Katanga-Koruña

Dirti uiquen...

2012-01-31T19:17:00.003+01:00

by Pacotrón

Non sei cantas palabras conforman o idioma inglés. Tampouco podo acertar a confirmar se son moitas, poucas, as xustas, as necesarias ou demasiadas. Dígovos que non sei cantas palabras conforman o idioma inglés.

Non sei cantas palabras existen en idioma galego. Non sei se son moitas, poucas, suficientes, as xustas, as menos, as oportunas ou demasiadas. Insístovos que non sei, nin quero saber, cantas palabras existen en idoma galego.

Dise do inglés, en comparación coas diferentes linguas románicas, que gasta ben poucas palabras para a súa expresión. Unha cuestión de puro practicismo protestante que nos leva a aquela promoción interesantísima que nos oferta falar un idioma aprendendo tan só (¿?) mil palabras. Teima ridícula de se tratar da lingua galega, xa que ese número é xa preciso só para insultar ou desprezar. Non digamos se ademais queremos amar.O que vén ocorrendo é que a riqueza dun idioma non a marca exactamente a cantidade de vocabulario que debes de aprender. O inglés, por tanto, parco en palabras, resulta extremadamente rico en canto a expresións lingüísticas. Do meu intenso contacto con aquela cultura saquei dúas delas que considero de interese comentar. Especialmente despois desta fin de semana pasada tan pouco rica nas palabras e tan extremadamente intensa en sentimentos que fan que o meu corazón salte máis alto aínda que ese rapaz da foto que abre este texto.

Pois debedes saber que os ingleses teñen un nome para definir ese espazo en forma de punta de lanza invertida que se forma entre as pernas dalgunhas mulleres, á altura da parte superior dos muslos, aínda cando os dous membros están ben xuntos. Este espazo é moi visible desde a parte de atrás e, din os pérfidos british, podes ver a luz do sol atravesándoo. A este efecto chámanlle dayline [deilain, en pronuncia caseira]. A luz do día. Incrible. Pero non o busquedes que non vén no dicionario.E debedes saber que teñen unha expresión para definir unha fin de semana que un mozo ou moza pasa acompañado/a da súa parella nun hostal, piso, tenda de campaña, etc. Chámanlle dirty weekend [dirti uiquen] a iso e, din os malévolos british, ten que ver con follar. O malo é que, aplicado ao noso caso, hai quen confunde follar con foder. Insistentemente. E non é o mesmo, joder, non.É unha cuestión de seleccionar entre todas as opcións e escoller, sempre que se poida, o lado amoroso do asunto. Falta moito follar e sobra moito foder. Foder a marrana. De aí o dirti uiquen. Unha porca porca porca fin de semana dunha escuridade tal que apenas divisas esa luz atravesando a alguén por entre as pernas. E perdoade se ofendo...ou non.

Así e todo, e por sorte para min, unha fin de semana completa non é nada, unha semaniña enteira iso si que é muiñada. Teño recordos dabondo para durmir entre soños. Teño imaxes gravadas para forrar un libro que falase de todo o que pasou e de todo o que pasará. Teño amizades ás que non lles debo nada que non sexa afectivo, nin eles ou elas a min. Teño gana e teño folgos. Teño tempo e teño forzas. Teño algo novo entre os dedos e certas cousas que enchen cabeza e corazón. Teño o que outros non teñen nin por asomo nin por carencias éticas.O pasado domingo, o bloody sunday, un pequeno ser humano ascendeu de porco a marrán. Era de tarde pero o sol aínda non se ocultara. Dentro do grande espazo semellaba xa noite pecha, tal era o efecto de contraste que os focos halóxenos producían na nosa visión. A luz non se filtraba, polo que penetraba directamente no meu cerebro, tan só oculta, en contadas ocasións, polas sombras recortadas de persoas, animais ou cousas. Tocoulle subir ao escenario a este home pequecho que vos digo. Andar firme e decidido, satisfacción nos recunchos dos seus beizos. Suficiencia na mirada e certa xuventude na apariencia. Achegouse ao lugar reservado para as intervencións. Levantou a vista paseniñamente e respirou. Toumouse uns segundos de silencio, tal vez decidindo se ser persoa ou ser miserento. Escolleu isto último. Por convicción ideolóxica, eu creo. Arrancou, así de fácil, aplausos maioritarios no mercado de gando. Os únicos aplausos que hai no muindo para el. Fóra daquel matrix insensato este pequecho non existe. Non importa. Non interesa.

Rematou erguendo encantado o seu puño, formando así un inespertado dayline por entre a sú axila dereita. Nunca remata un día sen aprender cousas novas. Como cando te emocionas cos aplausos que un grupo de mozas e mozos adican a un vello a quen non lle deben nada máis que sentimentos e logo, como quen non quere a cousa, escoitas os aplausos debidos a quen preferiu pasar miserablemente á historia. Un xusto pago. Eis a diferenza entre follar e foder.

O Ex-Concello da Coruña: informe de (in)xestión

2012-01-09T15:53:00.002+01:00

by Pacotrón

"Se nada tes, nada agardes"

(dito katangueiro)

Se había algunhas dúbidas sobre a desaparición de facto, in pectore, ad hoc, tu quoque... daquilo que se deu en chamar durante décadas Concello da Coruña -unha sorte de administración local encargada da xestión, deseño e programación económica, política e social do término municipal da Coruña- seguro que a tal hora e a tal día, 9 de xaneiro do apocalíptico e sen embargo lustroso e modernete 2012 que nos acompaña, estas disipáronse, esvaecéronse, diluíronse ou, simplemente, marcharon embora. A nosa atlántica cidade quedou desde hai pouco máis de seis meses en mans dunha xestora que sustitúe con máximos de indignidade ao antano denominado Concello da Coruña e hoxe, sen xorna algunha, Ex-Concello da Coruña. Así, sen máis.

Probas desta tristísima situación tiñamos moitas. Había que estar cego para non velas. Para comezar, no Palacio de María Pita non se recibe. Podes pedir citas e citas e citas, dá igual se é coa Ex-Alcaldía ou con algunhas das Ex-Concellerías delegadas antes existentes. Simplemente non se recibe. Tampouco pensedes que se estea a montar algarada algunha por isto. En tempos, un retardo dunha ou dúas semanas en ser recibido/a provocaba airadísimas reaccións en prensa de asociacións e/ou afectados. Hoxe non hai nada disto porque non hai goberno municipal ao que reclamar. Acudir, por outra parte, á Xunta Xestora do Término Municipal da Coruña para que solucione algo é como esixirlle á Academia de Cine de Hollywood que premie cun Óscar a Chiquito de la Calzada por toda unha carreira.

Noutra orde de misterios, o botellón e a drogadicción, antes instalados alí onde había unha asociación "veciñal" da órbita elipticoidal do PP, despareceron das nosas prioridades, cinguíndose unicamente a apenas un centenar de mozos e mozas que campan polos Xardíns de Méndez Núñez. Outro exemplo exemplarizante, e permitídeme o xogo de palabros: desde outubro de 2011 non se convocan protestas da Plataforma Ventorrillo Desmantelamento Penamoa (e en contra do uso de preposicións). Desde as eleccións Xerais do 20 de novembro xa non hai motivo. Desapareceron o tráfico e o consumo de estupefacientes como por arte de birlibirloque...e non me refiro ao barrio. Tampouco se ve motivo para acudir co teatrillo habitual ás portas de María Pita nin por drogas, nin por comercios nin por problemiñas sindicais nin por falta de buses nin por nada de nada de nada. A trincheira mediática respira, e de que forma, máis tranquila que unha katanguista nonaxenaria con cinco tranquimazíns enriba. Todo vai de pinga grazas á Xunta Xestora do Término Municipal da Coruña presidida por Don Carlos o Benefactor.

O emprego, mellor dito, o desemprego. Outra mostra do bo non-facer do Ex-Concello da Coruña. Nos seis meses que leva esta Xestora en funcionamento conseguiuse o nunca visto na "cidade das marabillas": aumentou o paro un 11%, nin máis nin menos. E contra os malfadados progres, esquerdosos e sospeitosos de nacionalismo e desafección patriótica española, o Ex-Concelleiro para todo, señor Flores, aclara as medidas máis importantes de loita contra o desemprego postas en marcha por esta a súa Xestora:

"Flores ha destacado el «importante esfuerzo» que ha realizado el actual Gobierno municipal para congelar los impuestos en este año"(Voz Galaico-Regional).

Cambiouse aquilo de Coruña Emprega por Coruña Desemprega. A próxima visita do Ex-Alcalde e actualísimo Presidente da Xunta Xestora do Término Municipal da Coruña á Cociña Económica (ou Ex-Cociña Económica, que vaias ti a saber...) vaise atopar contigo, conmigo, con el, con ela...con tod@s!
Podemos estar contentos. Son de tal calibre e dramtismo as cifras do paro na Coruña que case case case logran facernos esquecer as terribles cifras do desemprego en Galicia toda.

Medidas de alcance, sen dúbida algunha, combinadas coa subida de billete de autobús. Esta última resulta unha medida extrema de xustiza redistributiva. Quita aos pobres mozos/as, empregados/as, desempregados /ase xubilados/as para conxelar as taxas das licencias urbanísticas, por exemplo. É unha idea-proposta. Tamén se pode pagar fraccionado o IBI (Imposto de Bens Inmobles). Se tes unha propiedade en pleno centro de, poñamos, douscentos metros cadrados con vistas á bahía, aparte de tres ou catro pisos postos a especular polos barrios periféricos da cidade PODES PAGAR FRACCIONADAMENTE os teus impostos. É outra idea-proposta, pero seguro que non é verídica. Ademais, sempre podes venderlle a unha pobre viúva propietaria dunha vivenda de corenta metros cadrados do Grupo Franco, por exemplo, que pode pagar fraccionado tamén o seu IBI. Tod@s iguais, tod@s libres.

A mobilidade, outro exemplo de liberdade. Din que nomearon a alguén para ser Ex-Concelleira de Mobilidade do Término Municipal da Coruña, pero nunca a vin. Xúroo. De feito, os anuncios vencellados a transporte público, por exemplo, corren a cargo do Ex-Concelleiro de Tráfico. Claro que si...para que enredar?. Un exemplo: a supresión do carril-bus, ou mellor dito, a súa sustitución por un novo sistema de paso preferente para buses urbanos. Unha tomadura de pelo anunciada e promocionada a bombo y platillo polo Ex-Concelleiro de Tráfico, quen se esqueceu de medir o ancho dos buses da Compañía e deseñou un carril máis estreito que provoca que os vehículos de transporte público coruño ocupen parte importante do carril antes destinado unicamente a vehículos particulares. Volve a circulación en "fila india" polas principais arterias comerciais da cidade. Albricias. Fálase tamén de suprimir bolardos para facilitar o aparcamento en "liña descendente", isto é, enriba das beirarrúas. Para axilizar as xestións dos cidadáns. Albricias again. Isto de suprimir o carril-bus xa vén de sempre na Coruña. É unha tradición arraigada entre a dereita arraigada da cidade. Antes Vázquez, agora Negreira. Que máis ten? Queda inaugurada a Ex-Concellería de Inmobilidade.

Educación -esa tontada- non aparece máis que para dar disgustos. Recórtanse programas emblemáticos da "casa" como o Luditarde inmisericordemente ou liquídanse actividades extraescolares ou páganse literalmente miserias aos educadores/as que as imparten. Contrasta isto co tradicional afán deste tipo de "xestores" por colocar a fillos, amigos, familia e afíns varios de inutilidade manifesta en postos de traballo inmerecidos e, por suposto, suprabenpagados:

Recorte de 183.000 euros para o programa Luditarde

A Cultura, un importante motor económico da cidade, xa non existe. Tampouco parece existir persoa xestora do asunto. Hai algo programado? Hai algún criterio lóxico, aínda que sexa desde a lóxica da dereita? Hai alguén aí? Pasou o outono, chegou o inverno, e non acabo eu de ver nada. O Rosalía segue anunciando os ciclos de 2011 e para o Ágora anúnciase cousa boa e moderna para toda a Agra do Orzán. 40.000 habitantes do noso Señor e seguimos sen unidade técnica de Servizos Sociais no barrio. Non fai falta. Para iso están os bares! Ponme outra!

Logo hai unha cousa que se chama inercia, palabra estraña e suxerente que deriva de inerte. As instalacións deportivas, os Centros Cívicos ou as bibliotecas continúan aí, como cando espertou o dinosaurio. Deporte faise, supoño, e algunha actividade se organiza, como sempre. Tamén os Canguros Municipais deben estar activos, aínda que non se fale xa da súa existencia. Os Locais de Ensaio sei que si. Non sei máis que non teña que ver coa inercia ou coa condensación. CONDENSACIÓN. Gran película. Calquera día nos poñen a xestores inmobiliarios a dirixir todas estas instalacións, como fixeron co recinto feiral Expocoruña, e santas pascuas.

En fin, ata aquí o informe superficial que adicamos ao incansable labor realizado pola Xunta Xestora do Término Municipal da Coruña. Un labor nunca ben ponderado que implica sacrificios sen conto, acción a raudais, realismo a toda cor, escenas lúdicas en HD con 3D e a toda a hostia de sorround, escenarios de luxo, secundarios ben dramatizados e un descenso histórico de ventas en todo o comercio do centro coruñés, ese que repirou aliviado cando retiraron o carril bus, ese que suspirta polo fin dos bolardos e que tanto celebrou o acceso ao poder dos nosos actuais e eficacísimos xestores. Que lles sexa de proveito a tod@s. A outra cousa, volvoreta.

(Vivaaaa vivaaa viiiivaaaa.....plas plas plas plas plas)

DON CARLOS: ¿Y me dice usté, querido vecino de Katanga, que yo vengo siendo Alcalde o algo de esta ciudad? A ver...déjeme pensar un poco....mmmmmmm....es que creo que me acordaría de algo así, ¿no?

O BNG, Tolkien e a Terra Media: xogo de comparanzas...

2012-01-05T13:26:00.000+01:00

by Katangueiro, xogando...

É quizais "O Señor dos aneis" a obra literaria máis importante da segunda metade do século XX. Se empregásemos unha linguaxe deportivo-futboleira diríamos, como no caso do fóra de xogo, que aquí conflúen posición e influencia. Isto é, e volvendo ao literario, é unha obra impresionante na súe escrita, no texto, no pretexto e na intertextualidade, así como é importantísima na mesma medida a enorme influencia que tivo e que xerou toda unha serie de imitacións e analoxías máis ou menos acertadas. É unha das poucas obras que comecei a ler de novo unha vez cheguei ao seu final. Outra é "Fundación e Terra" de Asimov.

Se collemos a triloxía de Tolkien por riba veremos máis dunha concordancia coa historia-histeria que vive a máis importante organización política propiamente galega, o BNG, nestes últimos anos. A súa deriva, para os que nunca dubidamos á hora de sumar esforzos, capacidades e cariño ao proxecto de transformación social e nacional que conlevaba, lémbranos aquelas palabras de Theoden, Rei de Roham, cando se pregunta antes do ataque de Saruman ao abismo de Helm: "Como puidemos chegar a isto?". Quen é, no BNG, ese Theoden? Imos xogar, se queredes.

Din os críticos que en "O Señor dos aneis" o autor retrata, entre liñas interpretativas, a loita entre a vida "natural", case primixenia, en permanente contacto e comuñón coa natureza (hobbits) -unha especie de Inglaterra idealizada- contra o novo mundo da destrución tecnolóxica, do culto ao líder, da disciplina bañada en sangue e do capitalismo agresivo e rampante, representado na obra por Mordor e na realidade pola Alemaña de Hitler, o Señor Escuro. Os seres humanos, a medio camiño entre unha opción e outra, son os trunfantes da historia do anel. Os novos donos do mundo, que DEBEN estar ben dirixidos. Hai certo fascismo de baixa intensidade en todo isto. Algo así como Baroja, que defendía unha ditadura de intelectuais. Unha "boa" ditadura. Digamos que se os humanos somos dirixidos por xente como Aragorn todo irá ben. Se nos dirixe un Senescal como Denethor II, imos de cú. Quen son, no BNG, Aragorn e Denethor II??? Seguimos xogando, se queredes.

Dentro deste universo inclúense os Elfos, señores que teñen cabalgado moito, máis e mellor pola Terra Media (Unidade Galega e PNG, por exemplo?) e dos que poucos xa quedan, aínda que valerosos e fieis, ou os Ananos, os que viven nas covachas, afastados voluntariamente do que acontece o seu redor, e son un tanto particulares e pouquísimo socializados (@s afastad@s/excluíd@s pola aba esquerdo-soberanista?). Por último está Gandalf, primeiro "O Gris" e logo "O Branco". É tan impactante o paralelismo que estou seguro de que xa sabedes que é Gandalf no BNG, non si? Se sabedes quen é Gandalf, supoño que xa imaxinades quen é Aragorn. Frodo podería ser eu. Tamén ti, que conste.

Non se me escandalicen, por favor, pero quen detenta o poder, que tecnocratiza esta organización nacida "natural", quen somete, quen constrúe para destruír é, en boa medida, quen manda agora no BNG. Dáme o mesmo Sauron ou Saruman. Danme o mesmo orcos que Uruk-Hai. Non hai máis proxecto para a Terra Media que o seu control absoluto, quede despois esta no estado calamitoso que quede. Todos temos certa pena do pobre Gollum, en permanente camiño de autodestrución por obter unha bagatela, un anel. Pobre, si. Pero no caso de Mordor, conquistar para destruílo todo resulta abafantemente miserable. Négome, como Hobbit, a soportalo, a contempalo desde a barreira. Négome porque digo que non. Son, efectivamente, dos do NON. A moita honra, se dicimos non a certas cousas.

Para facerlle fronte a Mordor temos a uns humanos divididos. Por unha banda, un Rei de Roham que non é para nada mala persoa, en absoluto, queridísimo de sempre polos seus "súbditos", pero que vive desde hai tempo manipulado por Grima "Lingua de Serpe" (poder-Xunta?), que realmente está ao servizo de Saruman. Para cando consegue liberarse do embruxo, xa é tarde de máis para el. A súa morte en batalla estaba máis cantado que o patético final reservado a Gollum -este Gollum fora un Hobbit, en tempos, pero autodexenerouse el só obsesionado co seu "tesouro". Aparece ás veces para pedir cabezas e depuracións eito. Uf. Saquen conclusións vostedes (Theoden-Quintana???). Curiosamente, para enredar máis esta analoxía, o seu mellor legado é unha muller moza -a súa filla, na obra-. O emparellamento que lle propón Tolkien a esta muller (Eadwyn-Táboas?) para salvar mundo e humanidade é con Aragorn. Manda truco, ou como diríamos por aquí, manda carallo na Habana.

Por outra banda está o Senescal de Gondor (Aymerich?), obsesionado con ser recoñecido como o primeiro entre os humanos, o inicio dunha nova "xenealoxía" que os una, dirixa e leve ao trunfo. Un líder? Un iluminado? Non sei. No BNG hai quen se presenta así pero, como no caso do Senescal, non parece espertar demasiadas adhesións á visión do proxecto que representa. Para moitos humanos non está nada claro que caer nas mans de Denethor II sexa moito mellor que caer nas propias mans de Mordor. Uf outra vez. Xa me aturullan os inusitados paralelismos. E non mo riades, que o conto é triste.

O Hobbits (irmandiños?) son o cemento da "Comunidade do anel", desa comunidade de, por e para tod@s. Acreditan, e de que forma, nunha volta ao esencial, ao primixenio, ao primeiro dos sentimentos, o que nos fixo fortes, ecuánimes, grandes, temibles para os que procuran so a destrución, estean onde estean. Podes facer burla do seu tamaño, pequerrecho en comparanza cos seus pés e orellas, pero o tempo, inaelable, implacable, vailles dando se non toda a razón, si moita dela. Tiveron que enfrontarse a dúas "Torres" en 2009 e non sairon moi ben parados, pero saíron. A súa é a defensa do proxecto común, do respecto ás outras visións, o que inclúe necesariamente o respecto por un mesmo e pola Comunidade no seu conxunto. Está meridianamente claro. Quizais o seu mundo, a súa cosmovisión, está hoxe en retroceso aparente, pero loitarán ata o fin das súas forzas pola súa/nosa pervivencia, contra a tiranía e polo "Retorno do Rei", ou o que é o mesmo, o proxecto polo que dá a vida Gandalf, se é preciso. Por iso digo que Frodo podo ser eu, claro, pero podes ser ti. Pode ser calquera.

Por último, lembraredes que as forzas de Mordor contaban con humanos "traidores" ao seu servizo en forma de mercenarios e que eran chamados, pola súa orixe xeográfica, os Orientais. Mercenarios, Orientais ou Liberados...que máis ten...

Sabes xa agora que é Aragorn, que non é Hobbit pero é tido como un máis?
Sabes xa quen son Sauron e Saruman?
E Gollum?
E Gandalf?

VALE, PERO NON ESQUEZADES QUE É UN XOGO E QUE NON DEIXAN DE SER PREGUNTAS

Sen novidade na fronte (noroeste)

2012-01-03T11:10:00.002+01:00

by Katangueiro

Moito me quedou marcada a lume e ferro aquela historieta-imaxe absolutamente bizantina onde unhas persoas, supostamente sabias, resabias e respectabilísimas, andaban a discutir sobre o sexo dos anxos -que total, tanto ten que o teñan ou non, que eu non mos penso follar- mentres os turcos, os otomanos, os espabilados infieis, petaban nas portas e, posteriormente, daban liquidado a aventura do Imperio Romano de Oriente, mil anos despois - como se dun trunfal Reich se tratase- da caída do corrompido Imperio de Occidente.

A bizantina esquerda progresista (ou o que sexa que for) desta cristalina Galicia -que habitamos pesadamente- discute a eito sobre o sexo dos anxos, en tanto a dereita cavernaria e iletrada cabalga tan rampante. Iletrada porque pensa só en números, porque coloca a raposos fracasados que quebraron bancos, confianzas e malgastaron os aforrrados esforzos dos demais, á fronte da economía total, porque coloca a meritorios sen capacidade coñecida máis que a de servir cafeses a ricos mandamais en postos de altura na administración do Estado. Porque coloca a un tipo do Círculo de Empresarios a dirixir o Instituto Nacional de Estatística, un dereito constitucional en mans privatizadoras. Os nosos datos en mans privadas. As nosas vidas e facendas en mans privadas. O noso futuro privatizado...e a peñita que nin se dá enteirado. Tanto ten. Tanto me ten.

Din que todo se pega, e debe de ser certo. A imaxe lamentable que está a dar o PSdG-PSOE lembra sen esforzo á imaxe que vén dando a aba nacionalista do "pacto de progreso" que foi quen de derrotar a Fraga no seu día e poñer ao PP de Galicia contra as cordas municipais no 2007. Se pensan, tanto uns coma outros, que se trata de cambiar de cara, de rostro, de cartel eleitoral, van listos. Por poñer caretos, que poñan calquera, que as hostias van vir do mesmo lado. A dereita vai dar desmontado o Estado de Benestar, ou o que había, e precisamente quen máis sofre esa condea é quen máis os vai apoiar. Hahahahahahahaha. "A culpa é da xente, que non sabe nin o que vota", teño escoitado moitas veces. "tTemos o País que nos merecemos", escoitei outras veces. Triple hahahahahahahahahahahahahahaha. Claro, por iso todos os políticos seica son iguais pero sempre -ou case sempre- van e gañan os mesmos iguais. Se é que non nos enteiramos. Se é que andamos a argallar asembleas nacionais, uns, ou consellos federais, outr@s, ou eu que sei que parvadas inútiles en tanto se derruban as portas, se traspasan os límites marcados e nos rouban o que é noso. Non sei vós, pero eu teño ghana de gherra e penso dala. SÓ OU EN COMPAÑA DOUTR@S.

Ao que haberá que adicar o tempo que nos quede é a construír -e non o digo eu, que o di o amigo Pacotrón (ese que nos observa desde ollos que semellan covas de desatinos)- un referente político transformador, que sexa útil para todas as persoas -moitas moitas moitas- que se resisten a vivir nun presente e futuro domeñado polos "mercados", polo De Guindos e todos os que naceron no Palco do Bernabeu co carné do Real Madrid na man e a gomina en forma de "cara al sol". Ese referente pode ser que xa exista, non digo que non, e haxa que reforzalo en todas as súas paredes e piares fulcrais. Tamén pode ser que non exista, que non exista como marca eleitoral e que haxa que presentalaa xa, haxa que dar cera a eito e a cotío. A todos e todas. Que xa está ben. Xa está ben de tanto careto, de tanta pompa e de tan poucaa sensibilidade política. Colle a historia polos fuciños, por non mentar partes máis xenéticamente importantes, e protagonízaa.

Onte vin de novo "Veludo Azul". A Laura Dern, chorando pola infidelidade sexual do seu namorado, pregúntase "onde está o meu soño dourado?". Non está, nena. Hai que soñalo aínda.

Abur!!!

O pirata, o ladrón, a súa muller e a miña amante

2011-12-14T14:57:00.002+01:00

Son realmente tan maior, vou tan maduro e resulto tan anacrónico que xa penso, como o facía o meu avó cando cumpriu os oitenta anos, que estamos ao borde do abismo e só nos falta dar ese paso adiante? Éche pregunta retórica.

Vivo anclado nun mundo que enche sacos de desgana, malas prácticas e desautorizacións a eito. Un mundo onde caben/cabemos todos, e non pensedes que se libra nin dios. Iso é bo, a democratización dos despropósitos que nos trouxo esta, e non outra, crise.

1. Moito nos cansamos de repetir que a SGAE, e os seus truculentos defensores, erraban nas súas prácticas e se enchían os peitos de cartos en nome duns artistas que, na súa inmensa maioría, vivían as transformacións sociais e comunicativas alleos á recadación que o fascismo imperante lle permitiu a unha entidade privada nun Estado democrático. Despois de todo, alguén vai pagar algo daquilo. Polo menos o Bautista, pero o mundo da música e do entretemento en xeral está cambiado e non se ve que alguén aprenda das leccións e estableza novos cauces de uso e transmisión das obras artísticas. Ver a Ramoncín, que non fai nada a dereitas desde os oitenta, ou a Bisbal, tipo forrado e irritante onde os haxa, reclamando democracia e respecto prodúceme vómitos. O Antón Reixa preséntase para presidir esa sociedade, e fala de rexeneración e de non perseguir ás perruquerías. O outro contrincante fala de renovación. Cambialo todo para que nada cambie. Non vou por ningún, porque daí non vai saír nunca nada bo.

2. Non gostamos das xeneralizacións que se adoitan producir coa clase política en canto aparece algún concelleiro ou concelleira que meteu a man nos cartos, cobrou indebidamante, enriqueceuse coa práctica política ou, simplemente, pagou favores que enriquecían a outros. Hai polític@s e polític@s. E hai unha (suposta) democracia onde a ninguén lle poñen literalmente unha pipa na cabeza para obrigarlle, no nome dos seus filliños, a votar a este ou estoutra corrupto/a. Cadaquen saberá o que vota e por que. Digo isto porque a conta do máis que probable enxuizamento dun membro da familia real, Undargarín, estamos asistindo a unha sorte de vendaval mediático de presión, onde non se libran nin os medios máis monárquicos, para controlar as vías de ingreso desta xente. Tamén falan de facer público o patrimonio real a fins de ano. Impresionante. Todo o que a lóxica e a democracia ben entendida non conseguiu en trinta e tres anos vai e o consegue un consorte e as súas prácticas "non exemplares".

