Rolda de Rebeldía katangueira

by Katangueiro

A pasada semana, os administradores e administradoras deste blog recibimos un singular convite desde unha autodenominada Comisión da Rolda de Rebeldía. Seica estarían encantados (¿?) de contar cunha representación katangueira nunha xornada de debate que se ía celebrar -e celebrouse- o 30 de xaneiro no Hotel Compostela, en horario de mañá e tarde.

Pacotrón, que mamou a política por vía intravenosa...entre outras cousas.....e segue a considerarse temerariamente un Rebel Rebel...acolleu este convite con grande entusiasmo, poñéndose a investigar de qué ía realmente todo aquilo. De resultas de todo isto, aconteceu que esta Rolda de Rebeldía viña sendo organizada por un grupo de persoas, maioritariamente da corrente Encontro Irmandiño do BNG, onde se reúnen militantes e non militantes que procuran, din, unha rexeneración do nacionalismo galego -que boa falta fai- e onde sobrancean persoeiros tan coñecidos como Beiras ou o concelleiro katangueiro Mario López Rico.

Amais desta corrente, sumáronse a esta iniciativa un número importante de persoas a título individual para conformar unha Comisión que preparou con excelencia organizativa, todo hai que dicilo -nada que ver co sistema katangueiro de autoorganización- unha xornada onde se debateu sobre o papel dos partidos clásicos, as canles de comunicación e participación cidadá e os mecanismos para a creación de "masa crítica". En resumo, que me estou enguedellando: tratábase de encaixar e discutir sobre o papel dos movementos sociais, a esquerda social maiormente, fronte ás forzas políticas ou a esquerda política, maiormente o BNG, pero tamén outras.

O programa completo, AQUÍ MESMIÑO!!!!!!


Tamén podedes consultalo e descargar o pdf AQUÍ.

Moitas e moi sesudas foron as sucesivas intervencións, tanto desde a Mesa de convidados-ponentes coma desde o público asistente. Como sería moi longo reproducir mínimamente todo o que se tratou, remitímosvos a seguir a páxina da Rolda para os que tedes interese no tema. Para min, o máis e mellor foi a sensación de achegamento, cando non reconciliación, entre persoas vencelladas a diferentes movementos sociais e unha parte moi significada do BNG, totalmente afastados e divorciados nos últimos lustros, e que deben, así se entendeu por tod@s @s presentes, traballar en común, en cooperación e, cando a ocasión o requira, en certa simbiose se se quere, realmente, transformar a sociedade, Galiza, o mundo...eu qué sei...Katanga!!!!!!! Cambiar o mundo para crear unha sociedade mellor, máis progresista e solidaria, onde as persoas poidamos aspirar a ser felices. Qué cousas, verdade????? Qué desprezo para os denodados esforzos de Don Alberto por converter Galiza/Galicia no novo paraíso terreal!!!!

O que si me gustaría destacar foi a aportación de Pacotrón, inspiradísimo nesta Xornada, avogando por un achegamento entre "partes", isto é, entre a esquerda social e a política. As dúas autoafastadas. Tamén defendeu unha visión da realidade, da nosa realidade, máis aberta, lonxe das clásicas interpretacións maniqueas de certo marxismo ou socialismo, ou das tentacións de elitismo ou ditadura ilustrada, que sempre están aí, tanto na esquerda como na dereita.

Tamén desmitificou, con coñecemento, o valor da participación cidadá en si misma como elemento transformador de esquerdas. Efectiuiuonder, a dereita tamén se organiza e mobiliza -exemplo claro: as manifas contra a política de realoxos do Concello da Coruña- e pediulle aos movementos sociais presentes o protagonismop activo nos procesos abertos por forzas políticas coma o BNG, por moi críticos que sexan con estes procesos ou coa forma de entendelos, como medio para evitarmos que a dereita sociolóxica -e demagóxica, como a que agora mesmo combate o control sobre as alturas do novo Plan Xeral- triunfen sobre as políticas de desenvolvemento sustentable, socialización dos servizos, igualdade de oportunidades, dereito á vivenda, á convivencia, á solidariedade.....en fin, delfín....que o que está en xogo é se imos seguir permitindo que os tiparracos que causaron esta enésima crise do capital se saian de novo de rositas!!!!!!


