.
ResponderEliminarUn blog que “presume” de termos que logo non aplica nos seus contidos : Insurrecto( Sublevado contra la autoridad, rebelde) .¡¡¿?¿?¿?¿?¡¡¡ JA, JA, JA. Contra qué autoridade vos sublevades????? Ah, contra o Paquiño Vaticanus, que era o único malote, claro, porque os señores e señoras que son do seu mesmo partido, que participaron no desaloxo da Cubela, e que coa súa deixadez e abandono participaron e fomentaron creación do maior supermercado da droga do noroeste peninsular, non teñen culpa, pobriños eles que solo facían o que lles mandaba o seu César... Animaliños...
En canto o de xenófobo, entendo que si non sabes o seu significado o utilices inadecuadamente. Como esto me toca persoalmente e polo tanto me doi, quero incidir que no Blog do Castrillón non hai nin unha soa frase nin un so comentario con tintes racistas, nin xenófobos, nin discriminatorios, nin clasistas, sexistas..... . Se atopas unha, só unha, pechamos o blog.
E sobre o do que ti só pretendes xerar información sobre o que pasa nos barrios de Coruña..... JÁ. Que eres, un elixido? Por quen?... O dito, os que estades na posesión da verdade absoluta non tolerades que haxa outras opinións diferentes á vosa e os vosos intereses. Pero hai que fastidiarse, meu, eche o que ten a liberdade,pola que moitos loitamos durante anos e que nos custou sangue, suor e lágrimas conseguir, e a Rede, que cadaquen pode dicir, pensar e expresar o que lle dea a gaña, sempre desde o respeto e a tolerancia, claro
E para finalizar co dos escasos comentarios de catro persoas....Nin te aflixas nin te preocupes por nós oh. Mellor para ti e os teus ¿non? Pero non che hai peor cego que o que non quere ver. Calquera pode comprobar deseguidiña que o TEU PÚBLICO son centos, miles... por eso tes tantísimos comentaristas nos teus post.... Unha enchenta deles (ben, si se considera que media ducia é unha chea claro...)
Mágoa, crin que terías argumentos máis sólidos que a descalificación, o insulto e o ataque gratuito. Como vexo que non é así, pois que vos vaia bonito coa vosa insurrección de sainete. Ata sempre.
Unha pregunta para a do Castrillón: se sodes un barrio integrador, onde convive xente de todas as clases sociais e de todas as etnias, que problema tedes agora en que vai xente de Penamoa? Xa levades tempo convivindo e polo que parece nunca tivéchedes ningún tipo de problema. Entón por que agora todo este marasmo? É unha pregunta totalmente inocente, en serio. Seguro que tedes as vosas razóns, pero prefiro que as digades de xeito claro e así podemos intentar comprendelas os demais. Por certo, son do barrio da Sagrada Familia, só como un apuntamento.
ResponderEliminarAnónimo ( este último ) O Cruceiro y este blog no representan al barrio del Castrillón, aunque ellos se atribuyen esa representación. En cuanto a O Cruceiro no está ni contemplado dentro de la zona marcada como su ámbito en sus propios estatutos y los del blog no son más que un brazo de la anterior. Mejor dicho brazito, ya que no lo sigue casi nadie del barrio, como tampoco siguen a la AVV de O Cruceiro, en sus reuniones no hay más de 50 personas y en sus concentraciones y manisfetaciones siempre han oscilado entre las 50 y escasamente 200 personas. escasa representatibidad para un ámbito ( que ellos se atribuyen ) de varios miles de personas.
ResponderEliminarQue se le va a hacer, es lo que hay.
No le vamos a perdir peras al olmo. Y menos al alcornoque.