3. Este despropósito de ambición, deslealdade e asalto a fondos públicos pagarao quen o vai pagar, xa o veredes, porque hai a quen protexer moitísimo máis por riba del. Aquí hai nenos e nenas que van quedar sen actividades exxtraescolares municipais por aforrar uns poucos miles de euros e había quen cobraba millón e pico de euros en facturas duplicadas de servizos incribles, non realizados en ocasións ou de escaso valor. Poñemos en solfa o sistema de partidos por uns corruptos, así que a ver se poñemos en cuestión agora á monarquía. Na miña perruquería, o outro día, para unha clienta isto non era así. Aínda hai castes.

4. Para rematar. Amo á prima de risco. Tenme mollado o corazón. Rozado, desgastado, abusado e triste corazón. Amo cando sube, amo cando baixa. Amo que me controle e nos controle. Amo que dispoña das nosas vidas sen compaixón. Amo tocala, sentila. Amo os seus beizos cando me queren en forma de miniemprego. Amo as súas contas, que non son as miñas, e mesmo amo cando me despreza. Ámoa cando me mira así, altiva, esimismada e arrogante. Como a amo entón.

KATANGUEIRO: Uf...305 nada máis??? Sube, sube, siiiii, aaaaaaahhhhhhhh, dame duro, nenaaaaaa!!

Bágoas

2011-12-05T16:57:00.001+01:00

Bágoas da Ministra italiana do Traballo anunciando onte os recortes de pensións, o aumento da necesidade de anos a cotizar e a quebra, penso, que evidente do que en Europa, e neste caso Italia, se deu en chamar Estado do Benestar. Bágoas porque, estou certo, ela ben sabe que nin con estes sacrificios rematará a traxedia. Quizais estamos xa condenados, non sei. Eu polo de agora prefiro pensar que hai quen sufre con/por isto. Un pouco por compensar, seica tamén van perseguir máis duramente o fraude fiscal (non era xa o que estaban facendo? Mmmmmmm...Non é tamén o que se fai tamén en España? Máis mmmmmmmmmmm...) e aumentarán os tipos impositivos ás maiores fortunas. Si, como en Suecia. Vamos.

Bágoas no noso barrio de Katanga, porque isto que cae do ceo non é choiva, non, que son bágoas polo fin das festas parroquiais. Outra cousa non sería unha explicación. A nosa querida parroquia, de tradicional virada de costas á realidade do barrio no que está situada, quixo un ano máis botar un pulso á racionalidade e celebrar nestes días pasados, sábado e domingo, unha nova edición das festas en honra de San Francisco Xabier. Que pensará este home de todo isto?

De resultas, comezando decembro, cun tempo que non acompaña nin convida a acudir a cousas deste calado moral, cunha crise global que asusta e que xa toca cuestións tan básicas como as pensións, a universalidade (suposta) da sanidade ou as prestacións, non se lles ocorre outra cousa mellor a estes meapilas -porque meapilas é o que son todos estes e todas estas da nosa querida parroquia- que dispoñer de dous días de verbena a dolor. Orquestras con chavalas mozas en mínimos trapos incluídas. Corte de rúa pactado cos munícipes, gran carpa para cubrirse das inclemencias e un monte de cartos tirados ao lixo un ano máis. Que de onde saen estes cartos? Fácil. Polo menos ata este ano, unha parte o pon a parroquia, das esmolas dos cristáns que acuden os domingos. Outra parte o Concello da Coruña. en forma de múltiples apoios que restan gasto, e a última parte os comercios e bares da zona. Tendo en conta de que os establecementos en funcionamento no barrio caeron á metade desde 2006, e tendo en conta o pouco que recoñecían os responsables recadar por esta vía, témome que unha vez máis este capricho pagouse con cartos públicos e cartos do "público" que acude ás sucesivas misas. Hai familias no barrio con todos os membros no paro, pero eu non coñezo o labor social que desenvolve esta parroquia. Quitando as festas, claro clarito.

E bágoas, estas provocadas pola comedia humana que nos sorprende cada día. Anuncian a bombo e platillo que se pechan os blogs dos Rosales e Ventorrillo (ver a nosa triste e emocionada nova) e vai e resulta que non era certo. NIN NUN BLOG VECIÑAL PODES CONFIAR XA. No caso do Blog de los Rosales semella que o leva outra persoa de perfil ben diferente, pero de blog pechado...nasti de plasti. O caso do blog do Ventorrillo (do Ventirrollo par os colegas) non é o mesmo. Resulta que volve en todo o seu esplendor. Agora van a polos delincuentes que hai na Ronda de Outeiro, despois de tontear cos de Penamoa e Conchiñas. Vese que nisto da delincuencia convén ir a cachos. Polo menos a algúns lles cunde mellor así. Pois nada, nada, a Rajoy, Feijoo e Negreira, que son os das (in)competencias!!!!!

SAN FRANCISCO XABIER: perdoa, Katangueiro, pero eu son o primeiro ao que lle jode tanta fe disfrazada de verbena e tan pouca obra...
KATANGUEIRO: levanta, hostia, levanta....

Enron, os tipos que estafaron América

2011-11-30T18:41:00.001+01:00

by turkestana

Sabemos de ti...

2011-11-29T17:13:00.001+01:00

by Katangueiro

Hai ben de tempo que este noso/voso querido blog katanguista sumouse de motu proprio á rede irmandiña de blogs atrvés da denominada rolda de rebeldía e a instancias dun dos nosos principais colabordores. no seu caso trátase dun compromiso persoal. No meu caso, dunha promesa. En todo caso, valla a redundancia, nós nunca pedimos nin pediremos o voto para ninguén. Non é a nosa función. Si meditar e tentar abrir debates sobre o modelo social para a nosa sociedade. Dáme igual se é para un barrio, unha vila, unha cidade, un país ou o mundo. A nosa soberanía está en perigo. Tanto ten nestas alturas se amas Galicia, España, Europa ou es desas persoas que fan patria de cada lugar onde se encontran. Non temos soberanía porque xa non somos donos do noso destino. Ou si?

En fin, que lle saquedes proveito a isto que vos deixo, unha campaña do Encontro Irmandiño para estender o seu coñecemento e propociar achegas con todo@s @s que estamos/estades fartos. Pero se non vos sirve de moito, tampouco pasa nada...ok?

Nada (de nada)

2011-11-02T11:11:00.000+01:00

by Katangueiro

Nada.

Estás sentado na casa. Estás tumbada no sofá. Estás currelando na oficina ou no taller. Estás comprando algunhas cousas no super. Estás facendo sexo. Estás tomando un viño. Estás conducindo sen rumbo. Estás recollendo o teu fillo no cole. Estás facendo a cola do paro. Estás borracho. Estás colocada. Estás rezando para que as cousas non vaian a peor. Estás agadando a que alguén diga ou faga algo. Estás manifestándote. Estás deprimido. Estás alterada. Estás calculando canto tempo podes aturar así. Estás mirando escaparates. Estás facéndote maior. Estás poñéndote guapote. Estás hoxe tan linda. Estás aprendendo idiomas. Estás limpando peixe. Estás facendo a cama. Estás metendo a tarxeta no caixeiro. Estás na colaa do paro. Estás currando como un cabrón. Estás rota. Estás cruzando a rúa. Estás tarareando unha canción. Estás chorando. Estás protestando. Estás a punto de rebentar. Estás rindo. Estás lendo as mentiras dos xornais. Estás soñando esperta. Estás espido ante o espello. Estás contenta porque por fn chove. Estás comendo un cocido. Estás facendo bici estática. Estás visitando un museu. Estás mollado. Estás quieta. Estás inquieta. Estás durmindo. Estás correndo de novo. Estou escribindo neste blog. Estás léndome.

Ti, eu, nós...estamos facendo algo neste momento. Estamos ofertando ao mundo, ás persoas que nos arrodean, as nosas emocións, os nosos traballos e mesmo os nosos sacrificios ou ledicias. Estamos ofertando unha forma de vida. Vida. Entretanto...os mercados, os medios de comunicación, os políticos (moitos e moitas, pero non todos e todas), os banqueiros, os exconselleiros das "Caixas galegas", os comentaristas asalariados, os empresarios enriquecidos, os donos da enerxía, os responsables da xestión pública local, autonómica e estatal, os do Ibex 35...que ofertan????

"La nada se quedóy ahora yo me peleo por volverlos a encontrar,los momentos buenos" (Los Piratas)

Galicia lidera a "creación de paro"

MARIANO: Lo importante ex crear, inxenxatos...Queréis un aguita????

Auxe e caída dos blogs veciñais coruñeses...

2011-09-21T11:30:00.001+02:00

by Katangueiro

Andaba este pobre parrulo polidependente máis que preocupado pola evidente falta de actividade deste noso blog non-veciñal cando vai e resulta que, segundo a prensa informada e sesuda local, algúns dos blogs máis significados nestes últimos cinco-catro anos pechan a súa actividade. Eu andaba co Pacotrón, que había xa tempo que non coincidíamos, e quedei pampo coa nova, pois resulta que, precisamente, son os blogs dos Rosales e Ventorrillo os que protagonizan a primicia.

Vale, nunca nos gustou moito o xeito de informar do blog dos Rosales, pero xa temos recoñecido que esta xente foi a pioneira na cidade no uso desta arma comunicativa barrial tan eficaz. Sempre os admiramos por iso. Isto é o que colgaron na súa despedida:

"Cinco años de noticias, comentarios y experiencias compartidas nos han llevado hasta aquí. Un 16 de septiembre de 2006 comenzamos este espacio que hoy llega al final de su primera temporada. La motivación que nos ha alimentado durante estos años se ha ido apagando y de ahí que hayamos decidido poner el punto y aparte.Por supuesto, queremos agradecer a todos los comentaristas, colaboradores, lectores y amigos sus muestras de cariño, estando ahí durante todos estos años y también a nuestras familias, por su santa paciencia y comprensión. No es un adiós, sino un cambio de aires de sus administradores.Nos gustaría que alguien retomase esta labor y por eso, estamos abiertos a cualquier proposición. Nuestra sección de contactos seguirá activa.Mientras tanto, dejamos nuestra particular carta de ajuste, alimentando el blog con una de las muchas fuentes de información que hemos manejado todo este tiempo. Veréis artículos extraídos de múltiples fuentes que se publicarán automáticamente. Esto puede provocar la aparición de algún artículo off-topic, pero eso no debería extrañar a los lectores más antiguos.Un fuerte abrazo; nos vemos en el barrio.Carlos y Cristóbal".

O do blog do Ventorrilo xa foi outro cantar. Un comezo ilusionante, entanto mandaba o alcalde meapilas, e toda unha trincheira informativa en canto chegou ao goberno municipal o bipartito PSOE-BNG. Agora que están os que están semella que xa non che vos hai moita motivación. Normal. Na súa descarga debemos dicir que as redes están a cambiar. Imponse a comunicación 2.0 e os blogs, sendo útiles para isto, sempre adoeceron de certa manipulación por parte dos seus administradores, especialmente no tema dos comentarios, onde chegas a dubidar se non hai alguén con catro, cinco ou dez nomes diferentes comentando unhas cousas e outras. O Pacotrón, que para iso é un adiantado, leva varios meses cun proxecto moitísimo máis aberto e positivista. Logo vos conto. Isto é o que nos di o Ventorrillo na súa despedida:

"Se acabó la ilusión. Aquella que todos los días al levantarme me animaba a colgar un post sobre el barrio. ¿Motivos? Buf, no hay ninguno en particular y sí muchos otros también.No sé cómo explicarme, pero lo intentaré en un par de líneas. Comencé a escribir un diciembre del año 2007. Curiosamente ya conocía a Xotengo, administrador del Blog de Los Rosales, con el que coincidía junto a los niños en el parque del Paseo de Los Puentes y le dije que iba a intentar hacer un blog sobre el barrio. Me dió muchos ánimos, pero me recordó que daba mucho trabajo su mantenimiento, al menos si quería que fuese tenido en cuenta por los lectores (...) Todos los que habéis leído el blog, sabréis que estado trabajando codo con codo con la Plataforma Ventorrillo Desmantelamento de Penamoa, siendo ésto último el principal tema de denuncia en la bitácora.Y la gota que ha colmado el vaso, es que el próximo 24 de Octubre tendré que asistir a un juicio como TESTIGO de un robo con intimidación, en el que tanto denunciante como denunciados son asiduos de la Plaza de las Conchiñas, y ya sabéis a qué me refiero. Eso sí, me indican que de no asistir podría ser multado con hasta 5000€ de multa. Si tengo miedo(claro que lo tengo), tengo que pedir mi asistencia como TESTIGO PROTEGIDO. Esto ya es el colmo. ¿Qué gano con todo ésto? ¿Merece la pena el tiempo dedicado a la bitácora? La vida y la familia son mucho más importantes. Ya le había dicho a Virtu, otra de las administradoras del blog, que era mejor que lo dejara. Que tanta historia con Penamoa y demás no podía ser bueno. Y así lo hizo, de lo que me alegro un montón. No hay nada mejor que pasar desapercibido, sobre todo cuando pisas terrenos muy enfangados".

Esta é a situación dos outros blogs que puidemos constatar:

Blog dos Mallos: activo, agora de vacacións ata fin de mes. Sempre se colle un tempiño de descanso e fai ben. Logo volve con máis forza.

Blog do Castrillón: absolutamente activo. Ben.

Blog do Ensanche: deixou a súa actividade por 2009...seica os cambios na Xunta....

Blog de Monelos y Barrio das Flores: actividade moi municipalista.

Blog del Agra: continúa a súa actividade

Blog de Pedralonga: sacaron dous blogs, Pedralonga existe e Pedralonga fala. Parados, paradísimos...

Blog de Novomesoiro: continúa a súa actividade, iso si, menor que en tempos pasados. Ver este blog e lembrarnos de Iván é todo un. Estreméceme.

Blog de Matogrande: actividade de mínimos, pero continúa habendo vida. Van por libre.

Blog de Labañou Un gato en la ventana: surrealista. A súa dirección url lévanos a un blog en inglés que fala de papeos saudables e que ten moita publicidade. Semella que lles chulearon o dominio ou algo...

En fin, aquí tedes un listado cos blogs veciñais coruñeses ordenados por votos de non sei quen. Nós figuramos aí.

O que semella que está a pasar, fóra de excepcións xa comentadas, é que o ambiente na rede anda á procura de información e comunicación, ao tempo. Interesan máis, polo que vou vendo, os novos blogs de tendencias, moda e música que o enredo veciñal en clave, ocasionalmente, demagóxica...por non dicir outra cousa. Tampouco os blogs máis activos, precisamente os dous que pechan, souberon ver o que habís detrás do movemento do 15-M. Noneran os seus administradores, tamén hai quw recoñecelo, persoas que pola súa idade e condición social puidesen entrever os cambios na comunicación e no intercambio de ideas libre que alí se deu. Abaixo o administrador, viva o foro...pode ser o lema.

Se queredes ver quen anda realmente activ@ nesta cidade a efectos 2.0, informando cunha mínima honradez e transparencia sobre o que se coce a nivel social ou cultural, ben sexa na moda, na música ou en todo tipo de actividades de impacto urbano actual, fixédevos nas seguintes propostas:

Blog de Covadonga Gurtiérrez. Moda e tendencias. Moi coidado.

Marcus.es. Un pouco de todo. Tecnoloxía, actualidade da cidade, seguimento de medios e música. Un dos blogs máis seguidos de Galicia. Traballa en:

Código Cero. Diario de novas tecnolóxicas de Galicia. O seu nome non pode ser máis elocuente.

Empuje.net. Contracultura galega. Moitísimo esforzo hai detrás disto.

Música para marsupiales. O seu autor é burgalés, pero vive e estuda na Coruña. Todo un luxazo, como poderedes ver. Música, cine, novidades, videoxogos...buf.

Coruña online Blog de Víctor Lamela que combina información local con temática xeral sobre novas tecnoloxías, política, sociedade...etc. É un dos blogs asociados á Opinión de A Coruña.

Axitpop Comunicación. É un espazo para a promoción de bandas da Coruña e área de influencia. Ás veces sae fóra. Moito do material que alí se move e autocreado e autoeditado pola propia xente de axitpop. Atrévense, ademais, coa animación en stop motion. A peña que se move no mundiño musical coruñés coñece Axitpop. O Pacotrón está detrás dese proxecto e nótase.

E isto é unha pequena parte do que se está cocendo nesta cidade.

Volver...

2011-09-07T13:56:00.002+02:00

Ler estes días a prensa e quedar estupefacto é todo un. Comprobar con que convicción e entreguismo nos lanzan os medios a esa cerimonia da confusión chamada "mercados" é demasiado duro mesmo para un pobre katangueiro curtido en rúas de formigón. A última ocorrencia dos grandes partidos españois de retocar a anteriormente sacrosanta Constitución Española de cara a reducir e controlar o déficit das administracións públicas, todo en aras indisimuladas de tranquilizar a eses "mercados" é excesiva mesmo para un pobrísimo katanguista despistado e solitario coma min. Como dirían os nosos secuestrados veciños: "É de mais...que chatice!".

Porque vólvese a caer na mesma desgraza unha e outra vez. Porque esa medida ataca frontalmente as medidas políticas máis progresistas ao condicionar a xestión do público mediante cintos de protección de débeda. Como se ese fose o problema, o causante, desta incesante crise. De certo que, de termos controlado e evitado a altísima débeda PRIVADA, que é a que nos meteu neste problemiña cos "mercados", cunha medida semellante agora non estaríamos aquí. Porque aínda non se controla, mediante lei algunha, o reparto desorbitado de beneficios por parte dos executivos das máis grandes empresas e multinacionais. Porque, postos a cambiar cousiñas da Constitución, poderíamos falar dalguns dos seus títulos máis discutibles. E tod@s sabedes a que me refiro...

Postos a cambiar cousiñas, por que non recoñecer que este sistema neoliberal é un fracaso e pon en risco ao mundo e as persoas que o habitamos, sexa aquí, sexa alá???

Por que se siguen tendo en conta as opinións dunhas axencias que evidenciaron ao longo da súa existencia innumerables erros de vulto?

Por que Alemaña xira á esquerda e nós damos xa por sentado que gobernará Rajoy?

Por que nos asusta Christine Lagarde?

Eu estou co desplante do outro día no Parlamento. Hai veces que hai que deixalos sós, cos seus "mercados", co seu liberalismo, co seu...

Eleccións...que ilusión (sobre a desaparición de Xornal)

2011-08-02T18:22:00.003+02:00

by Pacotron

Convocadas Eleccións ás Cortes Xerais para o día do aniversario da morte do ferrolán, non resta máis que o desespero. Á coñecida candidatura de Don Mariano uniuse hai cousa dun mes á de Don Alfredo Pérez Rubalcaba. Dúas caras novas entre as que escoller, vamos....Do segundo, dicir que nos lembramos perfeitamente da súa omnipresencia nos gobernos tanto felipistas como zapateristas. Di que sabe como sacarnos da crise pero os gobernos dos que formou parte nunca foron quen de encararse ao capital depredador en ningunha das circustancias. Do primeiro, baste que vos diga que prefiro que gañe o Rubalcaba -postos a escoller, que non sei eu se vale para algo- para que vexades en que medida xulgo a candidatura deste galego socarrón líder da dereita española.

Pois supoño que non haberá indignación que valla que impida que un destes dous sexa o próximo Presidente do Estado Katangueiro. Échevos o que hai. Entretanto, entre que se fala da data escollida, dos apoupos de Don Mariano cos seus imputados ("serán uns putos imputados, pero son os nosos putos imputados", semella que diría), de Ortega Cano e os seus xuramentos a conta da descendencia, das primas de risco española e italiana, do perto pertiño que estivemos de que os USA entrasen en suspensión de pagos (coa de güisquitos que me deben...), das homilías polas vítimas do atentado de Noruega e mesmo un pouquichiño sobre a traxedia de Somalia, entretanto, digo, pensamos en todo isto mentres escoitamos a de "Bailar pegados" cantada en riguroso directo mariapitense polo propio Sergio Dalma agardando con ansia felina a reaparición da Tonadillera, así con maiúsculas, Dona Isabel Pantoja, entretanto, insisto, as nosas entidades financeiras gozan de moi boa saúde. Tan boa que só se poden queixar de que a tiveron mellor. Xusto o que nos ocorre a todos nós. Que alivio saber que tralo prezo da ruina dun Estado se agocha o triunfo da salvación do seu entramado financeiro.

Que por que saco todo isto? Porque as eleccións non van servir, se nada o remedia, para resolver a grande incógnita que nos ofrece este recén comezado século: poderemos atopar un modelo económico xusto e equitativo, medioambientalmente sostible e socialmente progresista? Poderemos sustraernos aos cantos de serea do capitalismo, tan listo el, e a súa interminable cadea de desexos e ambicións consumistas? Daremos unha patada a todo isto e a todos estes en forma dalgún tipo de resultado electoral máxico o próximo 20 de novembro ou, máis ben, acabaremos como Portugal e Irlanda, en mans da dereita con máscara de xestoría, disposta a aplicar calquera recorte posible a conta do medo da xente, do control da información, da deformación da realidade, das declaracións temerarias...?????

Non sei que ten o día este. Será o verán este, que non é verán porque a primavera non foi tampouco tal. Acabo de ler en Galicia Confidencial que este xoves desaparece o diario Xornal en papel, para volver quedar como o dixital que era desde hai nove anos. Esta desaparición únese á do diario Galicia Hoxe, dependente da editorial do Correo Gallego, polo menos xa anunciada e denunciada, e á liquidación por derrubo da mítica cabeceira nacionalista "A nosa terra". Dentro de pouco non sei que nos quedará para seguir a actualidade en papel aos que gostamos de realizar esa mesma actividade no idioma galego...ou no que queda del, máis ben. Encántame a literatura infantil, de certo, pero non me vexo indo á praia cunhas historietas dos bolechas eses...non me vexo. Tampouco sei que existan publicacións adultas el galego sobre temas de actualidade, humor, música, cine, novas tecnoloxías...ou non as coñezo ou non as hai....En fin, só nos queda a literatura...ata que nos quede...É de tal calibre a crise esta, no económico e no moral, que calquera día quedamos sen libros, que sempre haberá mellores cousas nas que gastar -ou aforrar- os cartos.

Teño que preguntarlles a Rajoy e Rubalcaba, a ver que opinan de todo isto....

Igual sería moi importante, dígoo por achegar algo en positivo a todo isto, que as persoas que dalgunha maneira formamos parte dese proxecto aínda vivo e, certamente, ben máis independente que o común dos proxectos aínda vivos, chamado Galicia Confidencial colla un pulo ben maior do que agora ten. Por molestar, dígoo. Por molestar aos que me molestan. Por molestar aos que sempre se saen coa súa. Por molestar aos que rin nas fotos mentres anuncian novos recortes. Para molestar os que mandan de verdade. Para -joder- algo!!!!

O dito. Teño que irlles preguntar a eses que se presentan....

DON CARLOS: Pues a nosotros no nos va tan mal, ¿no, Don Paco?
DON PACO: No, no...ji ji ji ji ji ji ji...jito....
DON CARLOS: (Bueno, éste por lo menos no me pregunta por la cubrición...)

Do tren chu-chú ao cochecito leré...

2011-07-11T17:52:00.002+02:00

by Katangueiro (con Pacotrón vacacioneando...)

Seica a nova troupe xestora do Concello da Coruña, encabezada por Don Car4los o Benefactor, anda dándolle voltas á isea de pechar, liquidar, eliminar o tranvía turístico da cidade, coñecido popularmente como "tren chu-chú". Non é que sexa eu un dos defensores deste invento posto en marcha polo alcalde meapilas aló por 1997 como a principal ocorrencia daquel mandato. Tampouco é que sexa eu moi defensor das políticas xestoras do público que nos oferta a banda popular, nin coruñesa, nin galega nin española. É por isto que a miña crítica a esta posible decisión teña máis que ver co modelo de transporte público que queremos para unha cidade como a nosa. Europea, creo lembrar.

Cando a posta en marcha do trenciño moitos criticáramos que, de quererse un transporte de carácter meramente turístico, resultaba moitísimo máis rendible comprar ou facerse cuns deses falsos trens a rodas neumáticas tan típicos en cidades de histórica e numerosa presencia turistil. Así, non só podería circuncribirse ao Paseo Marítimo, se non que podería servir para dar a coñecer rúas tan embremáticas da nosa cidade como San Andrés, Campo da Leña, Praza de María Pita, Real, Franxa, Mariña, e un longo etc...Pero o que se fixo ao final supuxo un novo dispendio marca da casa aos que xa estábamos acostumados máis que acostumados e que nos tiñan máis que fartos.

En todo caso, para algúns de nós, xa postos e xa corrido o gasto, podería servir como embrión dun futuro metro lixeiro, do que tanto se fala e co que xa contan noutras cidades europeas. Todo iso, as graves perdas desde o pasado ata o presente, así como as espectativas de ver circular pola Coruña un tranvía de verdade, como os de Valencia ou Lisboa, parello ao uso do carril bici esvaécese entre tanta crise e tanta mediocridade xestora. Volven os bugas!!!!...e volven para quedarse...

Vén isto ao caso de que estes adalides da modernización das políticas locais pensan suprimir, de cara ao último trimestre do ano, o carril bus existente e que atravesa Federico Tapia e San Andrés, en aras de recuperar non sei cantos postos de traballo que, din, se perderon coa súa posta en marcha. Vaia vaia, kruskuaia!!!

Ou como diría o outro: ulos, ulos?????

Únese á desaparición desta medida que facilita a mobilidade do transporte público, independentemente da densidade do tráfico privado, a creación de zonas de carga e descarga para que as/os cidadáns poidan aparcar un ratiño e facer unhas compriñas no centro. Así, poderemos coller o buga desde Katanga, para un rato na dita zona, chonear a mazo por entra as diferentes ofertas comerciais, comprar uns gallumbetes ou unhas braguiñas chulas e para casa!!!! E así pensan combater o poderío extremo dos Centros Comerciais!!!! Chachi que si.

Hai a quen non lle entra na cachola que as zonas comerciais emerxentes dos centros e barrios das cidades europeas (Europa again...) baséanse, precisamente, en quitar os coches daí, peonalizar o máximo posible e potenciar o transporte público. Aí está o tema, e nojn vos seguir dando máis pistas, que igual me se emocionan...E ata aquí podo seguir lendo. Que cada pao aguante do seu velorio. Se pensan os señores e señoras comerciantes que permitindo un uso laxo do coche polo centro conseguirán recuperar a clientes que xa o son de Marineda, Espacio Coruña, Carrefour ou o que lle boten, van listos. Que quiten os bolardos, que así podemos subir o buga á beirarrúa!!!! Pola miña banda, que lles dean...a tod@s...

CURUÑESITO: Egh que yo, con este carro, tengo también migh necesidadegh...de aparcamiento....

Chunguísima decisión da Xunta de Galicia sobre a residencia universitaria da Coruña

2011-06-17T18:59:00.002+02:00

by Navia (con algo de retraso...)

Coa decisión da Xunta A Coruña perde outra oportunidade para o crecemento e o desenvolvemento sustentable. É, xa que logo, outro ataque máis aos servizos públicos!!!

Sendo a UDC un dos principais axentes de demanda de vivenda na cidade da Coruña, que debe satisfacer as necesidades de aloxamento de máis de 7.500 estudantes doutros Concellos de Galiza, doutras Comunidades Autónomas e do alumnado orixinario de paises do Espazo Europeo de Educación Superior. Semella que esta nova é absolutamente negativa para a Universidade, para cidade e para a propia educación dos universitarios galegos que deciden vir a estudar a UDC.

Ningunha outra universidade sofre a situación da UDC coa inexistencia no Termo Municipal de oferta pública de aloxamento a precios acordes co nivel de renta dos estudantes.

Un dos obxectivos principais de toda estratexia de aloxamento universitario é reducir o incremento de estudantes que buscan o aloxamento no sector privado e dispor dunha oferta de aloxamento residencial público de calidade adecuada e cantidade suficiente que satisfaga as necesidades de confort para o traballo na etapa universitaria.