ROLDA DE REBELDÍA: Por un cambio radical do modelo de sociedade. Outra Katanga é posible!!!!!!

Total...que o pasamos de medo, sobre todo o Pacotronista este do demo, e puidemos estar con cracks como Raúl, Pepe Constenla -ese pedazo de guitarrautor-, Pili Estévez, Paulísima Verao -amiga katangueira e persoa culta, sensible e cariñosa como poucas....e toca o clarinete!!!!!-, o Beiras, quen felicitou persoalmente a Pacotrón, Manolo -o insumiso que Pacotrón coñecera nas manifas contra a mili- Xose, Flor -esa artista-, e un sinfín de persoas. Mesmo un rapaz que aseguraba que Pacotrón era tal cal, físicamente, que o seu irmán Nito...e sacoulle unha foto!!!!! A ver se non era da CIA, animal do carallo, e non te meteches xa noutro dos teus enredos!!!!!

Aquí vos queda algún enlace de prensa:



Claro que para os escépticos, sempre quedará o Conselleiro de Medio Ambiente....mi madriña!!!!!!!



CONSELLEIRO: Ji, ji, ji, ji jito.......estos rojitos van a chinchar y rabiar con los chaletes adosadetes que nuestros amiguitos van a construír desde Ribadeo hasta La Guardia......civil!!!!!!!!

ÚLTIMA HORA: A nosa crónica, recomendada na web de Altermundo.org, ademais de realizar a súa propia crónica AQUÍ. Xa vos adianto de que na foto deste texto aparece algún dos nosos administradores!!!!!!

Tamén se recomenda a crónica de Outra Esquerda.

ULTIMISÍSIMA HORÍSIMA: Tamén moi recomendable a leitura do noso artigo en Galicia Confidencial, máis concretamente na sección de Sociedade: Katanga Confidencial AQUÍ!!!!!!!

Consultar (ou botarse unhas risas, que depende) o Álbum de fotos de Altermundo

E xa chegou!!!!!!! Aí queda iso!!!!!!

Lei de Caixas: Tiempos nuevos, tiempos salvajes


Con todo o que está caendo sobre a posible fusión-absorción de Caixagalicia e Caixanova, co Alcalde de Vigo convocando manifas-algaradas e coa impresionante cabaleiría mediática que pretende vendernos (ou venderse) os inmensos beneficios cidadáns ante tal suceso.....beneficios inexistentes, por suposto, non nos queda outra que tirar de hemeroteca e recoller o espírito oitenteiro máis gamberrocho dos Ilegales...aquel grupo.....que semella atinaron en seren pitonisos da nosa actual indecisión financeira galega.

Ante tal cantidade de sandeces que se adoitan transmitir por aí, nós apostamos por pasarnos a Caixa Rural de Lugo...en caso de producirse tal fusión.

Terán oficinas en Katanga??????

"Tiempos nuevos, tiempos salvajes
toma tu parte, nadie regala nada
no hay nada sin lucha,
ni aire que respirar
no eres un juguete,
levántate y lucha ya(...)"




Mirade, mirade ben o que lle pasa aos nenés que non queren "absorber" como é debido!!!!!!

Proposta de acordo katangueiro para a elección de idiomas en función das diferentes asignaturas a impartir na Galicia de Don Alberto (I Ano Triunfal)

by Pacotrón

En vista do éxito de participación da manifestación nacionalista-socialista en contra do trilinguísmo -versión pepeira do que onte aconteceu no Obradoiro- na que tamén participou o ínclito que vos escribe, a Junta de Galicia acaba de aprobar a seguinte proposta katangueira de cara a dotar aos alumnos e alumnas da nosa querida terra galaica das oportunas competencias linguísticas que o gran partido da dereita, apoiado pola maioría silenciosa desta Región, pretende para a década prodixiosa que nos agarda.

Trátase, sen ningún xénero de dúbida, de ampliar os nosos cativos, acomplexados e ensimismados argumentarios culturais adquiridos durante a escura etapa do sengoberno bipartito.

Esta fantástica proposta inclúe o redeseño das diferentes asignaturas a estudar dende o próximo curso escolar a partir do idioma elixido para a súa transmisión.