O que tampouco comprendo é que se isto xa se vía vir, porque por Penamoa tiña que pasar a terceira ronda e a xente de Penamoa tiña que ir para algún sitio, por que non se movilizou a xente cando se ían construír vivendas de protección oficial neses barrios e se esperou unha vez saiu a listaxe de adxudicatarios? Cantas familias de Penamoa son adxudicatarias destes pisos? Todas delinquen? Como se sabe iso? Ten acceso calquera persoa á ficha policial de calquer cidadán? ou o que é peor, esa información é publica??? Ten unha persoa con antecedentes os mesmos dereitos co resto das persoas ou xa está marcada de por vida? Se por exemplo o que delinque é o fillo, teñen os pais os mesmos dereitos ou eles tampouco deberían optar a un proceso de adxudicación de vivendas de protección oficial? A alguén realmente preocupoulle, ademais das familias ás que lle tocou esa lacra, o problema das drogas nesta cidade? Por estadística nada máis, cantos narcotraficantes hai por exemplo no barrio do Castrillón? E en Eirís? E en Novo Mesoiro? Algún haberá, digo eu, ou todos viven na miña zona? E toxicómanos? que pasa con eles? tampouco hai? Din que aumentou o consumo de cocaína en Galicia, non hai ningún toxicómano neses barrios? que facemos con eles? exiliamolos? e ás súas familias, expulsámolas do barrio? Se temos o maior supermercado da droga do norte do Estado (que fácil é poñer etiquetas), creo que temos un grave problema nesta cidade. Onde está a Federación de Veciños? Non sei, son reflexións probablemente pouco meditadas, pero o que está pasando nesta cidade cada vez enténdoo menos.
ResponderEliminarMoi ben falado, Anónimo. É o que AVA non entende, ou non quere entender. O que é xenófobo é a suposición previa de que haberá problemas e de que van delinquir. Eu pregunto "quen?" "por qué o sabes?" e responde que si, que o sabe e xa está. Di aquilo de "Po zi". Ou sexa, que está no allo de quen son esas persoas. É grave que entren aquí a insultar a alguén, sexa a min ou sexa aos do Concello. Eu dixen algo evidente: o seu blog está ao servizo de quen está, e as evidencias son absolutas. Só fai falta lelo. Eu recomendo que non mo creades simplemente. Recomendo que entredes e leades. Con iso basta para ver o talante e o talento destes "administradores".
ResponderEliminarAs preguntas de Anónimo son moi boas: "Cantas familias de Penamoa son adxudicatarias destes pisos? Todas delinquen? Como se sabe iso? Ten acceso calquera persoa á ficha policial de calquer cidadán? ou o que é peor, esa información é publica??? Ten unha persoa con antecedentes os mesmos dereitos co resto das persoas ou xa está marcada de por vida? Se por exemplo o que delinque é o fillo, teñen os pais os mesmos dereitos...????"
Espero que AVA as responda no seu blog, xa que neste non pensa intervir máis.
Agradecidos pola túa aportación, AVA. Xa vimos hoxe na prensa os cánticos que vos poñen, así que nada...a desfrutar da vida!!!! Igual podes falar con Crespo para que vaia por aí a limpar as vosas rúas de adxudicatarios de vivenda pública. Coas súas camisiñas negras e todo......
Por lo menos en este blog leo de todo, y la gente discute. En otros, sean de quien sean, todo es planito planito. Yo no se si censuran, pero es raro que diciendo las cosas que se dicen, nadie entre a responder o dar otra visión, como sí que ocurre en el de Katanga.
ResponderEliminarUn detalle, Katangueiro: yo no te busqué. Di con tu blog buscando información de Katanga, en el Congo. Mira tú.
Me gusta el planteamiento de esta Asociación. Alguien preguntaba ¿y la Federación de vecinos, qué?, pues ya lo sabéis. ¿Con L de libertad?. Yo les digo: con I de Ilegal (o de Idiotas):
ResponderEliminarhttp://www.laopinioncoruna.es/coruna/2009/11/14/ciudad-vieja-critica-federacion-vecinal-toponimo/335014.html
Xa está posto no post, pero coméntoo tamén aquí: no blog de Novomesoiro acaban de colgar o noso comentario. Semella que se vai encauzando o tema e os feitos incribles que lle ocorreron a ese espazo da rede veciñal poderían ser cousa do pasado. Moi ben, novomesoiranos!!!!
ResponderEliminar