No libro editado polo Concello da Coruña no ano 2010 denominado Áreas residenciais universitarias presentábase o proxecto gañador do concurso para residencia universitaria da Coruña. Proxecto que apostaba pola madeira, a eficiencia energética, a experimentación tecnolóxica e o desenvolvemento sustentable.

Tamén se recollían unha serie de artigos no que se recopilaban experiencias, proxectos e aloxamentos universitarios de Europa, do Estado e de Galicia, ademais dun artigo de Xosé Lois Martínez Suárez, pax.121-141, intitulado “Estratexia de aloxamento universitario e UDC”, no que se dá conta da situación do aloxamento universitario na UDC e se denuncia unha situación absolutamente incompresible provocada polos convenios asinados entre o Concello de Culleredo e a Universidade nos anos 1993 e 1994, mediante os cales a Universidade renunciaba a construcción de equipamentos públicos para aloxamento universitario e favorecía os privados.

Do teor seguinte:

1.CAMPUS DA CORUÑA: CONVENIO UDC-CONCELLO DE CULLEREDO- RIALTA

En xuño de 1993, a UDC suscribe un Convenio Marco co Concello de Culleredo para potenciar a construccion de Aloxamentos Universitarios de iniciativa privada, no seu termino Municipal, no que o Plan Xeral de 1985 non tiña previsto este uso, relegando de facto a xestion para o desarrollo das Areas Residenciais previstas no PP-1991

Respondendo a unha solicitude da Sociedad Residencial Rialta SL propietaria de 39.820 m2 de solo en Culleredo (a antiga Canteira Prebetong) clasificados como Solo Urbanizable Non Programado “el ayuntamiento de Culleredo en sesiones plenarias de 19 de agosto y 29 de octubre de 1993, acordó conceder a RIALTA SL, los beneficios derivados del Convenio Marco…” entre a UDC e o Concello, e acorda calificar os terrenos para que poidan construirse aloxamentos universitarios declarando as edificacions necesarias de utilidad publica e interes social.

Tres meses despois, xaneiro 1994, a Comision Provincial de Urbanismo otorga “a la compañía Residencial Rialta SL la autorizacion…para la construccion de una Residencia Universitaria…” na ex canteira de Prebetong.

O 14 de xuño de 1994 na Casa Consistorial de Culleredo, os representantes do Concello, UDC e Sociedade Residencial Rialta SL asinan un convenio no que, entre outros aspectos, concrétase a construccion de aloxamentos universitarios en dúas fases cun total de 500 plazas, “asi mismo se compromete el Ayuntamiento de Culleredo a no autorizar ninguna otra instalacion de este tipo con destino a usos universitarios publicos hasta tanto la universidad no justifique esta necesidad y siempre reservando a favor de la Sociedad Rialta SL las primeras quinientas plazas”.

A xestion urbanistica do Campus central da UDC diseñada no PP-1991 sufre con esta iniciativa un cambio radical de rumbo: a politica de aloxamento universitario publico da UDC limitaráse á concertacion dos precios de 150 plazas en cuartos dobles (hoxe 175 plazas) polas que a UDC abona unhos 240.000 euros por curso academico de subvencion aos alumnos aloxados en algunha das plazas dobles ofertadas por Residencial Rialta, a quen o alumnado beneficiario deberá abonar a outra parte.

No longo proceso de construción da Residencia Universitaria Pública houbo actuacións que axudaron a que a esta residencia estea no proceso e resultado que agora quere darlle a Xunta. Convén lembrar a lentitude de Urbanismo do Concello da Coruña á hora de axilizar todos trámites precisos para a súa construción, a Consellería de educación para axilixar e resolver as expropiacións precisas, a dos propietarios de solo e os seus asesores coa súa política obstrucionista e de reivindicación de máximos, un sector da propia universidade que non tivo a sufiente valentía para resolver os asuntos que se foron presentando (mesmo algún membro do goberno da Universidade puxo proa ao proxecto) e a Consellaría de Vivenda que tampouco actuou coa dilixencia e afouteza que a situación precisaba. Todo este conxunto de factores e circunstancias troxéronnos até aquí. E, xa se sabe, cando esta deireita do PP goberna ten que dar satisfación aos poderes fácticos que a fixeron chegar ao poder, porque o pobo, tamén, se sabe, quere traballo e espetáculo!!!.

De aquí en diante seguiremos comprobando como o goberno municipal do PP vai tecendo todo un sistema de actuacións tendentes a entregar aos seus amigos negocios e máis negocios, aínda queda por saber como van resolver o problema do edificio de Fenosa, o Parque ofimático, O furado do Parrote, o caso Relámpago, a aprobación do Plano Xeral de Ordenación Municipal, o desmantelamento definitivo de Pena Moa e outros moitos asuntos, sobre todo de da carácter urbanístico. Eu xa o adianto: favorablemente aos intereses dos grupos de presión locais e non aos intereses da maioría social, mesmo aquela parte que os votou.

Tempo ao tempo!!!

ANA (PRIMEIRA POLA ESQUERDA): No pisote de Maripili son cinco e un can, onde Juan viven na miseria okupa e a Puri xa non lle collen máis ex-mozos no ático....a ver onde carallo acampo hoxe.....
ELENA (NO MEDIO): Vou facer como que chapo, a ver si non se dan conta de que teño camastro grande!!!!
UXÍA: A ver como lles digo aos meus puriles que conten conmigo ata final de 2020....mínimo!!!!!

Así está o patio, nenos!!!!

Á procura da esquerda soñada (a la recherche du temps perdu)

2011-06-16T18:14:00.000+02:00

by Katangueiro

Temos tan interiorizado que vivimos tempos vertixinosos que damos quizais relativa importancia aos cambios que nos rodean. Somos tan relativistas coas nosas propias vidas que mesmo recoñecendo as enormes transformacións que estamos a vivir e notando o cercano alento da besta neocon azoutando Europa, dubidamos de todos os aires de cambio que prometan unha sociedade mellor. E iso que a nosa sociedade é manifestamente mellorable. Vaia se o é!!!!

O resultado das eleccións municipais do pasado 22 de maio, unido ao posterior resultado electoral no veciño Portugal, constatan que nesta crise hai unha Europa vencida e unha Europa vencedora. En canto a modelos, desde logo. En canto a Estados, vai por barrios. Adepende do amigo americano.

Pero do que non cabe dúbida é de que algo se está a mover entre unha parte farta da sociedade, formada basicamente por mozas e mozos sen espectativa, ou en espectativa de desesperanza, ben sexa nos depauperados países do Magreb, ben sexa na desenriquecida europa meridional. Habitan en nós eses aires de cambio dos que vos falaba e, pouco a pouco, semella medrar a idea dunha nova esquerda, máis social, máis adaptable ás transformacións, máis participativa e, polo tanto, horizontal. Máis modelo, tamén. Máis contrapeso e contrapoder. Unha esquerda que ofreza unha alternativa válida, viable e xusta. Caia quen caia. É disto do que se está a falar estes días.

O movemento d@s acampad@s cumpre un mes. Fóra da aparición de mensaxes contraditorias ou líderes de discutible coherencia, moito do que se nuclea arredor deste movemento que reivindica e practica o asemblearismo como fórmula diaria de entendemento é descontento social. Descreimento do modelo imposto. Esixencia de cambio profundo. Soberanismo individual, quizais. Un preludio do soberanismo colectivo. Este domingo teñen convocadas concentracións en todo o Estado. Aquí celebrarase en Santiago de Compostela. Haberá quen desconfíe. Eu fágoo. Pero o certo é que se hai quen demanda unha democracia real, haberá que ofertar tamén unha esquerda real, habida conta de que a dereita real xa habita entre nós. Será unha pedra de toque do que aínda queda do movemento inicial e servirá para calibrar, seguramente, o actual calado da protesta. As imaxes de acampad@s entorpecendo as investiduras dos novos gobernos son contraditorias. Por un lado, non. Por outro, sen embargo, si. Se acreditamos na vontade popular expresada, non. Se acreditamos que non se reúnen as mínimas garantías democráticas que a validen, si. En fin, que a Divina Pastora nos protexa...

Un día antes, o sábado 18 de xuño, celébrase na mesma cidade un Encontro Aberto para "escoitar, pulsar a opinión, debater, tomar nota, informar e informarse con todas aquelas persoas -militantes ou non do BNG e das súas correntes- cidadáns preocupados e preocupadas polo que está acontecendo", nas súas propias palabras. Este acto aberto vén impulsado desde o Encontro Irmandiño, a corrente do BNG liderada polo señor Beiras. Se ben semella inicialmente pensado para un consumo interno arredor da crise do proxecto nacionalista no noso País, está a dar cabida a persoas de todo tipo simplemente PREOCUPADAS, pero non rendidas. Sei que o Pacotrón andará por alí. Que a Divina Pastora nos ilumine....

Hai poucos días apareceu tamén un manifesto impulsado por unha vintena de persoas comprometidas coa esquerda política e descreídas da esquerda actual. Coñecido como Iniciativa BenComún, o manifesto aposta por "reactivar a participación cidadá na esquerda nacional". As adhesións a este texto inclúen militantes do PSOE e do BNG, así como exmilitantes e persoas de variada adscrición. Anuncian un acto aberto para o próximo 2 de xullo, tamén en Santiago de Compostela. Que a Divina Pastora nos ampare....

Estase a mover polas redes un documento chamado Declaraçao Galega de Soberanía, cun importante apoio recollido, especialmente do disgregado mundo independentista e de certa intelectualidade nacional. Para min que toda soberanía colectiva debe partir da soberanía individual, a que nos debe permitir vivir, e vivir ben, totalmente afastados dos modos de consumo e das ataduras económicas que se nos queren vender como modelo correcto ou, cando menos, o menos malo dos modelos. Galicia pode ser independente e Núñez Feijoo o seu Presidente. Os cambios que se queren son, quizais, máis profundos. Que a Divina Pastora nos colla confesados....

E todo isto aquí, ao lado da nosa casa. Hai un referente novísimo, de esquerdas, frontista e soberanista no caso de Bildu que non pasa desapercibido. Está por ver o que a Divina Pastora nos depara.....

NOTA: Divina Pastora: grupo de vivendas situado no barrio coruñés da Agra do Orzán. Estas vivendas "baratas" deron saída á crecentísima demanda proveniente da poboación rural trasladada ás cidades, especialmente a partir dos anos setenta. Podedes ver esta estupenda foto de aquí tomada desde a Ronda de Outeiro!!!

Carlos Negreira e Millán-Astray: Vuelve el Hombre

2011-06-15T13:55:00.003+02:00

Reproducimos, con ou sen "cubrición" mediante, este artigo publicado o 11 de setembro de 2009. Vexan, vexan que agoireiros somos!!!!! Nótese que este texto é o que se pode ler en terceiro ou cuarto lugar de buscardes en google biografía Carlos Negreira. Hai que tirarlle das orellas a alguén, certamente.....A entrada orixinal está por aquí mesmiño.....cos seus comentarios do momento....Ai...que tempos....

Resulta altamente interesante comprobar cómo a ideoloxía fascista española, o franquismo, tamén chamado nacional-catolicismo, sigue atrapando a xeneracións enteiras de españois de todo tipo e condición. Supoño que serán os seus eternos valores morais....valores que eu aínda non vin pero que andarán por aí mesmo, coño, que son xente de misa!!!!!!

A última das últimas é a que nos acaba de regalar o candidato a Alcalde de La Coruña (con ele, claro, que en gallego es una vulgaridad!!!!) Don Carlos Negreira coa súa bizarra defensa da figura de José Millán-Astray, apelando,iso si, ao seu....CORUÑESISMO!!!! Ben. Cando menos de nacimento.

Efectivamente, este alcaldable opina que Don José Millán-Astray foi un home de pro....que qué será iso de pro....pronazi? profascista? protestón? Prometeo?????...así que TODOS A SALVAR A ESTATUA DO FUNDADOR DA LEGIÓN ESPAÑOLA!!!!!!

Vexan, vexan cómo se lle vai a pelota a Carlos Negreira, ese protoalcalde!!!

Pero o caso do Don Carlos non é nin único nin aillado. O líder popular coruñés sigue a estela de outros prohomes que o precederon na defensa dos fascistoides....Qué emperre!!!!! PARA CANDO A XUSTIZA LLES DÁ UN TOQUE POR APOLOXÍA DO TERRORRISMO????

A todo isto, e para colmo de males, hai que aturar a BASURAZA de ver cómo se aproveita dunha muller, coruñesa tamén, que non atopou escola infantil para os seus dous xemelgos. Tan só para un. POIS NADA, NADA, que llo diga a Carlos Negreira, que lle diga que cántas escolas infantis construíu a Xunta, a que ten as competencias, na nosa cidade??? Qué pasa coas que aprobou o anterior Goberno Galego??? Que pregunte, que pregunte, e que se informe antes un pouquiño, se quere evitar que o seu gran problema non sexa empregado por "aguiluchos" para expresar outros intereses.

UNHA VERGOÑA!!!!!

Reconozco que me calenté un poquito.....es que me sale el Lacoruñesismo por los poros...a flor de piel!!!!

Pero é que o fundador do Partido Popular xa se ten manifestado abertamente a favor do que significou o réxime franquista.....do que el formou parte, claro. E que parte, oighan!!!!

Si fuera usted un hombre....yo le......!!!!!!

Tamén resultaron moi apreciadas as manifestacións de Mayor Oreja, recordado por combater o terrorrismo de ETA e defender, ao mesmo tempo, a calidade de vida e tranquilidade que se respiraba con Franco!!!!!

Hombreee....je je je.....yo en esas declaraciones me refería, más bien, a algunos de nosotros...que vivíamos de puta madre, eso es cierto. Nunca quise hacer referencia a los rojos ni separatistas...esos no, como es comprensible....

Eeeeeiiiiiii...mei amici!!!!

Por último, una pregunta:

QUERES QUE CARLOS NEGREIRA SEXA O PRÓXIMO ALCALDE DA CORUÑA????

POIS XA SABES....NON VOTES......ELES SI QUE VOTARÁN!!!!!!!!!!!!

A ver a ver...que todos temos pasado, home, e é de bos cristiáns perdoar....aos que mandan!!!!!

Abur yogur...Boa finde!!!!

Demolición e silencio

2011-06-14T11:44:00.000+02:00

by Pacotrón

Non, non estamos a falar do edificio Conde de Fenosa. Ese non se vai tirar. Xa está Don Carlos o Benefactor atarefadísimo atendendo ao clamor social que pide a súa legalización. Falamos de políticas de incidencia social, como son a igualdade, a mobilidade, a participación, o emprego ou a promoción do galego. Comecemos por esta última.

Xa sabíamos que en tempos de bonanza económica a promoción do galego sobraba, xa que do que se trataba era de abrirse ao mundo, globalizarse. E non entendo por que non se podía un globalizar en galego cando un si que se pode globalizar, poñamos por exemplo, en luxemburgués. Agora que estamos en crise, tampouco resulta acaída a promoción do noso idioma. Seica é un gasto innecesario. Hai que aforrar para que a banca recupere o seu ritmo (natural) de enriquecemento indecente. Iso si que importa.

Tamén sabíamos que a igualdade sobra na casa popular. En tempos de bonanza é inútil, pois todos os españois e españolas somos iguais ante a Lei e só se miran os méritos persoais (?). En tempos de crise é aínda máis inútil, porque todos e todas somos iguais, claro, pero hai uns máis iguais que outros.

Que o emprego se asocie á empresa e a participación cidadá tamén é só un pálido reflexo ideolóxico que se lles escapou entre os dedos. Hoxe sabemos que os beneficios empresariais non son sinónimo de creación de emprego, se non todo o contrario. Aí temos o caso Telefónica ou o caso das nosas antigas dúas Caixas galegas: canto máis gañan máis recortan...ou era ao revés????? Sobre a participación diremos que se nos pretende facer "partícipes" dese modelo económico neocon. Que bonito!!!!

E mira que xa estábamos advertidos sobre as políticas de mobilidade deste novo goberno municipal. Quitarán bolardos e carril bus??? Voltarán os bugas de caché para estacionar sobre a beirarrúa de San Andrés, como sempre foi tradición???? Qui lo sá....

E sempre ese silencio cómplice nuns medios de comunicación que ocultan a gravidade do recorte.

Ai...tantas e tantas cousas que desaparecerán como bágoas baixo a chuvia...

DON CARLOS: Hombreeee.....si llueve un poquitito siempre puedes llevar paraguas...hasta que escampe!!!! Jijijijijijijiji....jito...........(que no me pregunten por la cubrición...que no me pregunten por la cubrición...por Dios!!!)
SEÑOR SENTADO Á DEREITA DO BENEFACTOR: Pero qué picaruelo es usted, Don...

Dous vídeos imprescindibles

2011-06-08T13:55:00.001+02:00

Por recomendación da Msarkadina e dunha amiga combatente insurrecta que habita na área metropolitana coruñesa deixámosvos estes dous vídeos, moi diferentes entre si pero IMPRESCINDIBLES. O primeiro é unha visión humorística pero real do que ocorreu en España nestes últimos anos. O segundo é de máis fondura e ámbito internacional. Está realizado en 2006 e fala do que estamos vivindo actualmente. Entre outros, aí está Galeano...

Noutra orde de cousas, podemos confirmarvos a entrada no equipo de Katanga Koruña dun novo colaborador. Chámase Navia e pronto, moi pronto, teremos máis novas del. Benvido Navia...de Suarna????

El orden criminal del mundo from Turkestana on Vimeo.

Máis sobre o absurdismo

2011-06-06T12:49:00.004+02:00

by Pacotrón

Onte celebráronse en Portugal novas eleccións. Veñen convocadas a raíz de non ter podido o Partido Socialista de Sócrates sacar adiante os seus orzamentos do Estado para 2011. A imposibilidade de acadar acordos parlamentarios -que sumasen unha maioría responsable de cara a sacar ao conxunto do país da delgada liña vermella que separaba a fin de ano aos estados "rescatables" dos estados "solventes"- provocou a dimisión do señor Sócrates, convocatoria electoral incluída, e a entrada de Portugal no fondo de rescate europeo. Aquel día o Sócrates compareceu ante a prensa absolutamente abatido, en tanto o principal partido da oposición, o PSD (o noso PP), celebraba a caída do goberno socialista, celebración que non se viu empañada pese a que isto supuña entregar o país aos ditados dos mercados e empufarse socialmente por décadas en tanto a banca, outra vez, desentendíase completamente da desfeita global. É curioso o destes neocons...moito presumir de patriotismo e tal e pascual e non lles dá grima axudar a arruinar a todo o Estado con tal de sern os novos gobernantes, como acaba de acontecer. As celebracións de onte pola noite nas sedes do PSD non semellan razoables, se atendemos á terrible situación na que se atopan os cidadáns e cidadás portugueses. Que está pasando? Pois que a dereita, máis extrema que nunca, avanza ao galope desta crise, tomando aldeas, cidades e países, arruinando economías e recortando os dereitos do que se deu en chamar "Estado do benestar". Xa o dixo Rajoy: "En España tendremox el extado de bienextar que podamox", ao que lle falta finalizar con "que podamox conxentir lox que creemox que el beneficio emprexarial extá por delante del conjunto de prioridadex xocialex". Claro. E en Portugal, onde máis que no Estado de benestar vivíase no Estado de estar e punto, estes recortes serán aínda máis dorosos para o conxunto da depauperada cidadanía.

A poucos días de investirse as novas corporacións municipais e autonómicas, a tónica española non dista moito da que sacudiu Portugal en meses precedentes. Son tais as ansias de destruír ao adversario que goberna que non se dubida en poñer a economía ao borde do abismo. Como se non se entenden as diferentes declaracións de futuras e futuros concelleiros/as e deputadosd/as poñendo en dúbida a solvencia das institucións públicas e mesmo a súa capacidade real para pagar nóminas se aínda non tomaron posesión nin dispoñen, como recoñecen sen rubor, de suficientes e actualizados datos sobre o estado real das contas? Fixádevos, en Castilla-La Mancha a señora Cospedal pon en dúbida o pago de salarios para logo indicar que iso vaino amañar o PP, entre outras cousas, privatizando a TV pública. Ah, xa....

Na Coruña, un concelleiro electo (Flores) adianta graves problemas financeiros que, literalmente, se inventa, xa que este home non pode coñecer as contas de cada departamento ata que vaian tomando posesión el e os seus compis. Úlome privatización de servizos sociais...

Como molo!!!!!

É que este absurdismo que nos rodea, tan destrutivo, pode acabar estalándolles na cara. Temos un exemplo moi claro no caso dos pepinos. Morre xente en Alemaña e desde o seu goberno conservador apúntase a España e á agricultura ecolóxica, orixe desta doenza. De novo, penosas noticias relativas ao noso Estado katangueiro que parten do todopoderoso e solventísimo Estado Alemán. E van....Pasados os primeiros días é tan evidente que hai doentes que non consumiron eses produtos que as perdas do sector hortícola español son tamén as perdas do sector hortícola alemán. A xente deixa de comprar froitas e verduras ata que non se aclare o enredo, e deixa de comprar todas. O tiro pola culata, pero a operación global era de medo: liquidar o cada vez máis potente mercado agrícola ecolóxico español, poñer ao partido gobernante nunha situación económica e anímica insostible, facilitar e acelerar a chegada do señor Rajoy á Moncloa e conseguir, ao final, que España sexa rescatada polos bancos alemáns. Ole. Aos populares válelles con tal de mandar canto antes. Ademais, apúntase ás Autonomías como apuntaladoras do déficit. Que listos!!! Os bancos e Caixas hai que salvalos e proveelos. As Autonomías hostias.

Échevos o que nos ten o absurdismo, que cambian os significados das palabras ao seu antollo e alteran a sintaxe con mentiras e medioverdades moi acaídas aos seus tradicionais intereses. Así, chámanlle Fondo de Rescate a o que é un Fondo de Secuestro da economía de todo un Estado, literalmente. Falan de servir ao pobo, á xente, e liquídase o estado de benestar en aras da salvación dunhas entidades financeiras que, de certo, non gañan o que queren ou desexaban pero que REALMENTE NUNCA ESTIVERON EN PERIGO. Ou é que credes que os directivos de CaixaGalicia e Caixanova, agora reunidos "Géiper" tiveron en algún momento desta crise problemas de solvencia ou liquidez???? Viron acaso gravemente mermado o seu patrimonio???

Continuará...seguro.

PASSOS COELHO: Jijijijijijijiji....aaaaaaiiiiiii...... Juajuajuajuajuajuajuajuajua!!!!! Como molo!!!

Pode interesarvos:

Ver artigo en mardoorzan.com

O capitalismo do desastre, por Pablo Vaamonde
Im-pulso: La derecha gobernará Portugal con el apoyo de la cuarta parte del electorado

Abur!!!!!

Revisionismo histórico (Se eles poden, Msarkadina tamén)

2011-06-03T13:39:00.003+02:00

by Msarkadina

A Real Academia de Historia vén de gastar 6,4 millóns de euros nun tochazo co que nos intentan persuadir de que Francisco Franco Bahamonde NON FOI UN DICTADOR ou que José María Aznar perdeu as eleccións xerais de 2004 porque o PSOE manipulou á xente a conta do desastre do Prestige (galegos, galegas: Non temos nada que dicir?). Nin unha palabra para as persoas represaliadas desde 1939 a 1975 (por non falar da xente que padeceu a ominosa Ley de Vagos y Maleantes de 1954, máis coñecida como “La Gandula”, reforma da lei republicana de 1933, pero moito máis represiva e opresiva). Ole, ole y ole.

¡Viva el orden, viva el Rey, viva España y la ley!

Dado que o disparate paréceme moi caro postúlome para facer un revisionismo acorde cos tempos: políticamente correcto e moi, moi amable. As miñas tarifas son moito máis económicas e cito as miñas fontes. Neste caso, "Platero y yo". Unha das miñas avoas, cando se lle acabaron os epítetos, deu en chamarlle "Mula Francis" (un personaxe cinematográfico moi famoso nos anos 40-50). Para non ferir sensibilidades eu prefiro comparalo con Platero, o burriño que creou para a literatura Juan Ramón Jiménez. Xa que nin abrimos un libro (xógome unha man a que haberá quen crea que isto vai polo grupo “Platero y tú”) e xa que nin vemos o Barrio Sésamo vai sendo hora de que alguén poña as cousas no seu sitio ("Niños, niñas: hoy vamos a explicaros la diferencia entre democracia y dictadura). Eu non estudei historia pero para o revisionismo este, tanto ten. Neste tudo-vale a miña interpretación vale tanto como as demais:

“Franco es pequeño, peludo, suave; tan blando por fuera, que se diría todo de algodón, que no lleva huesos. Sólo los espejos de azabache de sus ojos son duros cual dos escarabajos de cristal negro. Lo dejo suelto y se va al prado, y acaricia tibiamente con su hocico, rozándolas apenas, las florecillas rosas, celestes y gualdas... Lo llamo dulcemente: 'Franco, Franco, Franco?', y viene a mí con un trotecillo alegre que parece que se ríe, en no sé qué cascabeleo ideal...

Come cuanto le doy. Le gustan las naranjas mandarinas, las uvas moscateles,todas de ámbar; los higos morados, con su cristalina gotita de miel... Es tierno y mimoso igual que un niño, que una niña...; pero fuerte y seco por dentro, como de piedra. Cuando paseo sobre él, los domingos, por las últimas callejas del pueblo, los hombres del campo, vestidos de limpio y despaciosos, se quedan mirándolos:

- Tien’ asero (Tiene acero)".

Algunha conclusión (ó chou), que non estamos para moita leria:

1.- Non foi unha dictadura senón unha dictablanda.

2.- Franco era a reencarnación humana de Mimosín antes de que existise Mimosín.

3.- Houbo xente que o viviu con normalidade e naturalidade, como a familia Mayor Oreja (Jaime Mayor Oreja dixit en 2007, cun par).

http://www.lavozdegalicia.es/espana/2007/10/14/0003_6226393.htm

Os absurdistas

2011-05-30T18:58:00.005+02:00

by Katangueiro

A nosa sociedade actual non está baseada nun sistema, como adoitan confirmar e reafirmar os diferentes medios transmisores de ideoloxía cos que contamos. Efectivamente, vivimos e padecemos un diasistema, isto é, unha serie de sistemas que entran en relación entre sí, formando un conxunto que non constitúe unha sociedade unitaria (é dicir, un sistema coherente), senon variable (nos aspectos social, político, económico, cultural e xeográfico) e en cambio constante. A crise actual non é unha crise dun sistema, senon a crise global do diasistema, do conxunto do suposto modelo que nos conduciu ata aquí. Tentarei explicalo dun modo sinxelo.

Se estivésemos vivindo unha única crise económico-financeira, tal e como se nos vende, non sería complicado ir recuperando o emprego destruído ao ritmo, canto menos, da recuperación de beneficios por parte de banca, multinacionais e empresas estratéxicas (enerxía, telecomunicacións, ...). Isto non só non está a ocorrer. A actitude fanática de Telefónica pretendendo deixar sen emprego a 8.000 traballadores e traballadoras tras un ano de beneficios récord e primas a directivos que supoñen XA o 25% do gasto total de persoal non se pode explicar apelando simplemente á usura e/ou falta da máis mínima sensibilidade social ou compromiso empresarial destes directivos. Non ten sentido, é absolutamente absurdo, desfacerse dun número tan importante de persoas quen, co seu esforzo, traballo ou dedicación, son ás que se lles deben eses beneficios. Non ten sentido presentarse ante o conxunto de cidadáns tan abertamente enriquecidos e por enriquecer e cunha mensaxe ben clara: a recuperación dos beneficios non vai supoñer máis emprego -de feito pode supoñer menos aínda- polo que toda resistencia, toda esperanza ou toda confianza no "sistema" é fútil. O ludópata precisa xogar máis cando vai perdendo, movido pola ansia de recuperarse, pero ao tempo máis xoga cando máis gaña. Non é un sistema con resultados obxectivos. É unha permanente fuxida cara adiante ata acadar a destrución e o absurdo.