Reproducimos tal cal o borrador deste Decreto linguístico agardamos que "refinitivo", que nos situará, por vez primeira, á vangarda dos coñecementos culturais da Europa máis katangueira. Aquí vos vai:

DECRETO ALBERTINO PARA LA ENSEÑANZA DE LAS OPORTUNAS ASIGNATURAS E IDIOMAS EN NUESTRA QUERIDA REGIÓN.

Artículo Único.
A partir del curso escolar 2010-2011, en todas las escuelas e institutos de Galicia se impartirán los siguientes contenidos en los consiguientes idiomas, sin posibilidad de elección:

LENGUAJE: en el único que realmente vale para algo, el español.

LITERATURA ESPAÑOLA: pues eso.

EDUCACIÓN PARA LA CIUDADANÍA: en inglés.

MATEMÁTICAS: en griego clásico, por Pitágoras.

INGLÉS: en francés...oh, la la!!!!!! Dos por el precio de uno.

FRANCÉS: en inglés, para compensar.

FILOSOFÍA: en alemán. Es lo más práctico.

RELIGIÓN (ELIMINADA LA ÉTICA POR FALTA DE ÍDEM): en latín, como siempre fue.

BIOLOGÍA: para evitar problemas morales, queda anulada. No se da y punto.

GALLEGO: en español, que si no es un lío.

LITERATURA GALLEGA: se aplica lo expuesto para BIOLOGÍA.

CONOCIMIENTO DEL MEDIO: Como su nombre indica, la mitad en inglés y la otra en español.

FÍSICA: en inglés, of course.

QUÍMICA: en árabe clásico.

DIBUJO: no se habla, sólo se dibuja.

GIMNASIA: ésta sí que puede ser en vernáculo.

NENÉ: Socorrito, socorrito...una asignatura en gallego...así no hay quien apruebe el curso!!!!!!

En fin, delfín. Quedamos á espera de que este Decreto poida por fin poñer á nosa Galicia no lugar educativo que se merece........


My Generation: Trilingüelas de Galicia

Unha colaboración by Brevis Breve, traducida e adaptada ao katangueiro's style by Pacotrón

Non che vos é o Katangueiro personaxe sospeitoso de tirria desmedida contra o imperio da lingua anglo-saxona. Máis ben ao contrario. O Katangueiro resúltanos un british do carallo, sobre todo en gustos musicais popeiros e depresivos. Trátase de Radiohead, Smiths, The Cure, Pulp, Oasis, Coldplay.....e toda esa ralea.

Por todo iso, non pensedes en absoluto que é un home contrario ao aumento da calidade, e mesmo da cantidade, do ensino da lingua de Tom Yorke ou dos Sex Pistols!!!!!!!

O que Katangueiro non pasa....ou non traga...é coa pretensión dos señoritos do PePé que nos gobernan de que SÓ as comunidades con lingua propia que eles gobernan -ou desgobernan- merecen ese esforzo educativo trilingue e NON ASÍ AS QUE NON TEÑEN LINGUA PROPIA EXCLUSIVA. Isto é: por qué ese emperre en que as nenas e nenos valencianos e galegos sexan TRILINGUES e non se aplique a mesma vara de medir libras e millas ás nenas e nenos de comunidades como Madrid, La Rioja ou Murcia -que tamén gobernan- para que estes rapazolos sexan BILINGUES???????????

Dito de outro modo: por qué precisan máis inglés os galegos que, por exemplo, os castellano-leoneses?????

Pois porque estes galegos irredentos se emperran en falar ese dialecto chungo galaico, so por fastidiar e merecen castigo. Os madrileñitos ou murcianitos xa teñen o IDIOMA CASTELLANO, que lles chega para moverse polo mundo todo, seica.....Bueno, para América latina......sen contar Brasil.....ou Haití......ou as Guaianas......

Mañá hai unha folga do ensino contra o decretazo do galego. Pacotrón pensa asistir. Eu, xa verei. En defensa do noso idioma, o único ameazado no seu propio país. Pero tamén en defensa do inglés, idioma que lle trae a Pacotrón algún dos seus mellores recordos relacionados con momentos musicais.....incluído os sexuais.....En defensa dun idioma que NON DEBE SER A EXCUSA para erradicar outros idiomas.

