Lío polos cambios nas liñas da Compañía de Tranvías

Parece que andan varios barrios da cidade moi revoltos cos cambios nas liñas dos buses. Por aquí o problema vén da supresión do 12A, o que provocou que os veciños e veciñas de Katanga perdesen a conexión directa co CHUC, antes Canalejo. Este cambio non tivo en conta a elevada idade das persoas que viven entre as Vivendas de Franco e os Mariñeiros, xa que agora deben coller o 14 ata a Estación de Tren e alí transbordar ao 15.
Katangueira , que é de Monelos por moito que lle guste chonear polo barrio, está moi enfadada e, aínda que está a favor da política de transbordos, cre que nestes casos hai que atender tamén á idade da poboación dos barrios así como o número de persoas afectadas. Non fai falta que vos diga que a densidade de poboación da Agra é das máis elevadas de todo o Estado, aí é nada!!!!!!
Desde este blog entendemos a política de transbordos pero…..con sentidiño e +info.
Editar uns bos folletos informativos non custa nada, home, que a info dos sinais non chega!



En todo caso, podedes entrar nos diferentes blogs da cidade, especialmente Rosales e Novo Mesoiro, onde están desde hai días dándolle a volta ao tema. Os enlaces tédelos nesta páxina na columna da vosa dereita. Se queredes ir directos, entrade nos enlaces que tedes a continuación que vos levarán directamente ás páxinas do temilla:
Blog Barriodelosrosales
Blog NovoMesoiro
En todo caso, o señor Nogueira deixa un bo embolado á nova concelleira Yoya Neira.
Agardamos moi moi moi de verdade que esta persoa saiba reconducir i tema e apostar por un transporte público operativo que conduza, nunca mellor dito, a moitos e moitas a deixar o buga na casa e viaxar en bus. AQUÍ EN KATANGA NECESITAMOS MENOS BUGAS XA!!!!!!!!!!!!!!!!!!!...nenos.