Se estivésemos vivindo unha única crise económico-financeira non se explicaría que o Estado aplicase recortes sociais de toda índole, argumentando falta de liquidez ou insostinibilidade do sistema social, se non fose para adicar TODOS ESTES RECURSOS á creación de emprego. Como tod@s sabedes, os cartos estánse a destinar a axudar indefinidamente ás entidades financeiras, ben sexa a fusionarse, reconvertirse en bancos ou a cubrir as súas operacións especulativas agora en risco, polo que nos son comúns. A maior abundamento da nosa argumentación, os cartos insuflados nas entidades están a servir para liquidar oficinas e destruír máis emprego. Contraditorio, non? Ou absurdo.

Se estivésemos vivindo unha única crise económico-financeira onde a única opción recomendada desde as diferentes institucións públicas e privadas europeas sexa a salvación do euro a toda costa, como entendemos entón as terribles condicións de rescate impostas a estados que, como é xa de facto o caso de Grecia, non serán quen de facerlles fronte provocando que a única opción posible sexa definitivamente a súa saída do euro ou empeñarse ata tal punto que sexan preciso varias xeracións de "empeñados" que, á súa vez, lastrarán as propias posibilidades de recuperación do conxunto da súa economía? Preténdese a mesma estratexia para os casos de Irlanda, Portugal e, nun futuro próximo, España? É por isto que xa hai "informes" que advirten dun posible rescate de España en caso de que Grecia decidise saírse do euro ou deixar de pagar a débeda contraída no seu rescate xa que, de producirense calquera destas situacións, España tería auténticas dificultades para "colocar" os seus bonos? É absurdo.

Se estivésemos vivindo unha crise económico-financeira, como é posible que as grandes decisións macroeconómiocas continúen nas mesmas mans que, coa súa conduta insensata, provocaron este derrube antolóxico das bases sobre as que se viña sustentando o modelo económico capitalista dominante? Se hai dous-tres anos falábase de atar en corto os mercados, como é posible que sexan estes os que nos teñen a todos atados en corto?

Non, queridas amigas e amigos. O diasistema enteiro está en descomposición. As protestas do Magreb, as acampadas en España e, agora, o efecto contaxio en Europa proban que, máis aló de diferenzas importantísimas entre uns lugares e outros, entre unhas sociedades e outras, estase espallando a idea de que isto, efectivamente, non funciona e que as transformacións non poderán chegar da man dun sistema político, o de aquí ou o de alá, que é visto como lastre, como corpo morto que nos arrastra nunha espiral de egoísmo e ambición que nos conduce a todos ao abismo. Así é como é visto pero non como debería ser. O propio sistema cultural no que nos criamos está agora desfasado ante as novas realidades que trae a globalización. Os traballadores de telefónica vítimas do anunciado ERE teñen máis en común con aqueles universitarios e universitarias musulmáns que se prepararon para unha vida mellor, para pilotar o progreso nas súas sociedades e que teñen, a cambio, dificultades para traballar no que menos se paga cando non a imposibilidade absoluta de acceder ao mercado laboral que cos propios directivos de Telefónica aos que fixeron gañar tantos e tantos cartos. Así están as cousas, non é que o diga eu...por desgraza, pero é absurdo.

O sistema social (educación, sanidade, asistencia, dependencia, conciliación...) está tan atacado que pronto deixará de ser un sistema. A privatización daquilo que nos é máis común e necesario é xa unha evidencia. As eleccións celebradas ao longo de Europa toda indican un grave xiro social cara á dereita, favorecendo precisamente a quen máis se sinalou na defensa das bondades do modelo neoliberal dos neocons. A economía diaria está sumida noutra espiral de despropósitos: non hai nin lei nin criterios no mercado. As multinacionais abren e pechan ao seu antollo, destruíndo emprego por capricho. A sociedade, que de estar formada por cidadáns está pasando a ser de consumidores, non achega máis criterio que o da exaltación da novidade. O consumo, ademais, continúa a ser irracional e só atopa freo en canto hai familias completas pasando graves dificultades económicas. O medioambiente non está entre as principais preocupacións nin tan siquera despois do máis grave accidente nuclear da historia. Para colmo, como en "Esperando a Godot", unha parte importante da sociedade suspira polos tempos da burbulla inmobiliaria esquecendo, non sei se propositadamente, que esa é precisamente unha das razóns de atoparnos onde estamos. É absurdo, claro, pero este absurdo resulta dramaticamente máis real que o que nos veñen contando a diario os medios de comunicación maioritarios.

Hai medo, e o medo imposibilita o cambio. Tomarás consciencia? Tomarás partido?

Ai....canta frustracción absurda e cruel!!!!!! (VER ARTIGO EN MARDOORZAN.COM)

Deconstrucións Negreira

2011-05-29T12:43:00.000+02:00

by Manolo en mardoorzan.com

Interpretación libre do programa electoral presentado polo Sr. Negreira Alcalde da cidade da Coruña e vindeiros logros tanxibles e transparentes do seu “Cambio eficaz”.

- Vai rematar co paro en menos do que canta un galo, pois ten unha política de creación de emprego tan ou máis sofisticada e eficiente que a do seu mentor o Sr. “Feixón”(traducido do español).

- Vai pechar e rematar coas grandes áreas comerciais e facer que o pequeno comercio comece a recuperar o esplendor doutros tempos e gañar cartos nun abrir e pechar de ollos.

- Coa súa política de aparcamentos disuasorios, o soterramento de vías, a dupla e tripla fila e a retirada de bolardos vai solucionar o problema do tránsito nun santiamén.

- Ao non haber carril bus e circular por riba desa dupla e triple fila, os autobuses van ver reducidos os seus tempos medios de chegada nunha media hora, como mínimo!

- Os mozos e mozas van deixar de facer botellón porque, agora si, comprenderon que esta práctica é moi prexudicial para a súa saúde.

- O edificio Conde de Fenosa, a reversión polo caso “Lóstrego” e o caso do Parque Ofimático van ser resoltos pola arte do birle o birloque.

- O furado do Parrote vai ser resolto dun modo limpo, non contaminado nin especulativo e procurando o ben para o patrimonio e a cidadanía, e axiña será un mal soño para todos os coruñeses e coruñesas.

- Ao final de ano, coa contratación dos homes do frac, dos homes da gaita…, terá cobrado todos os cartos do morosos do Concello.

- Como se considera un seguidor de Sir Paco Vázquez o urbanismo vai recuperar o esplendor doutrora e os dentes de serra serán só un recordo. A defensa do patrimonio será un eixes cardinal da súa actuación. Os axentes da propiedade inmobiliaria e os promotores que se boten a tremer, porque a protección da legalidade e disciplina urbanística terá un tratamento insubornable.

- Que se preparen os nostálxicos do franquismo porque Millán Astray e demais franquistas serán tratados como se merecen.

- O depor recuperará a vindeira tempada a súa condición de equipo de primeira división, porque a política de creación, cubrición e fomento de espazos deportivos fará que a canteira do Barça sexa só unha nimiedade en comparanza coa nosa. (LER MÁIS)

Música para unha resaca postelectoral

2011-05-26T17:54:00.002+02:00

by Pacotrón

Vistos os resultados na Coruña e vistas as reaccións das diferentes opcións electorais protagónicas, esta é a selección musical antolóxica que vos propoñemos para axudarvos, na medida do imposible, a comprender algo...todo...NADA!!!! (Ollo ás letras!!!!)

En todo caso, non son as que nós cantamos. Son as que nos cantan eles!!!!

A música do PSOE (sobre a marea azul do PP):

A música do PP (celebrando...):

A do BNG (interpretando...):

A de Esquerda Unida (flipando....):

A de Carlos Marcos (que aínda non se presentou a dimisión a si mesmo...):

A de Katanga Koruña (ilusos...):

Msarkadina e as eleccións

2011-05-24T22:14:00.001+02:00

by Msarkadina

Creo que hai xente moi contenta por Coruña toda. Recolleron os seus froitos: catro anos de precampaña, largos, arduos, fatigosos, merecen boa festa. É ben sabido que Javier Losada non tiña o carisma e o savoir faire de Sir Francis, aquel que vendeu a cidade e que tivo que poñer pés en polvorosa por un "quítame allá esa oscura contabilidad". Javier Losada estaba hipotecado e seguiu a estela do seu antecesor. Todo estaba atado e ben atado. Pero cometeu un terrible erro: pactar co BNG. Foi, como se di no eido freudiano, como matar ó pai. Nunca tal fixera. A cantidade de insultos (que non críticas) e desprezos que tivo que soportar foi importante.

Neste catro anos de goberno bipartito, como cidadá, houbo cousas que me agradaron e outras que non me gustaron nada. Penso que se puido ter feito moito mellor pero tiñamos tales vimbios e o cesto fíxose mellor que se puido. Podo e debo criticar, en positivo e en negativo, pero procurando non caer no insulto. Tanto o meu pai como a miña nai ensináronme que berrar máis alto non me ía dar a razón. O tempo é un xuiz inclemente e dá e quita razóns. Tempo ó tempo.

Debo, pois, por educación e civismo, felicitar ó Partido Popular. Aínda que estou nas antípodas da súa ideoloxía e maneira de obrar, gañou as eleccións. Carlos Negrera Castañal será o alcalde os próximos catro anos e espero que traballe pola cidade e non por buscar un lugar baixo o glorioso Sol compostelano, o senhor das Feijõadas. Haiche moitísimo pailán que milita no PP da cidade que despreza a Negrera porque non naceu na Coruña e din que tira máis por Santiago, que "es una aldea". A ver se espabilamos, queridos pailáns urbanitas, que a capitalidade xa non é nosa hai uns trinta anos.

Estamos noutro século e noutra sociedade ben distinta e vós, coa vosa mentalidade fosilizada, aínda suspirades por un individuo execrable como Francisco Vázquez, a reencarnación "socialista" do pufento Alfonso Molina.

ALFONSO MOLINA: No me deis más hostias, por Dios!!! Y no me comparéis más con ese tal Paco Vázquez...él fue mejor...muuuucho mejor!!!!

Pois nada, alegría, alegría! Para que se me entenda ben, en román paladino: a partir de ahora A Coruña será La Curuña again, en Los Rosales de La Coruña tendrán su piscina (unha necesidade básica, na pirámide que deseñou Abraham Maslow), PeñaMuela desparecerá definitivamente (non imos falar do tráfico e consumo de drogas noutras áreas da cidade), en Matogrande no habrá problemas de aparcamiento, la Tercera Ronda será el asombro de todo el Reino de España y los niños coruñeses podrán salir a jugar a la bujaina (como hacía Carlos Negrera en su tierna infancia)sin la vigilancia de sus mamás. Habrá ley, orden y pleno empleo porque sí, por ciencia infusa. Nin falar de plans de participación ou igualdade, que iso está moi superado e xa saben eles que non fai falta.

Mi madriña, que medo!

A moverse!!!!!

2011-05-24T00:39:00.001+02:00

Este é o novo editorial de mardoorzan.com. Asina e comparte!!! Hai que moverse!!!

FAGAMOS ALGO NOVO (de mardoorzan.com)

O forte e simultáneo retroceso electoral de BNG e PSOE nestas eleccións municipais demostra a fondura das súas crises e tamén a incapacidade do BNG para liderar as esquerdas e frear o avance da extrema dereita que hoxe controla o PP. Debúxase claramente no horizonte un ciclo político de hexemonía conservadora e de involución social e económica que corremos o risco de non sermos quen de reverter.

O 22-M veu confirmar que a perda do goberno da Xunta de Galicia non foi diagnosticada nin tratada como cumpría polo nacionalismo, a pesar dos avisos e voces que reclamamos unha reflexión fonda e obrar en consecuencia.

Alén do plebiscito anti-ZP no que en boa medida se converteron estes comicios locais, a mensaxe dada polo electorado galego é que o BNG non representa hoxe o proxecto político da maioría da esquerda galega.

Púxose de manifesto de forma clara e indiscutible que o BNG xa non é quen de atraer o voto de esquerda desencantado polo PSOE, como tiña acontecido desde os anos 90 até a época de Nunca Máis. O Bloque non é capaz de ilusionar á xente como outrora, non é unha alternativa política válida para facer progresar o País. LER MÁIS

A potencia sen control e o control sen potencia: perder algo máis que un goberno

2011-05-23T00:59:00.003+02:00

Perdeuse o goberno progresista da Coruña. Losada, o adalide desa Gran Coruña que con ela che digo moito e nada a un tempo, lévase o gran hostiazo do século. Carril, o novo candidato nacionalista, arroupado pola súa dirección nacional e apoiado pola estrutura-maquinaria da forza maioritaria do BNG, a UPG, perde menos do que podería chegar a perder, mais pérdeo todo. Vaiamos por partes.

Losada pesistiu, e insistiu, en ser novamente candidato. A lousa do vazquismo sempre foi grande nel, pero esforzouse arreo en vender nova xestión baixo a etiqueta de "progresista", mais debeulle o cambio ao novo socio, o BNG encabezado por Tello, quen lavou a cara de non poucas miserias que nos fora deixando o PSOE local nas últimas dúas décadas. A pésima situación do PSOE estatal tampouco o favoreceu. Mañá, cos números máis analisados e revisados, poderase ver cal é a auténtica situación do socialismo local en comparación coa galega e española. Digamos hoxe que pasou da gran Coruña á gran debacle. A potencia sen control.

Carril presentouse, sen embargo, como un candidato de renovación para unha lista que aproveitaba a metade do ata o de agora grupo municipal, a parte menos veterana, pro o certo é que se liquidaba, dun plumazo, e con efectos inmediatos desde hai máis dun ano, aos seus tres tenores (con permiso da tenora) que protagonizaran o ascenso desta formación desde cero, cero patateiro, ata seis cas sete nas dúas últimas ocasións. Queda nos reultados de 1999 e cunha IU que ten xa a metade dos seus votos. Esta vez a lei D'hont fal que co dobre de votos que IU o BNG teña catro veces máis representantes. Claro, o control sen potencia...

Derrotado ata a dor infinita debe estar o señor Carlos Marcos e secuaces-adláteres. Tanto carto destinado a nada. Alguén deberá tirar conclusións disto...ou asumir esas responsabilidades que tan alegremente se solicitan dos demais. O proxecto persoal e personalista deste pequeno salvapatrias naufraga estrepitosamente. Non todo vai ser malo...tan malo. Veremos como se presenta a dimisión a si mesmo?

O PP de Carlos Negreira, Don Carlos o Benfactor e agora redimido en Alcalde Negreira, leva uns réditos inmerecidos. Xa veremos como xestiona sen lama nin inmundicia unha cidade como A Coruña. Non teño esperanza algunha. Imponse a mediocridade máis absoluta. A mediocridade da maioría "natural". A mediocridade do "xestor eficaz".

E sobre o movemento do 15M...eu non vou dicir nada. Que o digan -e pensen, e mediten, e colectivicen, e voten- eles/as.

Mañá máis...ou menos!!!!

Abur, yogur!!!

Nunhas horiñas de nada....

2011-05-22T19:41:00.000+02:00

...Colgaremos aquí as nosas análises...ou colgarannos a nós!!!!

Tamén podes busacarnos en mardoorzan.com e galiciaconfidencial.com

KATANGUEIRO: Uuuuuuuifsssssss....................

Sobre Democracia Real e Acampada Coruña: unhas preguntas desde o cariño....

2011-05-21T12:59:00.004+02:00

by Katangueiro

Puxéronse en contacto con nós diferentes amigos e amigas pedíndonos ou dando opinión sobre o que está a acontecer en diferentes cidades do Estado desde o pasado 15 de maio, incluída entre estas A Coruña Marineda. Expliquémonos pois.

En primeiro lugar temos que dicir ben alto que levamos moito tempo absolutamente fartos do que está a pasar duns anos a esta parte, e moi especialmente estes últimos doce meses. Algo había que facer e algo está, entón, feito. A nosa xente máis moza non ten futuro, como tampouco o tiñamos os mozos e mozas do 93. Un exemplo: dos meus 50 compañeiros e compañeiras de licenciatura non chega a dez os/as que traballan en algo relacionado directamente cos seus estudos superiores. Así, tal cal. Que ninguén dubide que estamos ABSOLUTAMENTE INDIGNADOS, coma vós.

En segundo lugar, debemos xa matizar unha serie de cuestións en boca da xente estes días e que precisan una visión revisada, moi fóra do infantilismo idealista que denomina "revolución" a unha acampada sen consecuencias políticas nin económicas (polo de agora) para ningún dos auténticos responsables da crise financeira que padecemos e sufrimos.

Primeiro matiz: cando comezaron as protestas, a raíz da convocatoria nas redes para concentrarse o domingo 15 de maio, os banqueiros e mercados eran a diana da protesta, xunto cunha clase política rendida aos seus intereses ("seus" dos banqueiros e "seus" dos propios políticos dominantes). Estes últimos días o que se está a transmitir é un absoluto desafecto cunha clase política á que non se quere ver diante nin en pintura, e aquí, aparte de PP e PSOE, tamén se van incluíndo IU, BNG, UPyD, etc...Permitídeme un aviso ou advertencia: cando nunha sociedade calquera se instala, ou axudamos a instalar, a idea de que todos os políticos son iguais acaba beneficiando o voto conservador. Ás probas me remito: eleccións autonómicas galegas, eleccións en Irlanda ou Finlandia, etc...Curiosamente, nunha Alemaña que non padece esta crise e que, por tanto, non se desafectou da súa clase política como aquí, vai gañando terreo a esquerda e o ecoloxismo. Quedou claro???

Segundo matiz: os motivos centrais das protestas son compartidos por nós, pero eu pregunto aos acampados:

Cando se pide que non se vote a PP ou PSOE estase dicindo que é máis democrático, ou a democracia é máis real, se se vota a Unión Coruñesa, UPyD ou Partido Humanista, por citar algúns exemplos?

que facíades hai menos dun ano cando os mercados, as axencias clasificadoras propiedade do capital norteamericano asociado ao dólar, e certos medios de comunicación corruptos acosaban ab España e Portugal para que se rendesen como Grecia e Irlanda e aceptasen un rescate que é unha lousa para o progreso social das próximas décadas???

Onde estábades cando a Unión Europea aproba prestar a Grecia, logo a Irlanda e ultimamente a Portugal miles de millóns de euros a un 6% cando o recibe a un 2%???

Onde estábades cando no Parlamento Español se aproba un millonario fondo de rescate da banca e caixas cando en todo o tempo da crise nunca, insisto, NUNCA chegaron a perder cartos????

Onde estábades cando se asinou a liquidación do sistema -social- de Caixas a conta dun risco de quebra do conxunto que nunca, volvo insistir, NUNCA chegou nin a ser probable no peor dos escenarios????

Onde estábades cando os sindicatos, todos, chamaron á protesta polos recortes en salarios e pensións porque hai que apretarse o cinturón para que as nosas multinacionais continúen repartindo primas, prebendas e indecentes beneficios entre catro señoritos???

Onde estábades cando Nuñez Feijoo gañou con maioría absoluta e comezou a desmontar todo o programa social posto en marcha polo bipartito??? Eran entón todos iguais???

Onde estaba a vosa solidariedade cos nosos veciños portugueses (Oporto está á mesma distancia da Coruña que León) cando a oposición conservadora (o seu PP) impediu aprovar os orzamentos do Estado abocando a Portugal a un rescate criminal en sentido literal???

Onde estábades, en definitiva, cando a xentuza que realmente nos goberna se reúne en hoteis de superluxo e adopta decisións entre risos que afectan gravemente a persoas humildes de todo o mundo???

Se é verdade que todos os políticos son iguais, como moitos de vós transmitides estes días aos medios de comunicación conservadores que están encantados de amplificar o voso movemento, por que, insisto, POR QUE sempre gañan os mesmos????? En España só tiveron maioría absoluta o PSOE de González e o PP de Aznar. En Galicia só o PP de Fraga e, agora, o PP de Núñez Feijoo. Como diría Mourinho: POR QUE, POR QUE, POR QUE?????

Mañá son as eleccións. Xentuza como Dona Espe e Camps van arrasar. A dereita vai subir en datos globais, e moito. Veremos o que dura o espírito de Sol cando todo isto pase.

ÚLTIMA CONSIDERACIÓN: ninguén se estrañou, verdadeiramente, de que o día 16 de maio o conxunto da prensa española tivese xa deseñado, clarificado e difundido a unha vez e voz toda unha serie de etiquetas como "Espíritu de Sol", "Espíritu del 15-M" o "Los Idignados" (en referencia a un ensaio que está tendo un exitazo editorial sen precedentes) e lindezas polo estilo??? É todo tan...casual??????

Son preguntas feitas desde o cariño. A nosa opinión sobre o mundo que nos tocou vivir está recollido nesta humilde canción:

De todas formas, podedes seguir o debate sobre a desvinculación de Democracia Real Ya sobre a acampada da Coruña e o que opina a xente que participa, en maior ou menor medida, nas protestas nesta páxina de Democracia Real Ya-A Coruña.

Abur, yogur. A canción do Ferreiro vai contra os que nos gobernan de verdade.

Mar do Orzán: A Coruña máis xusta e solidaria

2011-05-18T18:35:00.003+02:00

Hai uns días recibimos o convite para formar parte dun novidoso medio de comunicación nacido na Coruña: Mardoorzán. Mellor quedemos directamente coas súas/nosas propias palabras:

"Lanzamos, nestes tempos escuros que vivimos, un medio -ou mellor dito, un contramedio- de información pensado para xenerar sinerxias, inexistentes no conxunto dos actuais mass media. Procuramos unha intercomunicación de dobre sentido que nos permita, a todas as persoas que conformamos esta redacción, como a todas e todos vós, conformar un mínimo paquete informativo e de debate, libre de máis ataduras que as que nós mesmos nos marquemos. Se queres formar parte do noso equipo de colaboradores, ou pretendes tan só deixar constancia da túa opinión nalgún dos temas concretos propostos, faino no formulario de contacto que atoparás no menú principal.

Mardoorzán trata a necesidade de tomar postura e actuar, de concienciármonos e espertar, pois aínda hai esperanza, hai solucións. Unha cidadanía informada e responsable pode impedir os atropelos. Todos cun mesmo rumbo, cun obxectivo claro: defender a dignidade, a democracia e o ben común. Chegou o momento. O primeiro paso é REACCIONAR.

Desta maneira, comezamos unha andaina que pretende non deixarnos pasivos, atorados, inmóbiles, inertes nin indiferentes diante do mundo tal e como nolo están construíndo os grandes detentadores do poder e das riquezas. Tamén somos seguidores do lema «actúa localmente e pensa globalmente». Defendemos o noso dereito a estar e actuar desde a nosa cidade, comarca, país e mundo".

Todas as persoas directamente relacionadas con este espazo katangueiro que algúns/nhas de vós teimades en seguir apoiamos este novo proxecto e daremos o máximo de nós para que poida convertirse nalgún referente diferente, distanciado da realidade que se nos impón cada día, cada hora, cada minuto e cada segundo. Agora. Agora tamén. E máis despois.

O noso artigo de portada trata, como non podería ser doutra maneira, da figura de Lois Pereiro desde o espírito de quen nin sabía que estaba alí. E digo que non podería ser doutra maneira non tanto por adicárselle este ano o Día das latras galegas, se non porque, sobre todo, foi un dos nosos. Foi un katangueiro. Aquí tedes a nosa reacción cando se coñeceu o protagonista deste ano:

Katanga Koruña
Un dos nosos!!!!!!!!!!!!!

El Día das Letras, para Lois Pereiro, poeta punk · ELPAÍS.com

www.elpais.com

‎"Hemos tomado un acuerdo que tendrá una gran repercusión", anunció el presidente de la Real Academia Galega (RAG), Xosé Luís Méndez Ferrín, antes de desvelar que el homenajeado el Día das Letras Galegas de 2011 será el poeta Lois Pereiro. En efecto, Pereiro (nacido en 1958 en Monforte de Lemos y mue...

En fin, que xa tedes outro sitio para mirar....abur, yogur!!!!!

Sexo soviético (adicado a Lois Pereiro)

2011-05-17T12:03:00.000+02:00

by Blog Katanga Koruña, adicado a Lois Pereiro no seu Día das letras galegas

A última vez que vin ao Naranjito -aquela mascota cítrica que protagonizara o mundial de fútbol de España 82- foi en Miño, no últimos estertores do verán de 1989. Uns amigos quedáramos a pasar a fin de semana nunha casa familiar desa localidade costeira, equidistante entre A Coruña e Ferrol. Compráramos algunhas botellas de licores brancos e varios refrescos e subimos a un monte próximo desde o que divisábamos a vila de Sada. No primeiro envite que lle larguei ao cubata sentín unhas nauseas terribles e repentinas que me levaron ao desaloxo inmediato estomacal, aínda antes de ter rematado medio vaso de tubo. Os meus amigos quedaran tan abraiados ante a miña reacción que deseguido procuraron unha linterna que dese luz e taquígrafos a todo aquel desmadre alimentario, así de espabilados que eran. Entre arcadas e bilis apenas atinei a divisar entre a herba o bote de Fanta de laranxa que acababa de servirme xunto co Vodka. Naquela noite fuxidía, naquel espazo atlántico que mira sempre ao oeste, brillou como nunca antes o fixera unha oxidada imaxe redonda e alaranxada como laranxa era o sabor do refresco. A tal lata caducara había seis anos. A derradeira putada da mascota. O fin, tamén, de toda unha época para min.

Tres anos antes, en 1986, a televisión estaba ben chea de homes enchaquetados, acenos afectados e garabatas imposibles. Tanto tiña que fosen os Carrillo, González, Suárez, Fraga –cando espertou o líder da dereita, aínda estaba alí- ou Cabanillas, Don Pío, pero a rúa, a nosa rúa, estaba ateigada de ledicia e insumisión estética. Os meus colegas rockers, os meus colegas jevirulos, os meus colegas punkarras ou os meus colegas mods e/ou neomods coincidíamos ben na Cidade Vella, ben nos cais do Porto, especialmente aqueles días que atracaba algún buque soviético cargado de rapazolos ansiosos por cambiar o seu alucinante tabaco de longo filtro acartonado en troco de calquera cousa occidental que levásemos enriba. O Porto era un bo lugar para min. Alí quedaba, as máis das veces, para compartir cos amigos aquel viño COES tan barato e estimulante, e outras, desgrazadamente as menos, para esconderme con M.J.D.F. por entre os almacéns que atopabas á altura da Palloza, lonxe de toda mirada que non fose a nosa. Iso cando non había cartos para o cine. Lembro ter comprado entradas para ver as peores obras cinematográficas do mundo e lembro ter acariciado cunha mistura de ansia e temor os grandes peitos mozos de M.J. pero o que non lembro son as propias películas que supostamente fomos ver.

Chegado aquel mesmo agosto, acudín xunto coa miña irmá á primeira edición do Noroeste Pop-Rock da Coruña, celebrada no Palacio dos Deportes de Riazor. Fomos xuntos pero non revoltos, que non era o caso dar a imaxe de sermos parella. Encantounos Viuda Gómez e flipamos cuns tipos que sacaron a bandeira de Suecia, pano co que aseguraron sentirse absolutamente identificados (?). O nome: Método Sueco. Claro. Logo pasaron os Glutamato, con esa estética tan nazi, Resentidos, Siniestro, Burning, Objetivo Birmania (puagh)...un mogollón da hostia para dous menores sen cartos. Xa de madugada, contra as tres ou catro da mañá, subiu ao escenario un tipo algo espigado de tez branquecina. Chamábanlle o Pereiro e cantaba en Radio Océano. “Son tan atlantico que teño gripe en agosto”, dixo, e comezaron a tocar. As cancións que máis me gustaban eran "Sexo Soviético" –sexo soviético, polvo quinquénico- e "Narcisismo", esta última con letra de Lois Pereiro:

Sigo os pasos do meu sangue no meu corpo

e coa unlla do meu dedo mais firme

abro un sulco vermello en media lua

na vea que me acolle tan azul

Narcisismo, narcisismo, narcisismo, narcisismo.....