Postos a provocar, eu xa non sei se pasarme ao inglés e galego en exclusiva. Con ese bilinguísmo......SI QUE PODO VIAXAR POLO MUNDO ENTEIRO!!!!!!!!

Good save The Who, por amor de Radiohead!!!!!!!

TOM YORKE: My little mother....what a brown!!!!!! I don't want to be an Feijoo`s penous excuse!!!!! I was born in Corcubion!!!!!!!


DON ALBERTO: Ji, ji, ji, ji....pero qué picarón que me soy!!!!! Sólo sé hablar españó y voy y exijo a los demás que hablen tres idiomas.....Es bueno ser Presidente!!!!!!





Ai....Jesús, María y José!!!!!!! Abur, yogur!!!!!! Abur, Don Alberto!!!!!

Rancios e difusos: usos e abusos dos Centros Cívicos Marinedos

by Katangueiro

Hai no amigo Pacotrón unha tendencia suicida a apuntarse ás causas perdidas, que non é o mesmo que as causas das "perdidas"..........quen lle dera!!!!!!!!

A pasada semana, coincidimos el e eu xogando unha timba de Continental, onde Pacotrón gañou uns bos euracos -que a saber en qué gasta logo-, e asistimos impávidos a unha desas conversas de mamis e papis sobre a actitude okupa dos nosos maiores á hora de aproveitar as potencialidades cívicas dos nosos centros municipais creados a tal defecto.

Estas mamis e papis queixábanse de que o seu centro cívico de referencia, o dos Rosales, convertérase de facto nunha casa de xogo e follón verbeneiro día si e día tamén. Ao estilo do Saloon do oeste, modelo galaico!!!!!

A súa principal queixa viña de que, se ben é certo que, dun tempo a esta parte, se deixaba notar un esforzo por parte de institucións públicas e privadas en organizar actividades para pequerrechos de toda índole, o cal agradecían encarecidamente, e atendendo ao perfil de usuarios e usuarias dos diferentes centros cívicos da Coruña, a resultante de todo isto era que a xente moza-adolescente e nós os carrocillas -tamén algo adolescentes- quedábamos excluídos vilmente do conxunto de actividades divertidas, formativas e deformativas que se veñen programando neste marinedo espazo urbano.

En resumo, que entre bailes de rumba e charlestón, xogos de dominó, birisca e cinquillo e chopito vai e chopito vén, a xentiña xoven e de mediana idade non ten un centro cívico onde caerse morta...e veña botellón e veña alcoholizarse!!!!!!!!! Unha perdición social!!!!!!

Pacotrón, na súa liña habitual, defende aos nosos maiores e excusa as actitudes excluíntes que exhiben alá por onde okupan salas de xogos. Pero eu, que estou ao pé do canón, sei de boa tinta que esta situación se repite ao longo das múltiples redes de centros cívicos e sociais do País katangueiro todo...e mais alá!!!!!!

"As nosas carencias en Centros de Día convirten estes equipamentos de barrio, pensados, certo é, para o conxunto dos cidadáns, no lugar perfecto para as reunións e encontros sociais desta minoría maioritaria silenciosa que son os jubiletas", explica espesito espesito Pacotrón.

"Déixate de enredos", interrompo eu alporizadete, "que esta xente non para de moverse, de aquí para alá, coas bolsas esas que non sabes se levan roupa vella ou verdura, da Caixagalicia á Parroquia e viceversa, como formiguiñas....e esixindo verbenas aquí e alá, e nunca agradecendo nada, e okupando os lugares de todos, que logo lles sobran os nenos, os rapaces, os yonkis e a virxe santísima!!!!! Non ves, pequeno lambón, que onde sentan son os seus bancos, onde toman o sol son as súas prazas, onde xogan son as súas mesas de xogos, e as verbenas son as súas verbenas?....Non ves, pequeno psicópata, que ESTÁN ORGANIZADOS?????? Que son rancios e difusos, que votan na súa maioría ao PePé, aínda que lles quiten as cuantiosísimas citas médicas de tarde, que tanto lles ten a corrupción, mentres eles teñan baile e pulpiño, que prefiren gastar en arreglar un campanario dunha capela que só se enche un día ao ano (o día do Santo de turno ou da Virxe esa que sirve de excusa para chuzarse) que en construír un centro social para eles....e así logo toman ao asalto os centros de todos ao berro de "este centro é NOSO"????? Non ves todas estas cousas, Pacotronista, e non te sulfuras??????", rematei excitado.

"Na nosa sociedade galega, tan tradicional para algunhas cousas, os maiores e os nenos van primeiro, Katanguista, e os demais....onde podemos. Pero dime ti, entón, cal é a túa opción, o teu modelo social: Nós, os que estamos activos, os que cotizamos, primeiro. Logo, claro, os nenés, e de último......os vellotes, of course.
Eduqueison eduqueison......aprendamos a non encher o chan de todos con restos de chicle, aprendamos a respectar as prazas, os bancos, as farolas, as macetas, de todos. Aprendamos a facer cola para subir ao bus ou para entrar no cine ou en Riazor. Aprendamos a consumir responsablemente e a comprarnos o carro que realmente precisamos, e non un catro por catro para facer xentións e levar os nenes ao cole, aprendamos a reciclar e non a tirar as cousas co argumento de que sae máis caro amañalas, aprendamos a defender nós as conquistas sociais que, se ben son desfrutadas hoxe, maioritariamente, polos rancios eses dos que falas, serán mañá desfrutadas por nós...tamén rancios e alcanforados. Aprendamos, coma eles, que cando hai eleccións HAI QUE IR VOTAR polo que che interesa, esteas ou non equivocado. A nosa xeración di que todos os políticos son iguais, pero os jubiletas ben saben a quen votar e a quen non, verdá?????? ORGANICÉMONOS, katanguista do demo, e verás qué ben!!!!! Deixa os centros sociais e/ou cívicos para eles, que non teñen máis, e montemos nós un para as nosas cousas (xogar ao escalestri, privar garimbolas, falar picaradas, ver pelis de mafiosos ingleses, darlle á consola -que non ao consolador- e todo iso). Qué me dis, Katangueiro?????", rematou retando o Pacotrón este.

"Que a este paso",respondín tocándome os ghüevos, "para cando inauguren o ÁGORA, os tres módulos nos que se divide a cousa van quedar así:

Módulo 1: Tute cabrón e Cinquillo de féminas.

Módulo 2: Dominó con cartos e Mus nivel avanzado (só machotes bébedos)

Módulo 3: Salón de Actos para ver a enésima repetición dos goles de Guti e Raúl e algún programa onde bailen jamonas de menos de corenta anos ensinando pernil e muslamen ao son de "Mami, qué será lo que quiere el negro". Os martes e venres...verbena coa orquesta Palacios, precedida do dúo Trébol".

Aí queda o debate, amiguitos......non desesperar!!!!!!!

Noticia de Las Provincias:

VELLOTE NÚMERO 1: Mira, karterista, kartartista ou como te chames.....A próxima vez que fales así e te metas con nós, vas levar uns zurriagazos que che vai entrar o sentidiño mentras recolles os teus dentes cos dedos da man rotos!!!!!! Vasme dicir ti a min, que estiven no frente de Teruel!!!!!
VELLOTE NÚMERO 2: Pero que dis, Ricardito, se ti en Teruel eras representante de xabróns Lagarto no 47, coñe!!!!!!
VELLOTE NÚMERO 1: É que me lían, leñe!!!!!!!!

Abur, yogur!!!!!!

2010: odisea katangueira 2

by Pacotrón.....a petición.

Poucas cousas hai máis gratificantes que percorrer eóns de tempo á procura do púlsar máis próximo. Alimentarse ávidamente dos quarcks esenciais que nos manteñen dentro da burbulla universal. Consumismo cuántico, seica lle chaman. Misticismo ou barbarie, digo a estas horas.

De camiño á fantástica supernova que hai un millón de anos deu orixe a este faro estelar, vou preferindo unha borracheira con Starbuck, ou con calquera outro Cylon, a intentar convercer a quen non se quere deixar convencer (vid. Penamoa, unha historia).

Tempus fugit. Pois eu tamén fuxo. Como as bágoas baixo a chuvia por entre os poros dun replicante.



Dóeme o espírito de ver con qué facilidade prescindimos da materia que nos rodea. Branca ou escura. Eliminada a golpe de cursor. Como madeira podre (madeira, do latín materia).