A transición era miña e Lois Pereiro estaba alí. Feliz Día das nosas letras, señor Lois...señores Pereiro.

Excuscuscusas

2011-05-16T11:01:00.002+02:00

by Katangueiro...por encargo

O luns anterior a calquera proceso electoral é o día da Santa Excuscuscusa. Toda unha tradición que, ademais, se vén acompañada dunha nova edición do Festival de Eurovisión acada cotas extremas de simpatía e bo humor. Buen rollito, que dicía Amparanoia....Analicemos.

A Voz de Galicia, diario regional que navega na longuísima tradición galaica de habitar entre o conservadurismo liberal e o liberalismo conservador, saca unhas enquisas -as súas, as de Sondaxe- para as principais poboacións de Galicia que son para mexar e non botar gota: que igual que che digo unha cousa, dígoche a contraria. Que o PP gañaría en seis cidades ou perdería en todas. Que o bipartito aguantaría en todas as cidades ou non aguantaría en ningunha. Que o BNG baixa pero a ver, ou que se mantén pero a ver...Que para outsiders Ferrol -todo un sorpresón, non?- e para o resto: calma chicha se non arrecia temporal. No caso coruñés, PP 13, PSOE 10 e BNG 4, pero pode fluctuar, variar e mesmo cambiar. En definitiva, excuscuscusas de mal pagador...ou de mal pagado.

A enquisa da Opinión para a nosa cidade katanguista éche moi diferente, polo menos para algúns. PSOE 12, PP 10, BNG 4 e IU 1. Aquí xa se mollan máis. Moito máis. Ata a cintura!!!!

As diferentes valoracións que os candidatos fan destas dúas proxeccións non son, tampouco, moco de pavo. A ver, a ver, a ver. Garantizamos comedia humana.

Losada apela ao voto masivo (?) de todos os que o apoiaron...antes (?). Isto para responder aos mellorables pronósticos da Voz. Na Opinión, sen embargo, anima a eses mesmos votantes, que xa dá por certos, a non confiarse. Ben. Moi acaído.

Negreira di na Voz que todos os coruñeses e coruñesas percibimos o final dun ciclo, e que iso vén demostrado na enquisiña de Sondaxe. Na Opinión, onde non veñen tan maduras, tira de estereotipo e reclama aquilo de que a mellor enquisa é a rúa e tal, e tal e pascual. No seu xusto punto.

Carril (BNG) non valora nin un nin outra enquisa. "Non valoramos inquéritos deste tipo", aseguran desde A Coruña. Desde a dirección nacional si valoran os resultados globais: "Estamos indo a máis", aseguran, "en simpatía e aceptación". Cojonudo. Contra enquisas á galega, valoracións á galega...e non podo seguir lendo máis....

Carlos Marcos (Unión Coruñesa) responde igualmente tanto a unha como a outra. Prefire crer nos "más de ocho mil coruñeses" que lles pediron en persoa a papeleta. Coruñeses de palabra, eles. Caballero del honor, el. Normal. Ningunha enquisa lle dá nada pese a todo ese dispendio...Nós, con eses cartos e catro katanguistas...ollo ao piollo!!!!

César Santiso (IU) quéixase na Voz de que sempre lle dan menos do que logo saca. Non entendo o argumento. A Voz sempre lle dá cero e logo saca efectivamente cero. Síntoo, de verdade, pero é así. Ai, pero como na Opinión pintan ouros, "estamos consiguiendo movilizar (?) el voto que se iba a quedar en casa". A ver para quen o mobilizan....

Corcoba (CORCOBA) non aparece nin nas enquisas nin opinando. Coñezo unha persoa que XA votou por Corcoba hai unha semana. A razón hai que atopala en que foi das primeiras persoas en solicitar o voto por correo, onde esta papeleta agora inválida figuraba no pack electoral que recibías, daquela, na casa. Eu xa lle recomendei denuncialo por fraude. Agora mesmo, tal e como está esa cousa, o seu voto vai ser inxustamente declarado nulo. POR CERTÍSIMO: tanto falar dos demais, pero o señor Corcoba debería pagar do seu peto o gasto que as súas ocorrencias nos ocasionaron a todos e todas. Ala joder xa.

Fóra do espectro (fantasma, ectoplasma, aparición...) electoral, non son tampouco inestimables as escusas da nosa cantante do Incio ante o resultado patético acadado cun tema musical patético na pasada edición de Eurovisión: vomita ou rebenta....Que se os veciños do norte se votan entre eles (España levou 12 puntacos de Francia e 12 da intervida Portugal) e a nós non ata o tan manido pero eficaz "participar es el plus y la posición lo secundario". Ai...que me rompo e parto....Xusto xustiño ao contrario de Corcoba, para quen o resultado é o plus e participar secundario!!!!!

E xa por último, que non derradeiro, está o do FMI. O seu director acusado de abusos sexuais e xa non é a primeira. Nesta ocasión, a vítima é unha camareira de Hotel que nin en toda a súa vida currelando vai gañar o que este home gaña en tres meses...Veremos en que queda ao final a denuncia, pero este monetarísimo organismo internacional, tan pero tan estrito cos demais no pasado cercano e no presente inmediato, pide cautela. Vale bien. Na outra beira da rúa, diversos individuos e colectivos antisistema convocaron onte unha manifa contra os políticos e a súa forma de xestionar a crise. Tamén contra os banqueiros. A afluencia a estes actos foi menor que a de calquera estadio de fútbol....de SEGUNDA DIVISIÓN. Eu tamén protesto, pero non vos digo contra quen, que queda mal.

"Ummmmmmm...es bueno ser director del FMI..."

Abur, yogur!!!!

O Partido Copular ou agora entendo a CORCOBA!!!

2011-05-11T10:38:00.006+02:00

by Pacotrón

Madre del amor hermoso!!!!!!

O Partido Popular da Coruña, dirixido por Don Carlos Negreira "O Benefactor" -tamén coñecido como "O Protohombre" ou "O Coruñés de pro"- vén de transmutarse, por arte de birli-birloque (ese barrio) en Partido Copular...o cal, dito sexa de paso, xenerou en nós grandísima e humidísima satisfacción.

Como podedes comprobar na imaxe que vos propoñemos ao comezo do texto, o plan de propostas de ocio a cuberto deste preclaro e españolísimo líder conservador contempla estender a "cubrición" como forma de lecer, tanto para nenos e nenas nos seus parques infantís, como para toda a familia no conxunto das instalacións deportivas dos barrios. Supoño que a estas alturas teredes advertido que o significado ÚNICO E ININTERPRETABLE da palabra "cubrición" en español, segundo a RAE ou o dicionario VOX é a seguinte:

RAE:

Cubrición.

1. f. Acción y efecto de cubrir (el macho a la hembra).

VOX:

Cubrición.

f. Acción y efecto de cubrir el animal macho a la hembra.

Non sei se xa volo dixera pero...encántame este home!!!!!!!!! Agora xa sabedes porque Corcoba pedirá o voto para o Partido Copular, digo, Popular.....

DON CARLOS: Je je je je je......(que no me pregunten por la cubrición...que no me pregunten por la cubrición, por Dios!!!)

Aburete, iogurete.....

Política outlet: quererás ser katangueiro

2011-05-08T13:27:00.144+02:00

Pídennos desde a Opinión de A Coruña, máis concretamente Víctor Lamela, administrador do blog Un Coruñés Indeciso que se vai centrar nestas próximas dúas semanas nas eleccións municipais, un artigo-post-comentario-crónica-referencia e/ou escueta esquela sobre a campaña electoral coruñesa no que se poida medianamente referir a este espazo urbano no que convivimos -en maior ou menor medida- e que se chama Katanga. Intro.

Debemos, ante todo, matizar que o noso espazo virtual non che vos ten moito que ver cos blogs barriais ao uso que coexisten pola gran gran gran Coruña adiante. Os máis comúns deles practican información cavernícola, no sentido non pexorativo da palabra. Explícome: a actualidade, o que é considerado de interese, parte unicamente do que ocorre ou pode ocorrer dentro desa caverna urbana. As sombras que a realidade externa e complexa proxecta no seu interior son entendidas apenas como anacos da mediocre historia que nos tocou sufrir, anécdotas para encher un espazo de zapeo navideño ou antoloxía do disparate mediático vendida como anuario. Nós non. O noso mundo non é o noso barrio. O noso mundo é aquí visto desde nós. Chamámonos insurrectos porque somos intrépidos, quizais atrevidos, como a ignorancia, pero somos katangueiros porque nos resistimos a habitar a covacha húmida que se nos ofrece. É por isto que os nosos amigos e amigas son especiais. Todos e cada un deles/as. Preferimos a dor da luz, esa dor, antes que o agarimo da escuridade, por moi acolledora que esta sexa. Non esperedes, pois, unha croniquilla máis ou menos desafortunada sobre o que os diferentes partidos políticos prometen facer por nós e pola mellora da nosa contorna. Somos nós os que prometemos traballar por uns partidos políticos mellores e un mundo-contorna máis humano e habitable. Así de chulos. Así de ilusos. Así de inconscientes. Insert coin.

Quen siga esta katanga-koruña terá claro a estas alturas que nós apostamos, máis que por políticos, por políticas. Políticas públicas, of course, xa que a privatización destas trae só sacrificios no servizo que se debe prestar en aras da rendabilidade que uns señores decidan máis acaída aos seus intereses. A Europa raptada que cohabitamos privatizou aqueles servizos e infraestruturas que nos son máis necesarios e que nos garantían máis beneficios, tamén económicos. A enerxía, as telecomunicacións, as autoestradas, por citar algunhas, están hoxe en mans de piratas e bucaneiros, cando non de mercenarios. Por iso, porque o pobo xa non ordena, cando imos ao paro varios millóns de entre nós, aquí non pasa nada que non siga o guión da disputa partidista á hora do telexornal de prime-time. Cando, por contra, esbirra un Florentino, un Amancio, un Méndez, un Gayoso ou calquera patético remedo de pseudo-Mario Conde reconvertido en chulapo de feria de abril, enterámonos todos pero ben enteradiños, que para algo eles son crentes e nós paganos. O caso das entidades financeiras, por ser tan manido, non é menos demostrativo de que hai cousas, as que non teñen recambio, que non deben estar en mans privadas. E punto. Pero así están os patios traseiro e frontal da nosa casa, e moito nos tememos que a política municipal pouca cousa pode facer ao respecto. Non pidamos, pois, peras á maceira e midamos, na súa axustada medida, que clase de froito nos ofrecen estes e estas contendentes, aspirantes a munícipes coruños e katanguistas, tamén, de pro. Insert coin.

O socialismo coruñés vén de gobernar esta cidade desde 1983, de cando o Naranjito xacía, afortunadamente para os espíritos sensibles, soterrado e comido polos vermes. As súas políticas modernizadoras deron remate en canto alguén, con moito mando en praza, sustituíu a política polo interese. Así, de Alcalde descendeu a cocho e chegou a marrán, parafraseando con satánico rebobinado a Risco. Nestes últimos catro anos, condicionado este progresismo denominado socialista polos novos socios bloqueiros, sorpréndenos comprobar como si que había políticas sociais, de mobilidade, medioambientais ou de modelo urbanístico menos insostible para sacar adiante. "La vida te da sorpresas", que dicía Pedro Navaja. E as sacaron. As políticas. Insert coin.

O conservadurismo marinedo non adoece, en absoluto, de variedade e pintoresquismo. Desde a clásica aposta polo Partido Popular encabezado por Carlos Negreira ata o sorprendente Corcoba, antano lider popular e reconvertido agora en político local que pide o voto para o Partido Popular, pasando por Carlos Marcos, "que fue paloma al querer ser gavilán". Vaiamos por partes. Reset.

A primeira vez que vimos a Negreira por Katanga foi hai algo menos dun lustro. Viña en plan presentation, ben acompañado por militantes populares. Paseaba, ou máis ben pasaba polo barrio, camiño do Ventorrillo, e levaba un homiño pechando o grupo que regalaba mecheiros ataviado cun gorrecho dos que puxera de moda Talleres Gayolo. Aquel foi o culmen da proposta política de Don Carlos. De aí, todo foi en descenso. Enlamou de tal forma a política municipal que acabou por pringar a todos. A súa bizarra estratexia política continuará goberne ou non, xa que dá evidentes resultados entre a súa masa votante, desmobilizando á súa vez aos contrincantes. Sobre Corcoba, despois do que vos acabo de adiantar, non che nos queda moito máis que dicir. En plena campaña polo Tratado Cosnstitucional Europeo recoñeceu que non era tan malo votar en contra, de igual forma que el votara en contra da Constitución Española no seu momento. Un crack que se perdeu esta cidade. Non podemos nin imaxinar o que pensarían as persoas que o acompañan na lista, e que o acompañaron hai catro anos, cando esta mañá escoitaron pola súa propia boca que pedirá o voto para o Partido Popular. Carlos Marcos, por outra parte, é o candidato local con máis orzamento para (mal)gastar nestas eleccións con diferencia demoledora. Hai catro anos o seu careto cubría a fachada toda dun edificio en obras na Praza de Pontevedra. Este ano ocorre o mesmo en Juan Flórez. Ben sabe este home onde pedir o voto!!!! Abarrota cos seus concertos melódicos para nostálxicos. Este ano, Fórmula V e Pablo Abraira. Demasiao pa mi body. Calquera destes tres candidatos trae á miña memoria aquela canción que comeza: "¿Alguna vez has sido fiel a tus principios más que a tu instinto animal?". Insert coin.

O Benegá, socio menor deste goberno municipal que remata agora -e debemos de ser absolutamente sinceros en que de sempre foi a opción preferente na nosa mesa de redacción- descubriunos que existían as políticas de rehabilitación, igualdade, mocidade ou deportes. Vimos que se podía facer outra cultura e que se podía ser eficaz, máis que outras administracións involucradas, nas políticas de promoción económica e emprego. Compartimos no pasado a angustia de vivir na cova e, intrépidamente, decidimos abandonala na procura da luz, non sen antes padecer dor, sacrificios e tristezas. Tamén ledicias. Un día alguén, farto de luz, puxo unha gafas escuras, vendoulle os ollos a todos e berrou "todos para dentro!!!". A ver se algún día volven saír. A ver se algún día volven ATREVERSE a saír. Inser coin.

De Esquerda Unida só podemos dicir que calquera día aparecen en "Callejeros", ben sexa esquivando pelouradas nos arredores dunhas infravivendas, ben sexa denunciando fochancas. Son unha opción política necesaria, mellor dito, debería ser unha opción política necesaria. Entre tanto, quédalles moi acaída aquela canción de NOC que di: "Remiendos hechos de cartón, dando palos de ciego sin ton ni son, eras tú".

E do resto, destacar apenas a lista que pide a supresión das touradas (corridas de touros) na nosa cidade...ou era na Galiza?... non sei. Insert coin.

En fin, delfín, que visto o panorama...debimos ternos presentado!!!!

Saúdos de Katangueiro, Pacotrón e, só por esta vez, a Katangueira. Exit.

KATANGUEIRO: Ala...rematei de encerellar o que me mandaros estes dous berracos...agora vou a...zzzzzzzzzzzzzz.......

Os timadores

2011-04-20T09:43:00.001+02:00

by Katangueiro

Moitos son os timadores, e moitos son os timos, que pululan ao noso redor con desatino e, mesmo, certa chulería implícita. E que conste que non falamos nin de Toni Leblanc nin de Antonio Ozores nin de Conchita Velasco....eses eran tramposos. Vexamos pois.

Timadores telefónicos: xa sabedes. Beneficios récord, reparto de pastelitos entre directivos e veña despidos....Ata o Dire Xeral de Cocacola chamoulles a atención...pero iso é outro timo.....

Timadores escandinavos: corre que voa por toda escandinavia a idea de que os países do sur -ou sexa, nós- chuchamos dos tetos do norte para pagarnos festuquis e saraos....Algo diso pode haber, non digo que non -véxase a cidade morta da culturilla-, pero o que esquwecen é que esas axudas que nos dan e que agora tanto lles doen serviron para liquidar literalmente unha serie de sectores produtivos de aquí para que non sufrisen os sectores produtivos dos nenés ricachos dalá. O mesmo timo que o da recadación dos impostos. A refinería coruñesa liquida en Madrid. "Non importa", din os chulapos, "todo queda na casa. Logo desde Madrid pasámosvos os cartos que necesitedes!!!". Mentira e mentira. E para colmo presumen de manternos. Pobriños de nós!!!!!

Timadores financeiros: as Caixas, que sempre gañaron cartos durante esta crise (?), pretenden prexubilar a 11.000 traballadores e traballadoras a conta dos orzamentos públicos do INEM. Mentras tanto, noutro lugar de Europa, o Comisario Europeo da (In)competencia, o epañó Juaquín Almunia, prevé máis axudas públicas aos bancos.....Debería ser delito dedicar axudas públicas a quen máis ten en detrimento dos máis desfavorecidos. Insisto, debería ser delito penal!!!!!

Timadores preocupados: non me creo en absoluto a saída de ton do directivo de Cocacola chamando a atención publicamente a Telefónica por forrarse a conta nosa, comerse mercados internacionais a conta de suculentísimas ofertas para, agora que teñen beneficios bestiais, repartirse o pastel e largar á rúa aos que lle proporcionaron ese cash. Non mo creo, ou polo menos non me creo a inocencia da difusión deste comentario.....

Timadores secuestradores: imaxinádevos que sodes secuestrados por uns maleantes, que vos meten nun zulo e piden un millón de euros de rescate. Imaxinádevos que chegan uns señores alemáns e libéranvos. Ledicia, ledicia infinita!!!!!! Error, error.....agora o zulo é aínda máis infecto e piden por soltarte tres millóns de euros. Deus nos libre dos salvaestados!!!!!

Timadores de andar por casa: as mellores zonas comerciais da Coruña ( e de Madrid, Barcelona, Valencia, Bilbao, Vigo, Segovia, Valladolid, etc...) son aquelas onde non existe o tránsito rodado en absoluto ou este está moi reducido e condicionado, pero aquí, nesta cidade marineda, hai quen insiste en culpar da caída de vendas aos bolardos e o carril bus. Queren que se poida e/ou permita o aparcamento en doble fila ou montar o buga nas beirarrúas....Xa falamos disto e non vou estenderme. O que non nos explican é se é por culpa deses bolardos que a peña acude en masa a Marineda City, pasando atascos incribles, maratóns de escaparatismo e masas inflamadas en consumismo desenfreado....

Timadores clasificadores: a última de hoxe. As clasificadoras pretenden indicarnos a solvencia dun Estado ou país, pero o certo é que son entidades privadas con intereses accionariais especulativos. O seu capital é maioritariamente norteamericano, isto é, está formado por dólares e máis dólares. Cal é a moeda máis castigada nas transaccións internacionais desde que apareceu o euro? Quen ataca aos estados "débilies" parta así atacar directamente ao euro? Que Estado centroeuropeo está a forrarse a conta das desgrazas de media europa??? Quen? Quen?

Parafraseando a Einstein, non sei como será, ou sequera se existirá, o III Reich, pero si sei como será o IV...económico.

Basta por hoxe. Basta.

CONCHITA VELASCO: Mira por donde por allí se mueve un chulapo de Telefónica....Estos, estos si que saben de timos, y no el arrastrao de mi novio...A ver si le saco el número de móvil o me regala un e-book.....

Renovación e cambio de pavimento en Katanga!!!! Buá, neno!!!!

2011-04-08T14:48:00.000+02:00

by Katangueiro

Nesta imaxe da rúa Mosteiro de Sobrado tomada ao atardecer desde a esquina da rúa Mosteiro de Bergondo amosa os cambios que se están acometendo no pavimento do noso barrio. A apariencia é manifestamente mellor, a mobilidade tamén gaña enteiros. As esquinas impiden o aparcamento nelas, como viña sendo historicamente habitual. A parte que linda co Centro Boandanza e a Parroquia tamén foi ancheada, imaxinamos que para a tender as aglomeracións de xente que alí se producen coincidindo coas diferentes entradas e saídas a ambos os dous centros.

A pregunta que me fan os/as katangueiros: onde aparcamos agora?????

Eu non teño resposta. Por iso valoro moi moito vivir nun piso con praza de garaxe fronte a vivir nun piso sen praza de garaxe. Non todo o mundo mira iso. En todo caso, amiguetes, acaso nunha cidade europea moderna debe primar o vehículo ante a persoa????

Respondan, respondan....

Galegos coma ti

2011-04-01T19:01:00.002+02:00

by Pacotrón

El pensador repensado. Anónimo. Colección da Baronesa de Pitiminí. Escola vallisoletana. Século XIX.

Que teima che nos ten a dereita esteparia -o conservadurismo centralista, mesetario e castellano no sentido pexorativo da palabra- coas acepcións da palabra "galego" en todas as súas variantes de número e xénero. Ao final vai ter razón o mei colega ferrolán e á peña vaille máis a marcha que outra cousa. Explícome.

No que vai de século XXI ningunha comunidade española, autonomía ou región, tivo que soportar comentarios tan desagradables como os que nos dirixiron destacados líderes políticos. Rosa Díez supuraba esquizofrenia xenófoba, ela precisamente, contra os galegos nas súas opinións a respecto do Presidente, o señor Zapatero, e do líder do PP o señor Rajoy. Tanto aguantarlle a chapa de ETA e dos "vascos y las vascas", que é do que vive esta señora, e agora resulta que o que de verdade a anoxa é "los gallegos y las gallegas", ou, como diría Don Manuel, "lo gallego, y punto".

O señor Montilla definiu o traballo parlamentario de CIU como propio de galegos, que non se sabe se suben ou baixan. Pero canto tempo teremos que seguir explicando que o galego si que o sabe, que o que non sabe é o que pregunta!!!!!! (Arsenio dixit). Que vergoña, todo un presidente de Cataluña!!!!!!

Pero agora, a espectacular irrupción do ex-Presidente Aznar no debate supuxo un salto cualitativo e cuantitativo no (suposto) menosprezo. Resulta que para este imperialista fracasado o seu candidato a Presidente, o señor Rajoy, tenlle de problema para ser GALEGO!!!!! Discrepo, discrepo, discrepo, discrepo!!!!!!!

Para comezar, quitado o de nacido en Pontevedra, non teño eu moi clara a galeguidade de monsieur Rajoy. E de segundas, de ser absolutamente galego, cen por cen folclor regional, tampouco lle vexo eu a pega. Máis ben ao contrario. Todo un beneficio ser galego na política española, non crean.....

Galego é Manuel Fraga, fundador do partido onde militan estes señoritos, o Partido Popular, o gran partido do conservadurismo español democrático (cando menos de facto, se non de acto...), como galego era Pablo Iglesias, fundador do Partido Socialista Obrero Español, a formación política que máis eleccións democráticas gañou na historia e que, por tanto, máis tempo gobernou. Por se non chegaba, xa antes fundara a UGT.

Galego era, bastante, o falecido ex-Presidente Calvo Sotelo, quen descansa en paz en Ribadeo, a petición expresa do defunto. Galegos eran a metade dos políticos que un día fundaron a UCD, un partido imprescindible para entender a transición do franquismo á democracia burguesa.

Galego era tamén Francisco Franco, persoeiro que aínda escoce entre as hostes dereitosas por tanto non se dan aclarado á hora de desprenderse totalmente do seu legado. Lembren as agarimosas palabras de Don Jaime Mayor Oreja, outro vasco y vasca preocupadísimo pola lacra de ETA. "Hubo muchas familias que lo vivieron con naturalidad y normalidad", comentaba daquela. NON TE JODE!!!! E tamén con ledicia, verdade Don Jaime?????

Pois mire, señorito Aznar, que os galegos sonche moi perigosos na política española. Os dous partidos con opcións de gobernar a día de hoxe este Estado foron fundados por galegos, e non semella que isto cambie. Galego é entón Rajoy, e tamén o señor Blanco, que tanta acidez provoca nos comentadores da TDT ultramontana. E galegos seguirán sendo. E os de Fachadolid, como vostede, a chupar. A chupar roda, claro. E cala que non fosen galegos os etruscos, os faraóns de Exipto ou os vikingos que descubriron América........

AZNAR PENSANDO: Es que es gallego. Mariano es gallego. Y creo que ya lo sabe....mmmmmmmmm

RAJOY PENSANDO: No se si subirme o bajarme....claro, como soy gallego!!!! Bah, ya lo decidiré mañana.....

Joder, que tropa.....

De algo hai que morrer....

2011-03-20T13:22:00.003+01:00

by Pacotrón, adicado a todas as vítimas estean onde estean....

De algo hai que morrer...din as veciñas e veciños das centrais nucleares españolas.

De algo hai que morrer...din as familias con fillos menores que por alí pululan cando se lles advirte de tantas veces máis probabilidades de contraer cancro infantil.

De algo hai que morrer...din as e os traballadores destas centrais cando escoitan falar de posibles e futuros peches de centrais.

De algo hai que morrer...dirá Gadafi aos seus seguidores antes a ameazar aos "cruzados" (cruzados de brazos??? ) occidentais con sangue, lume e ira.

De algo hai que morrer...dirán as multinacionais europeas e norteamericanas aos milleiros de nenas e nenos que morren de fame e enfermidade cada semana en países con incribles recurosos naturais, enerxéticos e mineiros.

De algo hai que morrer...dirán os familiares dos criminais fascistas españois ante as peticións de exhumación das persoas por aqueles fusiladas.

De algo hai que morrer...dirán os fachendosos directivos bancarios salvados eles mesmos e o seu inmenso patrimonio por todos nós cando unha familia necesitada -necesitadísima- acuda a pedirlles un crédito, que non vén sendo máis que pedir algo máis de tempo.

De algo hai que morrer...dirán os aliados ás vítimas de Yemen que, seica, non merecen protección como si a merecen as de Libia.

De algo hai que morrer...si.....pero non agora. Agora aínda non......

VECIÑO DE GAROÑA: Que no, que ya os lo he dicho más de mil veces...que aquí estamos seguros nosotros y nuestros hijos...A dónde iríamos a parar si renunciásemos a nuestra seguridad presente y futura a cambio de cuantiosísimos beneficios económicos momentáneos, ¿no?...

No día de mañá.....

2011-03-14T13:29:00.003+01:00

by Katangueiro

Dun tempo a esta parte teredes advertido a cantidade de tertulianos/as que elucubran polas diferentes canles da tdt española. Hai de todo, como en botica, pero, sobre todo, haiche moito catetismo emanado desde a capital madrileña. Non quero dicir con isto que ser de Madrid implique certo grao de inmadurez política intrínseca, snobismo pegañento rancio, retórica alcanforada e/ou estética engominada achulapada. Por unha banda, non poucos destes tertulianos non proceden da capital do Estado katanguista. Non señor. Por outra parte, a adopción de certas actitudes e portes que desde a nosa periferia resultan chocantes por protofranquistas semella unha decisión absolutamente voluntaria por parte de toda esta camandulería que inunda a día de hoxe as ondas dixitais.

Hai quen presupón a toda esta ralea a soldo de grandes multinacionais enerxéticas, entidades suprabancarias ou mesmo forzas políticas con importantísima implantación estatal no abano das opcións electorais conservadoras. Pacotrón pensa así, pero eu non.