A algúns lles recomendaría comezar o ano lendo o relato de Burroughs Conto de nadal: o nadal dun ionki. Eu tamén dubido, pero non permito que iso prenda os meus temores. Sempre podo apurar outro licor de araños en Abydos...ou en Piornedo de Ancares, que tanto ten.

En 2009 aprendín técnicas bárbaras de loita entre persoas. Non me importou enlamarme nas trincheiras da desinformación cibernética. Pacotrón colleu o seu fusil, berraron. Non sería eu quen puxo as balas, respondín.

En 2010 prometo encomendarme á Dama del'acq, á Virxe da barca (virginem> moza, virginem inmaculatam: moza co lime intacto), á nossa Senhora do mar....á Moreneta. A Dama do lago ofertábame unha espada chamada Excálibur. A moza de Magdala tan só un camiño. Un púlsar.

Quedan 360 días para amañalo todo. Quedan 360 graos para cambialo todo.

2010: odisea katangueira

by Katangueiro

Non se podía comezar mellor este máxico e estrafalario 2010 que recibindo un premio da nosa amiga Ra e os seus soños perdidos......Para coñecer todos os pormenores deste extraordinario agasallo, seguide as peripecias deste deus ex machina exipcio AQUÍ MESMIÑO!!!!!

Que si...que xa facía tempo que non levábamos unha sorpresa tan sorpresiva comezando o ano....que isto non pode ser, amiga RA, que me lembro da miña adolescencia (igual que amans-amantis é a/o que é amado, adolens-adolescentis é á/ao que lle doe algo) e sinto latexar cousas que había tempo que non latexaban!!!!! Moitas gracias, pequena (ou inmensa, segundo se mire) RA.

O malo deste asuntillo é que, ao parecer, hai que publicar SETE verdades SETE para que se cumpran os meus soños........estou eu para verdades!!!!!! Pois nada nadita. Farei o esforzo. Aquí van:

1. Os katangueiros somos menos dos que parecemos pero máis dos que pensades que somos. Un paradoxo espazo-temporal.

2. Pacotrón ten corenta tacos!!!! (uffff.....estoume xogando a miña vida chuquela con isto!!!!)

3. Pacotrón é o auténtico Annubis deste blog. Eu só son o seu Primado.

4. Katangueira escribe máis do que parece a simple vista. O que non vos digo é onde.

5. Sexo: a diferencia de RA, excítome moito despois de comer.....e punto. Despois de comer todos os días calquera cousa. Despois de cear non me excito sen axuda. Jesús, María y José!!!!!

6. Pacotrón e eu calzamos o mesmo pé: un 44. Vaia equipa de baloncesto perdeu Katanga!!!!!

E......7. Pasei practicamente toda a miña vida rodeado de mulleres.....e sígoa pasando!!!!


LIGHTMAN: Perdona, machote, pero mientes más que la Beatriz Mato explicando lo maravilloso y fantástico que es recortar en gasto social.....Te tocas la nariz, te tocas la oreja, te tocas los huevos. Levantas el hombro izquierdo, tuerces los pies, pones cara de cosa, babeas, escupes al hablar y, a mayores, te tiembla el párpado derecho. O acabas de estar con Rajoy o eres el Pinocho más grande que existe..........y me refiero al tamaño de la nariz, no te me excites!!!!!


RAJOY: Xin paxarxe, Lightman. Yo lo único que xé ex que lox mentiroxitox tienen que venir a la Catedral de Xantiago de Compoxtela....que ex Año Xanto. Pero que no vengan todox juntox, que nox lo colapxan!!!!!!! A ver, nené, dale ya el golpecito exe, que pexax máx que tu madre con todo el joyerío puexto!!!!!!!

En fin, delfín. Que o próximo 8 de febreiro facemos un aniño xa, así que irei pensando algo para devolverlle o favor a RA e a algúns acólitos katangueiros máis. Entre mentras, aquí vai este temiña adicado a aqueles/aquelas que buscan soños, aínda que estean perdidos!!!!!!!





PACOTRÓN: Uau.....está pero llenito de estrellas......vaya 2010 que nos espera, Katanguista!!!!!!

Abur yogur!!!!!!