Eu son dos que opina que, con estes personaxes, non é preciso nin subornos, nin promesas nin comisións. Eles e elas bástanse soíños para reproducir como altofalantes todo tipo de consignas neocons, neoliberais ou neofascistoides. Xogan, iso si, con varias vantaxes. Por unha banda, aliñarse con certas consignas beneficia, máis cedo ou máis tarde, ás aspiracións tertulianas dunhas persoas que amosan de continuo a súa falta máis mínima de preparación profesional. Froito disto podemos comprobar como cada novo convidado a unha destas tertulias procura, na medida do posible, superar en inmundicia os comentarios xa emitidos anteriormente por xentes en nómina permanente da canle en cuestión. Hai que destacar.

A outra vantaxe que lles advirto é a propia das persoas absolutamente ignorantes das cuestións a tratar, xa que ao falar para un público á súa vez ignorante, poden permitirse o luxo de emitir calquera exabrupto e quedar como se nada. Un exemplo vivo disto é cando se empeñaron nunha campaña contra o idioma galego. Supostos tertulianos que presumían de "contactos muy fiables" na nosa terra aseguraban, sen rubor, que en Galicia perseguíamos aos casteláns falantes. Pouco menos que a gorrazos polas rúas. Toda unha historieta de medo e noxo no rompeolas de todas las españas.

Pois igual que falan da catarse nacional-socialista que vivimos na Xunta durante a época do bipartito, tamén defenden e propoñen dar un paso definitivo e pasarnos, así, de golpe e porrazo, á puta enerxía nuclear para darlles nos morros aos "moros esos que tienen el petróleo". Na súa opinión, as enerxías renovables non sirven. De nada vale que se saiba que, por exemplo, só coa enerxía das mareas Galicia podería ser autosuficiente. Pamplinas. En Madrid non hai mareas. Ou que coa eólica poderíamos ser capaces de servir ás necesidades totais do Estado. Chorradas, en Madrid non hai vento.

Agora ben, coa terrible desgraza provocada en Xapón por un terremoto ocorrido en alta mar e que xenerou unha onda mariña de dez metros de alto, e as consecuencias aínda non valoradas da catástrofe nuclear ás que se enfronta Xapón e, por extensión, o noso mundo enteiro, tardaremos en ver a estes personaxes defender a seguridade e limpeza desta fonte de enerxía. A súa cobardía é tal que mesmo renegarán de ter sido os seus máximos defensores, toda vez que esta defensa agradaba ás grandísimas e millonarísimas empresas enerxéticas españolas.

Eu, de ser tertuliano, propoñería unha misión militar urxente que trasladase a toda esta xente, os seus enseres e os seus familiares directos ao completo a calquera das zonas próximas a esas tres ou catro centrais nucleares danadas que hai agora mesmo en Xapón. Vacacións de verano en Chernobil incluídas. A ver se se animan de novo a aliñarse coa maldade humana que antepón ingresos multimillonarios á saúde - e vida- de millóns de persoas e mesmo do planeta enteiro.

En fin, descansen en paz as vítimas e moita sorte na vida ás persoas que puideron ter recibido radiacións estremas. Que teñan unha vida plena e que poidan cuspir nas tumbas de toda esta indecencia.

Pero non perdades a ledicia. Escoitade o tema que Portugal leva a Eurovisión

TERTULIANO: Puej yo no cambio de opinión. Ej que yevo viviendo aquí, al ladito de Chernobil, desde hace una semanita y...aquí estoy....hecho un campeón. Un monstruo, eso ej lo que soy!!!!

Redvolución (ou redevolución, que che me vén sendo como máis daquí)

2011-02-25T12:48:00.004+01:00

by Pacotrón

Hai pintadas que fan historia. Aquela de que “baixo o adoquín está a praia” identifica o espírito do maio francés de 1968. O Katangueiro non estaba alí.

Os oitenta quedaron marcados polas numerosas pintadas que adornaban o muro de Berlín. Habíaas de todo. Historias de amor, tráxicas, escatolóxicas, cognitivas e desiderativas. O katangueiro estábavos feito xa un mozalbete, pero tampouco andaba por alí.

Á altura destas atópase, sen dúbida, unha das pintadas que agromaron a conta da revolta nos países do Magreb. En concreto, en Túnez. Dicía: “Thank you, facebook”, realizada na principal avenida de Túnez para agradecer a esta rede social o seu acceso durante as revoltas. O Katangueiro xa estaba niso. Esta vez colleuno en plena modernidade.

Nestes momentos de incertidume sobre o que acontecerá nestes estados tal cal son Túnez, Exipto, Alxeria, Libia, Bahreim, Yemen, Marrocos...etc, o que nos desvela a actualidade informativa son as masacres perpetradas contra poboación civil indefensa, e mesmo fusilamentos masivos de membros do exército contrarios a esta barbarie, que están tendo lugar na Libia de Gadafi. Este curioso sátrapa, que comezou a súa andaina gobernativa aló polo 1969, pouco despois da revolta dos adoquíns de París, conseguiu “misteriosamente” manterse no poder mesmo despois de ter sufrido unha guerra contra o imperio USA. Sobreviviu a isto e a moito máis. Mantívose firme pese aos bloqueos e embargos que Libia tivo de padecer pola súa causa. E fixo amigotes, non vos creades. Aínda lembro a Don Manuel de visita ao “eixo do mal” cubano e libio. Cousas de Fraga, que dicían os seus azorados pola bronca internacional que o Estado gobernado por Felipe González tivo que aturar.

Pero ten este home outras amizades ben máis importantes e internacionais. O señor Blair e o señor Berlusconi, entre outros. Tamén algunha que outra altísima xerarquía deste noso Estado Katangueiro. No caso de Italia, mesmo chegou a dar unha conferencia ante mulleres, supoño que para falarlles de decencia e bo comportamento segundo a súa especial concepción. Seica esqueceuse de falar do bunga bunga...

O que máis me doe non é isto. Son minucias. O que me doe de verdade é saber que se está practicando un auténtico xenocidio e que a Unión Europea, unha vez máis, está a antepoñer os intereses económicos –de quen? Meus? Teus? Nosos?- aos dereitos humanos. Si, como na antiga Xugoslavia. Si, como en Irak.

Un amigo noso katanguista ten traballado en Libia. Volveu impresionado de cómo o Estado Libio estaba a atravesar o deserto con cables de alta tensión e auga potable, para facerllos chegar ao conxunto das tribos e pequenas poboacións que andan por alí dispersas. Era o caso de Gadafi o do bo ditador, o que dedica os recursos dos que dispón non ao seu enriquecemento persoal se non ao benestar e independencia do seu pobo. Todo isto, TODO, quedou estes días borrado polas marcas do sangue nas rúas, prazas e praias. Onde andará metido estes días aquel que perdeu o norte, sur, leste e oeste hai tanto tempo e que chegou definir o réxime libio como o único experimento viable de socialismo panarabista??? Qui lo sa.

Pero non desmaiemos nin caiamos na desesperación. Xa hai quen está a sacar un bo feixe de cartos a conta desta desgraza. Sube o barril de petróleo, fálase de reservas para 90 días, e xa temos os combustibles en máximos histórico-histéricos. Curiosa subida aplicada a combustibles adquiridos moito antes desta crise a prezos moitísimo máis baixos que os actuais. Para que protestar, dirán os jerifaltes da Unión? Business is business.

HARPO: Pois a min este Gadafi tenme un aire de familia que non sei, non sei....

Abur, yogur.....

Como en Alfama...

2011-02-13T12:50:00.001+01:00

by Katangueiro

É o barrio de Alfama en Lisboa coñecido universalmente. Aos pés do Castelo de San Jorge, esta humildísima aglomeración urbana ten dado á historia sentimental da república veciña multitude de historias, escuramente sórdidas ou emocionalmente sentidas, como adoita ocorrer nas barriadas habitadas por xentes de ben escasos recursos económicos. Tamén é moi sonado pola Feira da Ladra, unha sorte de mercadillo de choneo onde, nos seus inicios, máis que se sospeitaba da orixe legalmente incerta de moitos dos produtos alí ofrecidos. Debemos lembrar que "ladras", en portugués, significa "muller que rouba". Supoñemos, pois, que a orixe dese nome feminizado está nunha inmensa maioría de mulleres que eran as que se adicaban a esas vendas a pé de rúa ou praza. Non sei que pensará a Katangueira.

En días pasados, precisamente no noso querido barrio de Katanga, desarticulouse unha "célula" adicada ao choneo de cousas roubadas. A novidade desta iniciativa é que as cousas roubábanse sobre-pedido, modalidade de distribución moi en voga nestes tempos debido ás necesidades de adecuarse á crise actual e á súa incidencia no consumo das familias. Dito en roman paladino: a que demos vou roubar o cedese dun buga se logo non hai quen o compre. Faga o seu pedido e nós dispoñeremos á maior brevidade posible a súa encomenda. Toma innovación tecnolóxica!!!!

O malo de todo isto é que certo medio de comunicación sensacionalista da cidade ubicou esta interesante actividade en pleno barrio do Ventorrillo. Nada máis lonxe da realidade. Non fal falla que vos lembremos, supoño, as diferentes tipoloxías tanto urbanas como humanas que se atopan entre o modernete barrio do Ventorrillo e as Casas de Franco, esa especie de Alfama coruñesa. Sonvos as cousas de vivir nas faldras do Monte do Destino, que che atribúen penasmoas e katangas en menos que canta un galo!!!! Reivindicamos a orixinal proposta para o noso barrio, que bastante embrollo teñen os ventorrillos xa.....

Coinciden esta desarticulación co inicio das obras de mellora do contorno das Casas de Franco. Nestes días non se comenta outra cousa nos portais e baretos máis que a inmensa dificultade para aparcar os bugas, dificultade de certo histórica que agora se torna histérica. Hai preocupación por cando se vai abrir o Ágora ese e tamén corren bulos sobre que queren convertir en boulevard Mosteiro de Bergondo. Manda carallo en Katanga, nunca cousa boa trouxeron as novidades!!!! Media coruña en pé de guerra contra a europeización do seu urbanismo e nós aquí, en plena feira de ladras ou "intermarché a ras-de-chao"!!!!

Fóra bromas, esta nova, polo menos, deu que falar e opinar, especialmente nestes tempos en que os medios divagan entre as penurias de certa Caixa galega (pobres), o record de velocidade en atar chourizos (de comer) ou as chamadas á austeridade de Don Alberto aos seus alcaldes (futuros, supoño). Mágoa que est6a apelación contra o dispendio non dea chegado ata as terras galegas bañadas polo Sil. E así nos loce o pelo. Todas estas cousas importantes que están a pasar no mundo mundial e nós, coma sempre, innovando en latrocinio. Aprendamos de Baltar!!!!!!

BALTAR: Mire, meu querido Don, que eu xa non lle estou pedindo nin a Medalla ao Traballo nin a Ínsula de Baltararia...que eu o único que quero é poder arrodearme das xentes máis ilustradas da miña querida provincia ourensá...Eu non teño a culpa de que todos militen no Partido Popular!!!!! Capici???
DON ALBERTO: Capito, capito!!!!!

Aburete, tribulete....

Katanga en femenino: a Katangueira e a súa independencia manifesta

2011-02-02T19:21:00.001+01:00

by Pacotrón

Despois de agardar un días por ver se o Katangueiro se daba recuperado do shock, véxome eu obrigado, entón, a darvos unha explicación sobre ese novo e inquietante banner que vos atoparedes á vosa dereita, con Olivia zurrando a base de ben a Popeye, e que non é outra cousa que o novo espazo de realización web da Katangueira e que leva por título Katanga en Femenino. La Otra Vuelta de Tuerca.

Como xa vos iredes supoñendo, isto implica mesmamente o abandono da katanguista deste nosa casa ou kasa de Katanga-Koruña. Unha mágoa. As súas achegas, sen asinar, forman parte consustancial desta pequena andaina nosa, que se aproxima perigosamente aos dous anos. Máis concretamente, o próximo 8 de febreiro. Vaia agasallo de cumpreanos para o miserable Katangueiro!!!!

Desde aquí -e sin acritú, que diría un expresidente- recomendámosvos visitar de cando en vez, e sempre que non vos quite tempo de lernos a nós, este novo espazo katanguista. Con ou sen Katangueira, nós seguiremos fedellando. E que conste que o tipo katanguista anda coa mosca detrás da orella, mirándome de esguello e/ou revirado, pois pensa e sabe que algo de man eu tamén lle botei de cara a montar este tenderete de visión feminina (ou era feminista?). Alá el, se pensa mal. Alá eu, se pensa mal.

O certo é que non o montou nada mal. Despois de todo, tantos meses aturando e turrando de nós servíronlle como a mellor aprendizaxe. Tenvos un manifesto ben enguedellado, trata algo o tema de culturilla, importante xesta nestes tempos que corren e moi producente ante a futura inauguración do Ágora, e tampouco esquece a nosa máis próxima historia. Promete máis, pero para promesas as de Iván Ferreiro....

Ai...Katangueiro....espabila!!!!!

Cómo son os rumores, verdade, Unomismo? Hai uns días apenas falabas da miña posible marcha deste blog a partir dun comentario escoitado nun bar do Castrillón, pero resulta que a que marchaba era a Katangueira. Non, se xa o dicía a Carrá!!!!

RAFFAELLA: Cuore, batti il cuore na,na,na,na……mi è sembrato di sentire un rumore, rumore, serà la paura, io da sola non mi sento sicura, sicura, sicura mai, mai,mai, mai e ti giuro che stasera vorrei tornare indietro con il tempo!!!

Illuminati: as medidas de Don Mariano

2011-01-30T13:07:00.009+01:00

by Katangueiro

Nada máis lonxe do paralelismo entre a vangarda Popular arriba exposta e a Orde dos Illuminati, acusados estes de ilustración e anticlericalismo na Europa do século XVIII, século de infausta lembranza para as "persoas de ben e orde" por canto o uso da razón deu lugar á construción dun modelo social máis xusto, solidario, fraternal e igualitario. Segundo o enlace que vos recomendamos, esta sociedade secreta tiña como meta "facer superfluo o dominio duns humanos sobre os outros mediante a ilustración e o prefeccionamento moral". Aí é nada a comparación!!!! Outra cousa ben distinta é que Don Mariano insista en presentarse -e presentar ao seu bizarro equipo Popular- como o único capaz de salvar España e sacarnos da crise "en dous anos" (polos deuses de Kobol, aínda en dous anos!!!). Capaz mesmo de amañar a economía...Difícil de crer, sobre todo isto último, por canto sería de admirar como milagriño de Santo dos Pobres, ou de Virxe das Angustias ou de Señora das Agonías que quen defende a desregulación da economía, quen defende a plena liberdade dos mercados, sexa precisamente quen veña poñela en cintura. Agora saíunos comunista, este Don Mariano!!!!

Fóra bromas, vivimos momentos históricos superlativamente penosos -e xa temos analizado por aquí e por alí quen son os auténticos responsables da desfeita- cun goberno que se di socialista en mans dos intereses dos mercados, e non falo dos de froitas e verduras!!!!

Pero fóra bromitas tamén se a alternativa á xente que actualmente goberna este paupérrimo Estado de Estar -antes Estado de Benestar-son as rapazas e rapaces (aves) do Partido Popular. Hoxe, un dos seus diarios máis afectos publica unha reseña das principais medidas que Rajoy tomará en canto sexa escollido Presidente de Ex-paña. Para botarse a tremer...ou para botarse ao monte. Podesde lelo por vós mesmos/as neste enlaciño ponderoso, pero se andades mal de tempo, ou mal do estómago, seguídenos lendo, que algo iremos contando....

1. Hai que eliminar empresas e entes públicos, e tamén asesores e tal e pascual....Home, pois que comecen polas Deputacións -sinaladamente a de Ourense- e por aplicarse o conto cos familiares e amigotes copan as prazas públicas de Galicia!!!! Aínda nos lembramos daquilo dos "fillos dos ilustrados" que dixera Don Manuel para referirse aos fillos e fillas dos SEUS cargos públicos.

2. Ley de déficit cero para as administracións.....Ai, Mariano, se se tivese aplicado iso aos teus coleguis banqueiros, construtores e demais vividorcillos e vividorotes non estaríamos onde estamos, vedade???....Pero non estás ao tonto do que pasa en Tui??? E dos recortes de Don Alberto???

3.Os escandalosos gastos das Autonomías, como as "embaixadas" e as teles. Pero se, precisamente, foi a Galicia de Don Manuel, aplaudida por Don Mariano, a SEGUNDA autonomía do Estado en contar con embaixada propia...en Madrid...por un pequeno custe de mil millóns de pesetucas das de antes!!! Sobre as teles, non sexa bárbaro. Acaso descoñece a súa función pública que fai que, no caso da nosa queridísima Región, miles e miles de persoas de formación humilde, boa parte delas evidente electorado Popular, atopan na televisión pública de Galicia o único espello onde mirarse (mal que nos pese a outros)???? Para privadas xa temos o canal Gran Hermano....(ai, se polo menos tivesen lido o libro).

4. Rebaixar impostos a sociedades e a compradores de vivenda. Ole, ole e ole.....Será que son estas as persoas que se agolpan a diario fronte as oficinas do INEM.....Hai que ser BEN MISERABLE. Lembre, Don Mariano, que a menos impostos, menos cobertura pública, máis lei da selva. Entón, se imos xogar á lei da selva, eu tamén teño moito que dicir....

5. Prolongar a vida das nucleares e revisar as subvencións ás enerxías renovables. SEN PALABRAS, QUE ME PERDO.

6. Por último. Polo que se ve, o único contrato que lles ofrece Don Mariano aos inmigrantes é o de integración...cultural....ou así. Aceptar a Constitución, aprender o idioma -o español, o patrio, o Único- e respectar os nosos costumes....como a de torturar e asesinar touros en espectáculos públicos de pago para satisfacción e lucro duns poucos...dos seus coleguis. Verdade, eh, eh???

DON MARIANO, ASPIRANTE: Mire uxté, xeñor katanguixta o como le llamen xux amigox...Xi tuviera uxté que ganar unax eleccionex con la tropa que llevo yo detráx, ya veríamox xi max que hablar de "illuminati" no hablaríamox max bien de "caxtrati", que ex lo que yo a alguno le haría...aunque la tenga axí!!!!

EPÍLOGO: OS APRENDICES DE ILLUMINATI

Comunicado e comunicando:

"Plataforma Membrillo Descojonamiento Penachorra NO querer asociaciones centro cívico Silva. NI asociaciones droga NI asociaciones NO droga. NO gustar tampoco NO invitar vecinos Membrillo, pero si acoger asociaciones NO barrio Membrillo. Exigir, por tanto, Ayuntamiento si asociación Plataforma Membrillo en centro Silva pero NO asociación vecinos Membrillo en centro Silva".

COMUNICADO URXENTE DE TELEKATANGA: Lamentamos...cuac...toda la...cuac...sarta de estupideces que...cuac...acaban de leer en este...cuac...informativo katanguista. Cualquier...cuac...parecido con la...cuac...realidad es mera...cuac...coincidencia....cuac...o eso espero......

Aburete, tribulete....

Todo para poucos, nada para o resto!!!!!

2011-01-25T10:01:00.003+01:00

by Pacotrón

Habería que preguntarlle ao PSOE, PP ou CIU, tan preocupados eles porque se aprobe xa a Lei Sinde que permitirá a vividores como Teddy Bautista vivir de puta nai a conta nosa, que pensan deste vídeo aclarativo:

El gran casino europeo from ATTAC.TV on Vimeo.

Menos dramática, máis gramática

2011-01-20T19:12:00.001+01:00

by Katangueiro, entre o tratado de ética e a caligrafía Rubio

Pois en vaia enredo se nos meteron os veciños e veciñas da denominada Plataforma Ventorrillo Desmantelamento Penamoa a conta dun comunicado de prensa onde este colectivo anunciaba que non consentiría "bajo ningún concepto" que a ONG Proyecto Hombre se instalase no Centro Cívico da Silva. Fóra de que se presuma de "contactos" no Concello e fóra de que se confunda Tierra de Hombres con Proyecto Hombre, seica provocou moito malestar a forma en que se desprezou o traballo intenso de prevención, tratamento e rehabilitación de drogodependentes que realiza esta asociación. Ata hai unha frase onde se acusa ao Concello de "querer instalar ahí, una asociación dedicada a la droga" ( a coma demencial está no texto orixinal). Fea forma de expresarse, creo.

Nin que dicir ten que compartimos con estes veciños a necesidade de que o poboado chabolista de Penamoa, igual que calquera outro poboado chabolista, desapareza para sempre, así como temos denunciado as políticas do pasado relativas tanto ao chabolismo na nosa cidade como ao tratamento dun problema como é o da drogoadicción. Destas críticas non salvábamos nin á administración local, nin á autonómica nin á estatal. Ata aquí, vale.

O que non compartimos en absoluto é o ton dramático, catastrofista, que vén amosando esta plataforma xusto cando, de certo, existe na nosa cidade un Plan de Erradicación do Chabolismo avalado e apoiado pola Xunta de Galicia. Non é de recibo criticar agora o que antes non se criticaba. Non é de recibo maltratar semanticamente a unha ONG como Proyecto Hombre que levan moitísimos e moitísimos anos traballando con persoas que loitan por deixar atrás as súas drogodependencias nun mundo, o noso, as máis das veces insolidario cos humildes e acobardado ante os poderosos.

Pero non podo reprimir tampouco o meu asombro ante as graves carencias gramaticais de quen redacta este comunicado. Se xa chama a atención o nome dunha plataforma que semella pronunciado por Tarzán -Plataforma Ventorrillo Desmantelamento Penamoa é unha absurda versión "sincopada" de Plataforma do Ventorrillo para o Desmantelamento do Poboado Chabolista de Penamoa-, non é menos rechamante o demencial uso signos de puntuación, nomeadamente da coma, incorrección que recoñecemos en non poucos "comentaristas" de certo foro veciñal. Tampouco está moi ben comezar o comunicado cunha oración subordinada de tempo que non ten predicado algún ao que subordinarse...En fin, que aquí tedes o comunicado para que extraiades as vosas propias conclusións:

Comunicado de Prensa Plataforma Ventorrillo:. Proyecto Hombre

E preguntarédesvos: pero isto é realmente importante? Pois si, xa que quen presenta un documento para o seu uso público e descoida as normas máis elementais de ortografía e sintaxe, non é de admirar que tamén descoide un pouco os contidos que transmite, convertindo o rumor en noticia, confundindo demagoxia con información. E haberá quen diga que esa plataforma esta formada por veciñas e veciños hunildes, que igual non tiveron o acceso a educación que outros puidemos ter e bla bla e bla bla, pero o certo é que quen escribiu este texto si que tivo acceso á educación, outra cousa é que o demostre ou que esta lle aproveitase en algo.

Hai quen se queixa do tratamento que diferentes medios de comunicación deron a este comunicado, nomeadamente a Opinión. Non deberían queixarse. De certo que puido ser peor. Quen acusa, quen apunta con superioridade moral a institucións públicas, a ONG's que tratan directamente con drogodependentes -ben sexa para animalos á rehabilitación, ben sexa fornecéndolles xeringas limpas para que non agraven a súa circustancia- e mesmo fai burla de circustancias e situacións persoais terribles debe agora ser humilde, debe aceptar a merecida reprimenda pública e debe inmediatamente desculparse ante Proyecto Hombre e ante a sociedade, porque se un é valente para sinalar culpabilidades, debe tamén selo para recoñecer as propias. É a miña opinión. Espero non ofender.

BERLUSCONI: Hahahahahahaha.....veramente, la plataforma a errato de vulto, mai...qui é il primo inocente in questa vita??????

PACOTRÓN: Joderito, Katanguista, joderito....que xa me tes máis que farto!!!! É meter os teus fuciños en determinados asuntos e, acto seguido, colapsarse as nosas liñas telefónicas!!!! Non podo...non podo....non pooodoooo......

Eu tampouco. Abur, yogur!!!!

Os Estados Unidos teñen collido polo pescozo aos PIGS por máis de 350.000 millóns de dólares!!!!!

2011-01-14T14:46:00.001+01:00

A amiga Siobhan envíanos un enlace para que nos vaiamos enteirando por aquí de como están as contas e a débeda de Portugal, Grecia, Irlanda e España....agora que o IBEX sube e eu non paro de tocarme pensando niso....agora que colocamos bonos como quen vende bugas a conta do plan Renove...agora que Portugal inspira máis confianza, pero aspira a...??????

ADVERTENCIA: hai que saber algo de inglis para coscarse de algo. Se empregades tradutores, veredes que lío. En fin, gráficos molonis, texto a rabear e moita, moita información!!!!!

Easter Egg Out Of The BIS: US Banks Are On The Hook To The PIIGS By Over $350 Billion

Ai ai ai ai ai ai ai ai ai ai ai ai ai ai.........

Cylons en Katanga!!!!

2011-01-07T10:43:00.003+01:00

by Pacotrón

Síntome suxo, como só se sinte un traidor a si mesmo. Contraditoriamente, síntome sen embargo ben. Que por que unha e outra cousa???? Por que son profundamente republicano, pero non podo -non me sinto capaz- desprezar os agasallos dos putos Reis Magos, onde queira que estean.....Para máis INRI, grazas a estes monicreques puiden soñar esta noite con Starbuck e cos Cylon. Paseándose por Katanga. Disparando a tutiplé. Pavoneándose todos rufos eles. Invadindo a nosa intimidade e os nosos soños. Extirpando a esperanza. Pisoteando os nosos dereitos. Como debe ser. Como os banqueiros. Como os especuladores -non era o mesmo???-. Como os mercados, e non falo do de froitas. Como os ianquis en Iraq. Como Aznar de salvapatrias. Como Cascos de salvaprincipados. Como Florentino, Botín ou os novocaixas. Como toda a xentuza que ve incrementar o seu patrimonio a conta dos sacrificios da maioría -e máis duras que virán, Durao Barroso dixit-. Como Gerardo Díaz Ferrán (pobre neno rico). Como o Papa cruzado. Como Dona Espe pasando apoupos para chegar a fin de mes. Como os do FMI ou os do BCE ou os do BM (Banco Mundial). Como os que permiten que nos suban o recibo da luz os que están gañando fortunas á nosa conta. O dito. Como os Cylon.

Eu...soñando con Kara....

kARA-STARBUCK: Pero mira que serás katanguista...pero mira que lle botas "guevazos", chorbo...A quen se lle ocorre meterme en politicadas. Verás cando te agarre por onde máis doe....en canto se me pase a resaca....

En fin, delfín.....

Dereita excitada: onanismo ou barbarie

2010-12-31T12:23:00.012+01:00

by Pacotrón, tamén excitado....

Teño un colegui ferrolán, katanguista de adpción, que gosta das palabras grosas nas súas relacións sexuais e sexuadas. Gosta tanto de insultar como de ser insultado. Desde o clásico "toma, guarra, toma" ata o máis igualitario "dame, dame, cabronazo". E mira que disfruta o home contándonos o seu último diálogo escabroso do pasado sábado!!!!! Pois algo así debe pasarlles a eses tertulios e contertulios conservadorcillos, dereitosos máis ben, e a algún carguete público pepeiro, que se excitan sobremaneira compartindo con nós as súas suculentas fantasías coas féminas máis diversas. Cousas da Lei de paridade, supoño, que trouxo a igualdade de xénero presencial na política e, con ela, espertou os máis baixos instintos de quen levaba anos e anos de abstinencia de pensamento, palabra, obra e omisión. Explícome, que xa tarda.

Hai uns meses, o Alcalde de Valladolid explicounos moi explicitamente en que pensaba cando vía a cara, os beizos, por sermos máis exactos, da Ministra Leire Pajín. Ai, ai, ai....depravadillo....Antes, o peripatético Dragó ofertounos unha suculencia preadolescente extraída dos relatos orientais máis escabrosos, pero ninguén pensa que non sexan máis que "fantasías animadas de ayer y hoy". Algo así como "pero mira cómo me ponen los putos Merry Melodies".

Tamén foi sonada a intervención, a micro pechado, de certo escritor tertulista de Telemadrid a respecto dos chichis das adolescentes ante a severa presencia da Sansebastián, quen se limitou a pedirlle ao locuaz pervertido que non se achegase á súa filla: "No con mi hija", veu pedirlle. Será que si coas das demais. Para os responsables deste programa o grave non foron as "desafortunadas" palabras do tertuliano, se non que se filtrasen a medios como youtube. Pero que mala é a xente......

Un tempo antes, noutro medio audiovisual de tendencia conservadora, outro tertuliano chamou "guarra" e creo que "zorra" a toda unha conselleira da Generalitat catalana por sacar unha guía de educación sexual para adolescentes. Por falar de condóns e pajillas, vamos. Pois non sei cal é o escándalo. Eu vexo a este home fantaseando coa conselleira a todo trapo...o dito, "dame, dame, cabronazo". "Toma y toma, so zorrona....afs, afs, afs........".

Agora, todo un líder da oposición e firme candidato a presidir España, presume de poder enfrontarse a "Zapatero, Rubalcaba, Pepiño y la Chacón". E todos e todas aplaudiron a gracieta..."Bravo, bravo, Don Mariano. Qué requiebro, qué verónica cara al tendido". O de "Pepiño" xa sabemos por onde vai. Para a nosa desgraza. O de "La Chacón" recorda á pobre Fortunata de "Fortunata y Jacinta", pasto de nenos ricachos con ganas de goce e desfute sexual popular. A prezo de ganga, oigha!!!!!!

Por último, que non derradeiro, na nosa casa danse casos abraiantes como o do tertuliano afecto ao poder político Popular -ou a calquera que sendo sociatilla semelle Popular- Don Roberto Blanco Valdés, quen chamou "mamporreras" a Laura Seara e Leire (outra vez ela) Pajín. E iso que se miramos o dicionario da Real Academia Española, mamporrero só pode ser "hombre que dirige el miembro del caballo en el acto de la generación", isto é, o que axuda ao cabalo a meter o seu membro viril no membro feminil da égua. Como diría un castizo, "cree el ladrón que son todos de su condición". Pero en que cousas andaría a pensar Don Roberto cando dixo o que dixo no programa "Galicia por diante"...Semellaría que era ben outra cousa a que ía por diante para o pobre señor Blanco Valdés!!!! Tampouco o líder dos populares de Teo escapa a esta sobreexcitación sexualoide. Nesta ocasión, o albo son os paquetóns do Alcalde nacionalista e o do portavoz socialista. Bueeenooo, polo menos este saíu do armario.....Non así o Noso Presidente, para quen os comentarios choqueiros dirixidos ás rapazas novas forman xa parte da súa idiosincrasia -ou ideosingracia- particular. Un machote.

Ai, as fantasías sexuais non teñen máis límite que a imaxinación....Eu teño unha moi grande coa anterior alcaldesa de Vigo, a tamén ferrolana señora Porro -"Corina Porro, te vamos a fumar"-. Pero case me vou gardando as cousas que lle diría, non??????

PLÁTANITO: Ey....frutitas de temporada.....

FRESA: Socorro, un tertuliano de derechas!!!!!!!

PERA: Sálvese el chichi que pueda...!!!!!

Feliz ano...nos dous idiomas.

FMI: A festuqui rematou.....

2010-12-27T11:50:00.006+01:00

by Pacotron

Rematou xa o ano? Non, tranquis. O único que rematou foi a festa anual do FMI (Fondo Monetario Indecentísimo) celebrada na cidade de Guasintón o pasado 11 de decembro.....Pero nada. Un guatequillo de andar por casa nestes tempos de austeridade. 2.000 convidados é unha cifra bastante máis habitual do que se pensa nas celebracións navideñas das familias katangueiras en paro ou con dificultades económicas.

"¡La fiesta ha terminado, dice el FMI!" (Ver receitas do FMI para todos nós)

"Pero si no ha hecho más que empezar....." (Ver FMI autoreceitándose a si mesmo)

PRESI DO FMI: Non se prrrrreocupen.....xa o limparrrrán todo os irrrlandesesssss........(Main fiurer...que ocorrente podo serrrr....cof...cof...cof....)

E mira que xa o dicía Paloma San Basilio.....e daquela pr'a toda a Europa de verdá...a de 1985...a occidental, que é a que conta e vale.....

En fin, delfín....Feliz 2011.

Mami, quero ser artista!!!!!

2010-12-21T19:14:00.001+01:00

by Pacotrón, recén descargado o último disco de Franc3s....

Parece que a Lei de Economía Sostible non conta agora mesmo con máis apoios no Parlamento español que os do propio partido que a presenta e nos goberna, o PSOE. Esta Lei será recordada, acabe sendo aprobada ou non, como a Lei Sinde, en honra e lembranza da Ministra de Cultura que a presenta e representa. Varias son as razóns deste rexeitamento multiideolóxico e colorista, que se suma a unha importante mobilización social na rede en defensa dos dereitos ao libre intercambio de información, entre outros. Desde aquí quixéramos aportar algunhas desas razóns:

1. Os Ramoncín, Rosario, Alejandro Sanz ou Bisal reclaman o seu dereito a cobrar, pouco menos, por cada vez que se escoite a súa música, habida conta de que pretender cobrar porque Msarkardina, por exemplo, me preste por internet unha peli de Orson Welles sería o mesmo que se me cobran un canon porque a miña nai me presta o último libro de Almudena Grandes. Para facernos tragar con isto, aparecen todos ofendidos nunha rúa madrileña diante dun rapaz africano e, oh...sorpresa, un disco de Alejandrete Sanz estaba no top manta antes de que saíse ao mercado. E agora, pensemos. E a min que? Iso ten que ver con que alguén da casa discográfica, do grupo de músicos ou técnicos ou que sexa colleu ese cedé e vendeuno, seguramente por uns cantos cartiños, a algún mafioso que rapidamente o copiou e mandou aos seus africanos á rúa a vendelo. Iso non é o que facemos os que, por exemplo, collemos prestados os capítulos da segunda temporada de Futurama, emitidos ata o cansazo por diferentes canles de televisión, e os baixamos xuntos para pegarnos unha fartura unha tarde tonta de sábado. En resumo: que para que o top manta sexa delicto, tontainas artistas, non hai que aprobar ningunha Disposición Final Segunda.

2. Se ben semella diferente o intercambio de arquivos e a descarga directa, xa que nun caso realizamos, doutro xeito, algo que sempre se fixo, como é deixarte eu un tomo de Mortadelo e ti a min un de Conan, tamén é certo que teño deixado discos ou tebeos a compañeiros e colegas sen nada a cambio. Por outra banda, o mundo tecnolóxico cambiou radicalmente. Que sentido ten vender a 15 ou 20 euracos unha man chea de cancións (patéticas nos casos precisamente máis protestóns) cuxo custe real non chega a pouco máis de medio euro? Iso chámase usura, e nunha sociedade xusta e democrática é un delicto se se aplica a produtos de primeira necesidade. Non sendo as obras destes artistas produtos de primeira necesidade, non semella producente aprobar unha lei que nos sitúa a centos de miles e, posiblemente, a algún millón de persoas como delincuentes. Se Katanga Koruña fai público un chiste, amiguiños, non podo logo pedir que se trate como a un delincuente a quen o copie ou difunda LIBREMENTE. En refinitiva: renovarse ou morrer.

3. Os defensores ou valedores desta Lei son AS/OS MESMOS que defenderon e avalaron o canon dixital que agora Estrasburgo acaba de declarar ABSOLUTAMENTE ILEGAL, como sempre defendimos desde Katanga Koruña. Deberíamos acudir aos Xulgados a esixir a Ramoncín, Rosariyo, Cobos, Bustamante ou Bisbal que NOS DEVOLVEN INMEDIATAMENTE TODO O QUE COBRARON DA SGAE A CONTA DESE CANON ILEGAL. Os delincuentes sodes vós actualmente, tristes artistoides. Eu non gañei un chú en todo isto. Vós si.

4. Por último, que me canso.....Para colmo de desvergoña, segundo un documento LIBREMENTE DIFUNDIDO por Wikileacks, esta Lei foi redactada, digamos, por unha potencia exterior e para salvagardar4 os intereses de cidadáns desa potencia exterior. Se isto non é traizón ao xuramento do seu cargo de Ministra que baixe Syd Vicius e o vexa......despois de tomarse unhas garimbolas.

En fin, señora Sinde....quédanlle aquí este grupiño do Carballo máis ecléctico que nos ofrece o seu último disco en descarga libre. Por que? Por que queren darse a coñecer para poder tocar máis veces..e cobrando cada vez máis. Normal. O que non poderán facer, de ningunha forma, e evitar que se preste en rede o seu disco. Adaptarse ou morrer. Isto xa o leva facendo o Duque (David Bowie) desde hai polo menos dez anos. Veñaaaaaa, a baixarse o disco AQUÍ.

Sinde, adícoche o primeiro tema: "Nosotras tenemos fe en el veneno".

A Coruña Nowadays

2010-12-19T11:55:00.003+01:00

by Pacotrón

Uns empeñados en facernos vivir nunha cidade de requeixón e alcanfor mentras, por aí fóra, unha canle de televisión online catalana celebra a Coruña máis underground e katanguista!!!!! Vede e flipade con este vídeo de Tendencias.tv titulado "A Coruña Nowadays"....E grazas a que estamos nós, porque non creo que isto interese en modo algún á nosa queridísima prensa local...tan conservadora ela.....tan escasamente cool....

A poucas horas de ti.....a escasos metros de tempo.....(síndrome vacacional)

2010-12-08T12:41:00.014+01:00

by Katangueiro

Neste outono invernío que padecemos, uns de mellor humor que outros, cinco son as cuestións, cinco, que me andan a reviravoltar por baixo do pelote. Recapacitemos:

FEIRA DE AUTÓNOMOS DE........GALICIA(¿?)

En coherencia co aquí publicado recentemente, pasámonos pola Feira de Autónomos de Galicia que se celebra ata o día de hoxe en Expocoruña. Como somos máis inocentes cuns nenés de baba, agardábamos atoparnos alí co máis selecto e selectivo da cidadanía consciente que se manifestou na Coruña a favor do comercio local e en contra das superficies comerciais...ben, e do carril-bus, dos bolardos, das beirarrúas do primeiro mundo....etc. Imposible estar máis equivocados, amiguiños e amiguiñas katanguistas!!!! A saber:

a) Si que é certo que nos atopamos con algúns dos convocantes e apoiantes desta manifa comercial, pero ganas me deron, certamente, de tirarlles un pouquichiño das orellas. Compramos cecina nun posto de Zamora, unha cazadora nun posto portugués e unha cousa de fogar noutro posto do veciño país quase-intervido. Vivir para ver...os que falan da importancia do comercio local contraprograman cunha feira onde o comercio local coruñés ocupa espazos significativamente mínimos!!!! Entre a Feira de Autónomos e os Centros Comerciais deben estar encantados en San Andrés, si señor!!!!

b) Resultou curioso entrar no amplísimo párking de Expocoruña e aparcar con extrema facilidade ao lado do accdeso principal ao andar expositivo, sobre todo habida conta de que na superficie habñia hostiazos por deixar o coche montado onde se puidese....Ao final, como defendimos sempre, todo é cuestión de CIVISMO. Tense ou non se ten, esa é a cuestión....

CONSUMIDOR VEHICULIZADO: Pero si yo sólo lo dejé unos minutitos mientras hacía unas gestiones!!!

OS CONTROLADORES DESCONTROLADOS SON COUSA XA CONTROLADA...

Isto é o temilla da semana, pero como non controlamos o alcance de que esteamos en ESTADO DE ALARMA, pasamos de facer leña e despois lume cun asunto liquidado. A Katangueira, ofendidísima, pagou un billete de avión a Madrid para acabar indo en ALSA. A xente pide, con razón, vinganza e sangue por terlles estropeado as súas tan traballadas vacances pero, digo eu e digo ben, que habería que facerlles entón aos que estropearon a nosa economía, traizoaron a nosa-vosa confianza e enriquecéronse a conta da desgraza da maioría???? Que habería que facerlles aos especuladores financeiros???? Que habería que facerlles a eses "empresarios de la élite española" que piden recortes e máis recortes públicos mentras eles continúan vivindo a súa farsa particular de vicios e malgastos???? Que??? Que???

CONTROLADOR (GAYUMBO BRANCO): Dios mío, por qué me has abandonado.....
BANQUERO (GAYUMBO AZUL CLARO) E ESPECULADOR FINANCEIRO (GAYUMBETE AZUL ESCURO): Anda, mamarracho, que por vuestra culpa nos quedamos sin ir a Punta Cana!!!!!

MATAR AO REISEÑOR...

Nos sei se o Assange este é un vivillo ou un revolucionario, pero que a boa e xenerosa xente de Visa, Mastercard, Postfinance ou Amazon estean a boicotealo.....non vos di nada????

Máis en clave local estamos ante os últimos días da Casa das Atochas, centro autoxestionado para a difusión cultural e o espertar social. O soño morreu, viva o soño!!!!

REBELDILLO: Iso, iso...non podemos durmirnos na nosa loita contra a especulación, contra o capital e por un mundo máis xust....zzzzzzzzzzzzzzzzzzzzz........

A EDUCACIÓN: "SIEMPRE DEJÓ EN NOSOTROS UNA GRATA IMPRESIÓN"

(Radio Océano)

Tanto alertar sobre os problemas terribles causados nos cocorotos de nenas e nenos de comunidades nórdicas onde lles "impoñen" os inútiles coñecementos de idiomas regionales para comprobar que o norte, o norte norte, o norte indómito, supera con creces ao sur peninsular en indicativos educativos. Resulta incrible, xa o sei, pero "los alumnos gallegos están por encima del Reino Unido o Alemania en comprensión de textos, al nivel de Luxemburgo o Estados Unidos en cálculo y al de Bélgica o Irlanda, muy alto, en conocimiento científico", segundo o informe PISA 2009. E iso que teñen que estudar galego, que se non......Verdá, señor Feijoo?????. Fóra das nosas fronteiras, para maior abundamento, a Andalucía monolingue na cola e Cataluña na cabeza en canto comprensión leitora. Como co cosa de Assange....non vos di nada????

LA YESI: Pues me encontré con el Yónatan y leía un libro...de papel!!!!
LA YENI: Tía, yo lo flipo, tía, o sea.....es que siempre fue un cutre y un rancio, tía....
LA SAMANTHA: Ji ji ji jito.....(ya me tarda entrar en "gugle" p'a saber de qué estan hablando)
LA VANE: (Por el amor de Miley Cyrus!!! Como se enteren de que veo los documentales de La Dos es mi muerte social...!!!!)

BLOGUEIROS PAPAROTOS

Publícano os nosos coleguis de Galicia Confidencial e xa estamos a recibir correos preguntándonos ao Pacotrón e máis eu se estábamos alí. País!!! Pois non, estimados demagogos. Ou ben a Xunta esqueceu convidarnos ou ben o tarxetón co convite oficial estraviouse polos correos adiante. Cousas da microtoponimia galega. O caso, en todo caso, é que a Xunta, acaso, gastou 71.800 euracos en convidar a nove blogueiros ultrapijos de la muerte a mariscadas e hotelazos....e todo por promocionar un día nos seus respectivos espazos web as Rías Baixas!!!! Pagárono a Xunta e a Deputación de Pontevedra al alimón, como debe ser. A defensa do caso di que só un dos blogs é visto nun día por 30.000 persoas. Uf, que abarrote....E pensar que unha campañiña en prensa de Madrid non sae nin pola metade e poden seguila tres millóns de leitores/as????

BLOGUEIROS PIJOS CONVIDADOS: Si, bueno, pero nuestro púbico, digo, público es muy pero que muy especial, sabes??? Aquí los katangueros es que no pintan nada, sebes?

Que vale...que si...que abur, yogur!!!!

Mundo insólito

2010-11-26T18:50:00.003+01:00

Que a señora arriba retratada queira aparcar sobre as beirarrúas marinedas estraña un tanto. Non a vexo, non. Non a dou visto pilotando un monovolume, ou un audi trucado, por aí a biturbo. Estribor montado en bolardo, babor en asfalto. Sobran eses bolardos ou falta un algo de civismo, que non cinismo? A primeira pregunta do millón katangueiro.

Que os hostaleiros demostren que a gramática non era, efectivamente, o seu déixanos indiferente. O que non entendo é que pedían. ¿ Poderse tomar as capichuelas na rúa, poñer musiquilla ambiente ou poder vestirse de horteras en pleno novembro??? Ou moi corto son ou non o pillo...

Que se eran seiscentos, que se eran seis mil...a foto é reveladora. Conten, conten, como fixo o nené, e verán. Desde logo, moitísimo máis perto dos seiscentos que dos seis mil.

Que todos estamos preocupados polo comercio coruñés, como por outros sectores estratéxicos da nosa cidade, é caer xa na redundancia. Eu non merco nos Centros Comerciais desde hai moitísimos anos. PREGUNTA DE OUTRO MILLÓN: Cantas das persoas que vostede ve nesta foto mercan os libros do cole de fillos ou netos na librería de barrio, mercan a cesta máis grande do mes nas tendas do seu barrio, mercan marcas de leite de aquí, fuxindo coma do demo das marcas brancas ou compran a roupa en tendas que non son franquicias, cantas, cantas?????

E por último...non entendo o deste carteliño. Irá por libre????

En fin, delfín. Desde o día despois, the day after, deséxolles a todos a mellor das sortes...

Os abaixo convocantes e apoiantes

2010-11-20T20:02:00.009+01:00

DEZ RAZÓNS DUNHA SENRAZÓN OU CANDO, COMO, QUEN, POR QUE, PARA QUE
by Katangueiro

1. Vivimos unha crise económico-financeira que incide como poucas veces antes no consumo das familias. Millóns de persoas hipotecadas nun contexto de incertezas de toda índole, incluídas as que producen os vaivéns dos tipos de interese que marcan a diferenza entre poder ou non poder pagar, entre ter e perder, millóns e millóns de persoas, digo, con menos capacidade adquisitiva que no primeiro lustro deste novo século.

2. Asistimos desde hai uns anos a uns hábitos de consumo cambiantes, condicionados á menor dispoñibilidade de tempo do que dispón unha familia media actual para realizaren as súas compras, que benefician ás grandes superficies comerciais, pensadas desde o comezo precisamente para esta situación. Non se trata de se se instalan tales ou cales centros comerciais, do que se trata é de que á xente lles encantan. Hai quen colle os nenos, méteos no coche o sábado pola tarde e...ala...a pasar o tempo ao Dolce Vita mentras papi e mami fan unhas compriñas....

3. Empregar a crise terrible pola que está a pasar o comercio tradicional, sexa do centro urbano ou dos barrios periféricos, para combater as políticas de apoio e promoción da mobilidade, as políticas que priman o tránsito de vehículos de transporte público fronte ao uso privado -e privativo- do vehículo de cada quen, as políticas de rehabilitación de espazos urbanos ou as políticas que apostan por un urbanismo humanizado é como pretender culpar da actual crise á poboación inmigrante, como está a ocorrer en Cataluña e desde a mesma base social que aquí condea estas políticas: a base social militante do Partido Popular, entre outros...e outras.

4. Algúns dos principais convocantes, sexa a título persoal ou en calidade de representantes dos hostaleiros, do comercio do centro ou da propia Federación Provincial de Comercia da Coruña, exercen as súas actividades preferentemente en rúas sen tránsito rodado, isto é, en rúas peonís, ou en auténticos bulevares, como é o caso do negocio de mobles do Presidente da Federación de Comercio. Ningún dos convocantes posúe negocio algún onde se poida aparcar enriba das beirarrúas, deixar o coche en doble fila ou, mesmo en varios dos casos, sen tan siquera transitar. Por que non queren para os demais a mesma calidade urbana da que eles xa se están actualmente aproveitando???

5. Entre os convocantes e impulsores desta protesta figuran algunhas persoas recoñecidas no mundillo protesteril da nosa cidade: convocaron ou apoiaron concentracións contra a "terrible imposición" do galego, convocaron ou apoiaron algaradas varias contra a política de erradicación do chabolismo, protestaron contra o botellón, chegando a esixir leis prohibitivas que desde que goberna Galicia o Partido Popular seica xa non son tan precisas, protestaron contra a lei de memoria histórica, excitaron os ánimos veciñais contra Penamos xusto cando o problema está a piques de solucionarse e despois de dúas décadas de silencio cómplice.

6. A meirando parte dos convocantes ou aopiantes simpatizan ou directamente militan no partido que tivo a máxima responsabilidade nas políticas comerciais da nosa Comunidade en dezaoito dos últimos vintedous anos, o partido de Fraga, Feijoo, Negreira ou, máis fóra de nós, Esperanza Aguirre. O partido dos que nunca nunca son responsables, pese a que "exerzan", é un dicir, as correspondentes responsabilidades. Noutra orde de cousas, gustaríame saber CANTA DESTA XENTE REALMENTE GASTA OS SEUS CARTOS NO COMERCIO DE BARRIO!!!! Nós, os katanguistas, si que o facemos.

7. A maior abundamento, e para completar o frikismo desta convocatoria sen razón, se persoeiros coma Carlos Marcos ou Corcoba se apuntan a ela, como semella, de igual maneira que Izquierda Hundida, a foto fixa desta algarada terá moitas motivacións e moi diversas, certo, pero estará moi alonxada da reivindicación da importancia e necesidade dun forte e asentado comercio local. En fin, delfín, que só vai faltar Rosa Díaz!!!!

8. O apoio que determinados "líderes" e "lideresas" veciñais están prestando a estas protestas non fai máis que confirmar os nosos temores sobre a falta de visión e realismo dunhas institucións e unhas persoas que máis que favorecer a calidade de vida dos seus veciños e veciñas alimentan a trampa da demagoxia conservadora que, aproveitando o normal malestar que xeneran as obras públicas, especialmente se son de envergadura, desacreditan actuacións encamiñadas a mellorar a calidade deses espazos urbanos ANTES de que esas obras dean remate. Todo isto ao berro de "calquera pode ver que isto está mal feito ou planeado", igual que agora tamén din"calquera podía ver que a burbulla do ladrillo ía rebentar máis cedo que tarde". Igualico igualico que el difunto de su agüelico....

9. Aínda está por ver algunha entrevista a convocantes e/ou apoiantes falando do urbanismo especulador, que detraíu a innúmera poboación moza traballadora cara a novos espazos urbanos de concellos limítrofes, como un dos causantes da pouca actividade comercial de determinados barrios. Tampouco ninguén semella dar importancia a que se pides prezo por locais en desuso desde hai varios anos podes atoparte con que de mil ou mil cincocentos máis ive non baixa....e con reforma necesaria....

10. Por último, ter escollido unha data adicada EN TODO O MUNDO a denunciar a violencia de xénero, que causa milleiros, se non millóns de vítimas ao ano neste noso planeta, demostra sen ningún XÉNERO de dúbidas a catadura moral de quen non lle dá importancia nin a esta data nin ao que se conmemora. Había moitos días, o comercio local padece moitos problemas, pero tiñas que escoller precisamente ese día. Así se lles atragante. Punto.

CARLOS NEGREIRA: A ver, Fonsito, que me pierdo...Esta mani para qué era???
ALFONSO RUEDA: Joder a quién preguntas, que guevazos tienes...Será por el gallego....o algo...Deja, que ya veo al Cañete haciendo botellón por allí....ya verás como ése sabe...

Mo chara na hÉireann...(miña querida Irlanda...)

2010-11-18T18:51:00.001+01:00

by Msarkadina...como non.....

Non sendo experta en micro ou macroeconomía (ben me chega con atender ás miñas contas) non podo facer unha análise demasiado profunda. Necesitei a axuda e as explicacións dalguén que sabe (moito) e ten unha paciencia infinita ademais dunha gran aptitude pedagóxica. O que aquí escribo é un resumo da barbarie liberal que abocou á actual situación económica irlandesa, tal como eu a entendo, do xeito máis sinxelo e gráfico posible (tamén). Descúlpome de antemán polos meus posibles erros. Insisto, unha vez máis, que eu son unha pobre lega na materia.

Como empezou todo:

1.- Irlanda entra no euro.

2.- O goberno irlandés decide crear un pseudo paraíso fiscal na eurozona, deixando á banca a potestade de autorregularse. Isto vén significando que deixaron que fixeran o que lles dera a gana.

3.- Daquela en Frankfurt (Banco Central Europeo) practicábase unha política “xenerosa” e tanto os bancos alemáns como os franceses fan o seu agosto de emprestar cartos ó tigre celta (ser non era tal, pero actuaba como se o fose, que é o que se estila nestes tempos).

O tempo da bonanza pasa, inclemente e chega o ano 2008. E con el o pesadelo.

A caída de bancos como Lehman (e outras catástrofes) conxela os mercados financeiros e o mundo enteiro decátase de que está empufado.

Daquela os bancos irlandeses (ultradependente dos cartos emprestados doutros bancos europeos) quedan desamparados. Cando a desconfianza é a moneda común (ninguén empresta a ningúen) resulta misión imposible renovar ou ampliar un crédito.

A “magnífica solución” do gobernó irlandés? Como eses bancos liberaloides con ética de tudo-vale non teñen liquidez deciden darlles unha axudiña (diñeiro público, of course). Pero o “problema” non se dá superado, así que seguen a dar cartos para ese saco sen fondo. Ó final acaban nacionalizándoos e descubrindo, con horror, que o auténtico problema eran os activos tóxicos (as hipotecas subprime, por exemplo) e non a falta de liquidez. Finalmente o que se consigue é nacionalizar a débeda bancaria. Consecuencia? RECORTES DOS ORZAMENTOS PÚBLICOS E RECESIÓN.

O Estado, fagocitado polos “pecados” da cobiza da banca (coa complicidade da clase política e empresarial e a pasividade de gran parte da poboación), comenza a padecer as mesmas penurias: tampouco inspiran confianza así que non lles van dar nin a hora. A principios deste mes (Novembro de 2010) é evidente que a débeda bancaria é maior que a economía do país e que o estado irlandés non poderá salvalos. O aguerrido salvador necesita un rescate urxente, xa na bancarrota.

O euro permitiu a tolemia do euro irlandesa ou islandesa. Pero o caso irlandés é deprimente. Non lles permitirán devaluar a moneda porque iso significaría reducir a débeda e, polo tanto, unha diminución de ingresos da usura dos antano xenerosos prestamistas alemáns ou franceses. Tarde piaches, mo chara na hÉireann (miña querida Irlanda)! Non te deixarán escapar…

Espero que esta terra volva a ser o que sempre foi: unha terra de santos e poetas (como Rory Gallagher, un exemplo do que deu esta illa).

MADERILLO O'HARA: Pero cómo se está poñendo o patio....
CONDUTOR O'REILLY: Glabs.....acabemosss co capital....que a cgrissse....snurlsss...a paguen os bancos....!!!!! (Hoxe sobroume unha guiness...)

Como en Irlanda....abur, yogur....

Deconstrución europea....

2010-11-14T14:06:00.002+01:00

Con outro Estado-Nación -Irlanda- a punto de caramelo para a intervención económico-mercantil da SÚA economía, absolutamente boiante ata que "decidiron" emprestar aos bancos máis diñeiro do que tiñan, véndose por tanto agora con problemas para pagar a débeda contraída con estes mesmos bancos, e cos veciños portugueses amagando con abandoar o euro, non sabería dicir se Europa vai de cachas ou se na cociña común europea tomou o mando o mesmísimo Ferrán Adrià: churrasco de polo ao nitro en salsa de cervexa negra e aroma rancio de alcanfor.....

Incertezas célticas...

Ameazas lusitanas....

E Galicia....cada día máis linda máis linda....

FERROLÁN: ...Cada día mellor e mellor.....
ALEMÁN DE AUSTRIA: Da, da...jijijijito....(esperrra a conoserrr mis banquerrrros...)
O DO MEDIO: Pero qué carallo levará este ferrolán colgado do pucho????
FOTÓGRAFO SEGUNDO PLANO: Hostiaxá...volvín quedar sen carrete...A ver qué lles digo a estes.....

Sobre a decadencia do comercio coruñés...

2010-11-07T12:07:00.002+01:00

by Pacotrón

Resulta empiricamente comprobable a nosa rotunda defensa do comercio local marinedo, máis intensa se cabe cando se trata da pobre Katanga. Hoxe, nuns minutos, diferentes asociacións comerciais comezarán unha asemblea en ExpoCoruña para denunciar as políticas do Concello da Coruña, políticas que, segundo din estas entidades, están arruinando a este importante sector e motor económico da cidade. Nós non estaremos nesa protesta. Explicámonos:

Por unha banda, o toque a rebato de comerciantes locais contra o carril-bus, as peonalizacións, os ancheamentos e melloras de pavimentos e beirarrúas ou a instalación de bolardos para IMPEDIR QUE OS BUGAS SE SUBAN, non forma parte nin da nosa cultura social nin do que se leva facendo na Europa Europa que ten unha calidade de vida, incluída a comercial, moi superior á nosa. Que viaxen estes señores -Agromayor ou Cañete- por Holanda, Alemaña, Dinamarca, Suecia ou Reino Unido, por exemplo, a ver se alí hai ou non hai bolardos, carril-bus ou amplas zonas peonís.

Por outra banda, qué semellante resulta este chamado á rebelión a aquel berro de vivan las caenas que pronunciaba un pobo de Madrid excitado polo rebumbio tradicionalista e caciquil enfrontado ás teses da revolución francesa, esas que apostaron pola igualdade, liberdade e fraternidade en vez da sumisión ao clero e á nobreza. En fin, TODO ISO QUE VEU DESPREZAR BENEDICTO XVI ONTE ANTES DE BAIXAR DO AVIÓN. As competencias comerciais, tamén as de instalación de novas superficies, son da Xunta de Galicia, en mans deses que son máis papistas que o papa. Por que será que nesta asemblea de comerciantes cabreados ninguén menciona isto??? Por rancios. Por rancios penosos e incompetentes. Que viaxen, plis, que viaxen dunha vez -pero non a Tailandia, Cuba ou Punta Cana, señoritos, senon a Europa-.

Por último, para que non se nos acuse de bárbaros que negamos a razón, sustituída polo insulto e/ou descalificación: no nosa Katanga non hai carril-bus, nin bolardos nin amplas beirarrúas (en esp. "aceras"). Podes deixar o carro por aí ciscado, mesmo subido nalgunha das numerosas esquinas entre rúas, e mirade que ben lle vai ao noso comercio!!!! Ah, perdón, hai unha excepción. A rúa Barcelona ten a maior actividade da Agra toda, e unha das maiores actividades de toda a cidade.....Ah, que resulta que é peatonal....e ten bolardos......

DOUS EXEMPLOS DOUS:

Exemplo A: modelo de mobilidade da Federación de Comercio e Asociación de hosteleiros da Coruña

Exemplo B: modelo europeo de mobilidade e reactivación comercial

Escollede vós!!!!!!!

Aburete....

Para tranquilidade dos seus lectores...

2010-11-04T18:29:00.013+01:00

...A Voz de Galicia informa:

A previsión máis probable é que non chova durante a visita do Papa a Santiago. Nada que ver cos terribles agoiros que nos agardaban a comezos de semana. Ver agoiros.

Menos mal que vén o Papa. Non me protesten. Se non fose por esta visita, o Camiño de Santiago non pasaría de ser unha tradición regional. Cómo qué??? Pois así o indica o señor Arzobispo de Santiago en persoa, que algo virá sabendo do asunto promocional e de marquetín espiritual!!! Ver paranoia.

Tampouco estaría de máis comezar a ver esta visitilla como unha oportunidade de negocio. Así é, amiguiñas e amiguiños katanguistas. O terrible custe de todo este enredo, incrementado con outros gastos moi dificilmente computables, verase sen dúbida compensado coa consabida chuvia de millóns que acompaña a esta persoa. Os medios de Madrid máis acreditados calculan uns beneficios tales que con que a Súa Santidade (súa deles) quede na nosa querida Compostela unha ou dúas semanas saímos da crise pero de ya!!!!

En fin, que podedes seguir todo o relacionado con este magno evento no especial que o medio escrito regional máis importante de Galicia ten permanentemente actualizado, para tranquilidade dos seus (seus deles) lectores, of course!!!!!

LA PAPA: Tanto Papa, tanto Papa...LA PAPA!!!!

Bueno, que non todo serán facilidades, xa que a maligna campaña de desprestixio e difamación emprendida por uns poucos que non representan a ninguén podería estar deixándose notar na afluencia de turistas e turisteos varios...Menos mal que aínda quedan exemplos de xentes humildes e sinxelas...para tranquilidade de todos os lectores deste xornal...sen esquecer outras boas intencións algo menos ao alcance do común dos mortais...

Animamos desde aquí ao conxunto do colectivo homosexual para que acudan a Compostela tal cal pelegríns gozosos. A ver se se curan, que falta lles/nos fai, o Papa dixit!!!!

Se, por outra banda, ti es unha desas persoas desleixadas que non ten sentimento de ledicia algún ante a visita galaica do Pontífice, preme no enlace inferior e tómate un lilapause!!!

Con la Iglesia hemos topado, amigo katangueiro!!!

Ou ben preme directamente no seguinte botón de descanso....

Aifssss......que faltaba Paco o dos euromillóns!!!

Abur, yogur

Kavernícolas

2010-11-01T11:20:00.001+01:00

by Katangueiro

Vale que a esquerda política non che me anda moi fina en situacións de crise do capital financeiro como a que estamos vivindo en Katanga. Cousas do ideoloxismo dos nosos tempos, que procura atopar acomodo ao enfrontamento entre a base dogmática e a máis crúa realidade.

Vale que a esquerda social, todas e todos eses katanguistas que se dan de conta das "cousas" desde a síua condicións de oráculos do que se coce entre o asfalto e a terra, tampouco che nos anda moi atinada en canto á responsabilización disto que se nos veu enriba. Cousas de combinar a inquietude social cun bo leitor de Blue-Ray.

Vale que certos elemento, coma nós, desistamos de practicar a máis básica e clásica pedagoxía política, a de antes, a de sempre, para refuxiarnos nestes espazos virtuais facendo o avestruz inmisericordemente. Vale, vale, vale e vale xa.

O que non debemos permitir, nin uns nin outras, é que os cavernícolas dereitosos -que non é o mesmo que as persoas de ideoloxía conservadora, non confundir-, isto é, os kavernícolas, campen ás súas anchas polo Estado katangueiro adiante, uns días excitados pola desaparición dos ministerios eses nos que nunca creron nin crerán: Igualdade e Vivenda (Pública), outros días imbuídos eles e elas na áurea de superioridade que dá vivir de puta nai sen merecelo nin coñecerse máis mérito que o de gustar a unha excelsa minoría que di, que pensa, que defende que estes personaxes son uns artistas da palabra ou algo así.

Que que quen charloteo???? Fácil, dos 240.000 euracos que se mete entre peito e espalda Lolita de Cospedal sen necesidade de ser cargo público dalgunha administración nin gañar unhas eleccións (unha Senadora é un cargo público, seguro, polo menos na teoría, pero non é como ser Presidenta, Conselleira ou Ministra). Agora entendo a esta muller cando falaba da austeridade do PP!!!! É da austeridade para os demais, claro clarito. Que se non????

E de quen máis largo??? Previsible, do Arturito Pérez Reverte, machote de España por la gracia de Dios, e do Sánchez Dragó, semental da Secundaria, perigo de toda a rapazada. Coidado, despistada alumna de 1º da ESO, que aquí che vai Don Fernando para ensinarte a ser toda unha muller!!!!

En fin, que vén sendo día de defuntos e haberá que pasar por algún camposanto, non vaia ser...e perdoade o abandono destes días. O Pacotrón quedou ao cargo pero quedou tamén sen ordenata...Cousas do século vinteún.....

DON ARTURO (Á ESQUERDA...DA IMAXE): Vive Dios que nunca imaginé tanto revuelo de progres babosos y feministas resentidas!!!
DON FERNANDO (Á DEREITA...EN TODOS OS SENTIDOS): Bueno, en mi caso el lío aumentó las ventas de mi libro...y mis fondos pecuniarios...jo jo jo jo jito!!!!!
DOÑA DOLORES (ABAIXO...SEN CONNOTACIÓN ALGUNHA): Ay, Don Fernando, cómo es usted...Supongo que yo le vengo siendo algo mayorcita peeerooooo......

Abur, yogur.....

Back in the USSR

2010-10-21T12:03:00.006+02:00

El Fígaro Emboscado, amigo insurxente e cocolaborador de Galicia Confidencial, tróuxonos a memoria infinda daquelas emocións do pasado soviético....En 1989 houbo quen me dixo mentras víamos como se tiraba abaixo o muro de Berlín: "Agora ides saber o que é o capitalismo de verdade". Era un trostkista, que lle imos facer se tiña razón....

Estados empufados para cubrir as perdas dos señoritos a conta de universalizar o seu fracaso.

Economistas sen escrúpulos recetando sacrificios para uns e prebendas para outros.

Medio millón de empregados públicos menos no Reino Unido: lembrade o que pasou coa privatización dos ferrocarrís británicos.

Os recortes caen do mesmo lado.

Non se coñece que se extraese lección algunha desta desfeita...así que, nada nada nadita. Unha dos Beatles, cortesía do Fígaro:

Aburete, yogurete!!!!

Véndese Estado-Nación

2010-10-17T13:34:00.004+02:00

by Pacotrón, con tristeza

Urxe por non poder atenderse.

Aproveite agora esta espléndida oportunidade en cómodos prazos.

Cunha excelente situación xeográfica, no suroeste da vella europa, unha das monarquías máis antigas do vello continente, antigo imperio colonial e actualmente constituída en República, goce desde o primeiro momento coas súas preciosas vistas ao océano. Postas de sol diariamente garantidas. Tantas horas de luz que desexará a chegada da noite e as conseguintemente espesas néboas matutinas.

Próxima inclusión na lista dos 40 Intervidos polo FMI.

Liquidación inmediata de múltiples artigos a prezos realmente competitivos: consumibles, man de obra, centros educativos...Infórmese xa dos nosos pacotes de oferta especiais.

Traslade a súa actividade económica e renegocie os convenios salariais ao seu antollo.

Adquira unha man chea de cidades singulares en estado ruinoso como Lisboa, Porto ou Coimbra.

Pasee por interminables praias pendentes de recalificación.

Asuma unha pequena débeda que cuadriplica á de Irlanda e adopte, a cambio, decisións inmisericordes que afecten á vida das once millóns de almas que empregan un idioma comprendido por máis de 250 millóns de persoas, a séptima lingua materna do mundo!!!!

Véndese Portugal.

Infórmese aquí de próximas ofertas similares.

FRANCO: Pois se andabas mal de cartiños poderías ter avisado, home...
SALAZAR: Ai, sim? Emprestaria o senhor os milhôes de contos da nossa dívida?
FRANCO: Non, home, non. Só era por saber...Se nós NON temos un can!!!!!
SALAZAR: E assim vai Portugal, uns vâo bem e outros vâo mal...

Abur yogur!!!

Aquí a tedes: Banksy dirixe intro dos Simpsons (versión sen censurar...aínda)

2010-10-12T11:19:00.003+02:00

Aproveitade!!!!!! En calquera momento nolo censuran!!!!!! No capitalismo superliberal que nos tocou en sorte podes explotar a nenos e nenas...O que non podes é contalo ou representalo. É de mal gusto!!!!!

Brevis breve

2010-10-11T14:30:00.005+02:00

by Brevis Breve

GOBERNANTE: Es lo último que nos queda. Toma el dinero y corre.
BANQUERO: Dame el dinero y vete.

Irlanda busca dinero debajo de las piedras para evitar la ruina del país
"El recorte de 3.000 millones de euros en el gasto público anunciado por el Gobierno se ha quedado obsoleto" (NOTA DO AUTOR: para recuperarse do que tiveron que soltar aos bancos)

CURRANTE IRLANDÉS: Pois levo así dous anos e non dou atopado un chú....
CURRANTE GALEGO: A min non me mires....que levo chanclas!!!!

Abur yogur!!!

Sentido e sensibilidade (falta de)

2010-10-03T13:53:00.003+02:00

by Katangueiro,a partir dun correo de A., nacida libre

A nosa amiga A. coméntanos, entre indignada e preocupada (ler asustada) como proliferan en determinados "lugares" web, vendidos como blogosferas cidadás e convertidos por obra e gracia de quen os administra en espazos de proselitismo neoultradereitoso, as novas redactadas con claro sesgo malicioso e os subseguintes comentarios de reafirmación fascistoide. Quéixase a amiga de que isto ocorre SEMPRE nos mesmos lugares, son SEMPRE os mesmos protagonistas e rematan SEMPRE do mesmo xeito: usando un demagóxico sistema de culpabilización básica en tres leccións pola cal os máis febles, ou os que non se poden defender apropiadamente dentro da calamitosa circustancia económica que estamos padecendo, son os responsables de todo o conxunto de males sociais que afectan aos que transmiten a información e ao conxunto da cidadanía, por extensión. A nosa amiga refírese en concreto ao Blog de Los Rosales, do que xa temos falado máis que suficiente, pero moito nos tememos que é unha enfermidade cada vez máis habitual entre a "maltratada", ou así se considera, clase media desta Europa do progreso e do benestar.

A indignación de A. comezou cando, coincidindo coa folga xeral do pasado día 29, comproba como se magnifican os episodios de enfrontamento, e mesmo un suposto "vandalismo obreiro", que sitúa aos convocantes e participantes na folga pouco menos que nas tramas de delincuencia organizada.

Isto que nos comenta A. pode observarse directamente AQUÍ. O que non se poderá observar de ningunha forma é información algunha referida a que o Estado tivo que pedir diñeiro emprestado á Banca privada, a un 4-5%, para crear o seu Fondo de Rescate da Banca, que o presta aos prestamistas ao 1%. Negocio redondo!!!!! Quizais por iso os lemas máis coreados nese día foron os relativos a que a crise a paguen os que a causaron. Estes últimos contrapoñen: que a paguen os macarras sindicais e os/as beneficiarios de axudas sociais. Vagos, máis que vagos.

A preocupación da nosa amiga sube enteiros cando, tras unha denuncia veciñal relativa a supostas actividades de corte delitivo protagonizadas por menores e adolescentes de etnia xitana no parque infantil do barrio, sucédense as prédicas xenofóbicas que absolutizan a información convertíndoa en dogma de fe polo cal, en definitiva, chegamos á conclusión de que as persoas de etnia xitana non poden -non queren, non saben, non merecen- convivir co común dos seres mortais que habitamos a península ártabra. Marineda, vamos. Chega a propoñerse, sen que apenas sorprenda, o traslado do conxunto dos xitanos a un lugar afastado, onde vivan todos xuntiños e poidan matarse mutuamente se molestar aos demais. Algo así como de Sarkozy ao Plan Madagascar, opina A. Pode verse AQUÍ. Ai...o tan manido recurso á inseguriade cidadá que tan bos resultados está a dar á ultradereita en Europa Central!!!!!!

O que non conseguirá ver A. en semellantes "foros de debate" é que o 88% da poboación xitana en España habita en condicións totalmente normalizadas, ou que a precariedade de emprego sitúase nun 71% no caso desta etnia, fronte ao 30% que padecen/padecemos os que non somos desa etnia. Ou que o 80% dos menores xitanos non rematan os estudos básicos. Estas cifras son tamén "razóns" que se lles escapan a algúns cando botan a lingua a pacer.....é que xa o dicía a miña mamá: non hai peor mentira que unha verdade a medias.

Pero non te preocupes, querida amiga A. É o sino dos tempos. Teremos de discutir novamente sobre cuestións que creíamos de civilización básica, chegando mesmo a ter que defendelas coma se estivésemos nas trincheiras dunha guerra eternizada e/ou eternizable.

Non ves que sempre foi así??? Graciñas polo aviso.

O Anxo Exterminador (e 2)

2010-09-30T19:19:00.002+02:00

Vén do capítulo anterior.....

O Anxo rompeu o cuarto selo e abriu o cuarto sobre. Vimos como a humanidade se dividía entre os que querían protestar ante os Guardiáns, aos que responsabilizaban do conxunto de penurias que se estaban a vivir, e os que non querían que se fixese nada que puidese molestar aos Guardiáns ou tentase a desprazalos da súa tarefa. Vimos como estes últimos eran maioría e vimos como rían os Guardiáns con todo aquilo. Logo, chegou a Gobernación e mandou protexer os bens dos Interventores, pois eran estes as principais vítimas da ira humana, dada a cercanía e contacto diario con eles. Algúns de entre os mercaderes tamén foron protexidos, tal era o desvelo con que Gobernación se ocupaba da protección dalgúns dos seus súbditos.

El Gobierno descarta rectificar tras una huelga de seguimiento muy desigual (El País)

Licencia para coaccionar (ABC)

El FMI advierte que es menos 'doloroso' reducir el gasto que subir impuestos (El Mundo)

Rajoy ve en la huelga un 'fracaso de los sindicatos' y un 'fracaso del Gobierno' (El Mundo)

Fracaso de la huelga borroka (La Razón)

El Gobierno habla de ´seguimiento desigual´ (Opinión de A Coruña)

Los convocantes aplauden el «éxito» de un paro que la patronal ve «un fracaso» (Voz de Galicia)

ANXO EXTERMINADOR: Ji ji ji ji ji jito.........

O Anxo Exterminador

2010-09-27T19:11:00.004+02:00

Chantou as garras con tanta fereza no tellado pétreo que pasou a formar un todo co edificio desde o cal albiscaba a cidade marineda no seu conxunto. Desde a súa posición, na Praza de Mina, era capaz de atravesalo todo coa vista: os montes, os edificios, as persoas...Todo abranguía e todo quería, dándolle as costas propositadamente a Katanga, como se así puidese abstraerse da súa miseria.

O Anxo sorriu con desprezo, en tanto contemplaba os diminutos seres humanos que, horrorizados, non lle quitábamos ollo nunha mistura de curiosidade e espanto. Un reloxo cercano marcaba as cinco horas da tarde. Á súa dereita unha palabra sobresaía como unha fina ironía, habida conta de a quen servía este diaño e para que se atopaba, xusto naquel instante, xusto naquel lugar, alí. O Exterminador procurou nun peto no costado unha cantidade indeterminada de sobres lacrados. Non lle debeu agradar a contemplación daquel xentío cada vez máis numeroso e axitado, que apuntou co dedo índice da man dereita cara a varios dos alí congregados que caeron, pois, fulminados nun instante, présos dunha intensa dor que deixaba profundas marcas nos seus rostros inertes.

Rompeu o primeiro selo e abriu o primeiro sobre. Vimos como milleiros e milleiros de persoas toleaban nunha ansia de consumo que os obrigaba a solicitar audiencia ante os Guardiáns para ver de obter suficientes moedas coas que poder comprar un anaco de mundo. Era tal o desenfreo que contrapoñían como garantía bens, persoas e almas, sen pensar nin ter consideración sobre o auténtico valor do que ofertaban e do escaso, case nulo, valor recibido a cambio. Para cando os Guardiáns reclamaron o que eles voluntariamente prestaron, xa era tarde para moitas xentes humildes, primeiras vítimas de engano e desposuídas repentinamente de todo o que era a súa existencia. Días despois caeron os demais con eles, tamén os comerciantes.

Rompeu o segundo selo e abriu o segundo sobre. Vimos ringleiras interminables de seres suplicando aos Guardiáns, e mesmo a Deus, para seren salvados ou, cando menos, ver minorizado o seu sufrimento. Camiñaban sedentos, nus en ocasións, entoando unha ladaíña profunda que nos sometía os sentidos a todos os alí presentes. Vimos morrer a pequerrechos e pequerrechas inocentes, xustiño ao noso lado, e a ninguén máis preocupou que a quen debía facerse cargo dos corpos putrefactos. Pasadas unhas xornadas interminables, os Guardiáns explicaron que pronto anunciarían os sacrificios que debíamos realizar se queríamos realmente ser axudados por eles. Tamén adiantaron que aqueles sacrificios serían terribles, mais precisos todos eles se desexábamos abandonar aquela indigna condición na que nos víamos. Ninguén ousou repricar. Máis ao contrario, foi tal a excitación contida naquelas horas de desolación que a humanidade admitiu todos os sacrificios de bo grado, mesmo sen antes coñecer o seu verdadeiro alcance. Algúns de nós fomos incapaces de parar de chorar.

Rompeu o terceiro selo e abriu o terceiro sobre. Vimos a todas as mulleres e a todos os homes en traballos diversos, gardando de todo aquilo unha pequena parte para a súa mínima manutención e entregando o máis do que tiñan aos Interventores, quen logo entregaba á súa vez o resultante total da xornada aos Guardiáns. Como estes adicaban a suma recibida máis ben ao seu propio servizo, antes que atender aos necesitados e mesterosos, sucedéronse protestas aquí e alá, pero os máis nin atendían a nada qiue se dixese, tan cansos e derrotados que se atopaban. A Gobernación decidiu, á súa vez, entregar unha boa parte das moedas das que dispoñían para atender tanto as necesidades máis comúns no presente, como as posibles necesidades do futuro, aos Interventores, para que estes as fixesen chegar aos Guardiáns co recado de que agora pasaban a ser totalmente do seu uso e goce, puidendo con elas axustar todo aquelo que os Guardiáns decidisen que era preciso axustar, na orde e importancia que eles entendesen, e sen ter que dar máis conta disto nin a humano, Interventor ou Gobernante, pois era o menos que se podía facer por quen velaba, día e noite, pola pronta recuperación de todos e todas nós. Así falou a Gobernación e así se fixo. Deus nos garde.

CONTINUARÁ....

"Asamblea de Majaras". Sinfonía en tres actos

2010-09-19T13:37:00.005+02:00

by Pacotrón

Sábado 18 de setembro de 2010. O Comité Central, logo de profundas deliberacións, e en nome do conxunto da Asamblea de Majaras, proclama: mañá sol....e bo tempo!!!!

Por entre os discursos e as arengas, as primeiras notas dunha sinfonía van vencendo segundo pasan as horas do día:

Allegro

"As penurias do Porteador"

Contra a metade do día, na pétrea capital húmida e morna, o Porteador disponse para a defensa da última fronteira, a fortaleza construída para a Patria infinda. Rodeado dos seus máis próximos, e mentras se inspiraba no xogo de luces e sombras que as raiolas do sol inventan por entre as estreitas rúas centenarias, o Porteador sentiu certa náusea ante a ben escasa partida que lle conseguiran reunir. Os Voceiros do Pobo rumiaron o seu desleixo en forma de preguntas crónicas sen apenas emoción. Pero esta vez, a pose grave e a voz ronca do Porteador conseguiron elevarse por entre os sons da naturalidade urbana e do continuo devir cidadán:

-O Porteador son eu!!!- proferiu, e as cousas propias da metade do día mantiveron preserverantes a súa continuada teima de rodar, e rodar e rodar. Costa abaixo. Aproveitando as sombras.

Larghetto

"As pretensións do Galinauta"

O xoven e temerario Galinauta despregou as cartas de navegación ante o nutrido grupo que o acompañaba. Inventou unha liña trasversal por entra as cortantes rochas e as perigosas mareas e pulsou con grande ímpetu o punto final do seu destino.

-Por aquí, compañeiras e compañeiros. Por aquí para chegar ata aquí!- indicoulles desprazando o dedo índice dende un extremo do mapa ata o outro.

Non agromou o entusiasmo tal e como o Galinauta agardara, sentimento quizais adormecido trala durísima viaxe que os levara a varar naquela paraxe. Preparara a súa alocución a víspera, confiado no poder iniciático das súas palabras. Para nada.

Contra a tardiña, e entredentes, algún desconfiado murmuriscou: "Tú a Boston y yo a California", pero nada salintable pasou.

Finale (Minué)

"As leccións do Bürgermeister (Bürger=cidadán. Meister=mestre)"

O Bürgermeister levantou a mirada, dirixíndoa aos que o acompañaban. "Son poucos", rosmoulle ao oído un dos seus máis próximos na estancia, pero non na constancia. "Suficientes", espetoulle tan rotundo e confiado que nin tan siquera quixo virarse cara a el.

Epílogo para o final do día

DOUTOR CALIGARI: Impagable!!!!!

Abur, yogur!!!

Katanga-Koruña

Dirti uiquen...

O Ex-Concello da Coruña: informe de (in)xestión

O BNG, Tolkien e a Terra Media: xogo de comparanzas...

Sen novidade na fronte (noroeste)

O pirata, o ladrón, a súa muller e a miña amante

Bágoas

Enron, os tipos que estafaron América

Sabemos de ti...

Nada (de nada)

Auxe e caída dos blogs veciñais coruñeses...

Volver...

Eleccións...que ilusión (sobre a desaparición de Xornal)

Do tren chu-chú ao cochecito leré...

Chunguísima decisión da Xunta de Galicia sobre a residencia universitaria da Coruña

Á procura da esquerda soñada (a la recherche du temps perdu)

Carlos Negreira e Millán-Astray: Vuelve el Hombre

Demolición e silencio

Dous vídeos imprescindibles

Máis sobre o absurdismo

Revisionismo histórico (Se eles poden, Msarkadina tamén)

Os absurdistas

Deconstrucións Negreira

Música para unha resaca postelectoral

Msarkadina e as eleccións

A moverse!!!!!

A potencia sen control e o control sen potencia: perder algo máis que un goberno

Nunhas horiñas de nada....

Sobre Democracia Real e Acampada Coruña: unhas preguntas desde o cariño....

Mar do Orzán: A Coruña máis xusta e solidaria

Katanga KoruñaUn dos nosos!!!!!!!!!!!!!

Sexo soviético (adicado a Lois Pereiro)

Excuscuscusas

O Partido Copular ou agora entendo a CORCOBA!!!

Política outlet: quererás ser katangueiro

Os timadores

Renovación e cambio de pavimento en Katanga!!!! Buá, neno!!!!

Galegos coma ti

De algo hai que morrer....

No día de mañá.....

Redvolución (ou redevolución, que che me vén sendo como máis daquí)

Como en Alfama...

Katanga en femenino: a Katangueira e a súa independencia manifesta

Illuminati: as medidas de Don Mariano

Todo para poucos, nada para o resto!!!!!

Menos dramática, máis gramática

Os Estados Unidos teñen collido polo pescozo aos PIGS por máis de 350.000 millóns de dólares!!!!!

Cylons en Katanga!!!!

Dereita excitada: onanismo ou barbarie

FMI: A festuqui rematou.....

Mami, quero ser artista!!!!!

A Coruña Nowadays

A poucas horas de ti.....a escasos metros de tempo.....(síndrome vacacional)

Mundo insólito

Os abaixo convocantes e apoiantes

Mo chara na hÉireann...(miña querida Irlanda...)

Deconstrución europea....

Sobre a decadencia do comercio coruñés...

Para tranquilidade dos seus lectores...

Kavernícolas

Back in the USSR

Véndese Estado-Nación

Aquí a tedes: Banksy dirixe intro dos Simpsons (versión sen censurar...aínda)

Brevis breve

Sentido e sensibilidade (falta de)

O Anxo Exterminador (e 2)

O Anxo Exterminador

"Asamblea de Majaras". Sinfonía en tres actos

Katanga Koruña
Un dos nosos!!!!!!!!!!!!!